Ձեր տունն ինչպե՞ս եք ջեռուցում

[Rammstein]

Հետաքրքիր է իմանալ` այսօրվա դրությամբ ով ինչով է տունը ջեռուցում:

Վերջին գազի թանկացումներից հետո շատ մարդիկ վերադարձել են հին ու բարի ցախի վառարաններին (ոմանց անձամբ ճանաչում եմ): Արդյունքում ամենաշատը տուժում են անտառները, որոնք հատվում են ամեն ինչին համակերպվող ժողովրդի տները տաքացնելու համար:
Պետք ա մի հատ համազգային գազադուլ անել, տեսնել` էդ թանկացնողների դուրը գալիս ա՞:

Ինչեւէ` թեման ոչ թե գազադուլ կազմակերպելու համար է (չնայած` նման թեմա էլ վատ չէր լինի ունենալ), այլ վերաբերում է տուն ջեռուցելուն, դրա եղանակներին` իրենց առավելություններով ու թերություններով: Թեմայում կարելի է քննարկել նաեւ տան ջերմային կորուստների նվազեցման եղանակները, ինչը ՀՀ-ում շատ արդիական հարց է, քանի որ հայ ազգային ճարտարապետության գլուխգործոցի` նորին մեծություն շուշաբանդի լայն տարածման պատճառով շատերը քանդել են իրենց տան ջերմամեկուսացված պատերի պատուհանները (ոմանք պատերն էլ հետն են քանդել) ու տեղադրել են դրանք պատշգամբի համար նախատեսված բարակ պատերի վրա: Հետո էլ բողոքում են, թե տվյալ սենյակը չի լինում տաքացնել:

Հարցումը փակ եմ սարքում, քանի որ միտում չունեմ ուրիշի փողերը հաշվելու, բայց ով ուզում է, թող մանրամասնի:

Մեկ էլ, թող ինձ ներեն արտերկրի բնակիչները, բայց հարցման մեջ չեմ ներառում ՀՀ-ում տարածում չգտած տարբերակները, ինչպիսին է, օրինակ` կենտրոնական ջեռուցումը (կաթսայատներով):

[ed2010]

Ջեռուցում եմ գազի կաթսայով, արդեն 3 տարի է, շատ գոհ եմ...

Հին ու "բարի" վառարաններին վերադառնալով չես կրճատում ծախսերը, ուղղակի ջեռուցում ես տան մի մասը... նույն ձևով կարելի է միացնել միայն մի սենյակի ջեռուցումը.. ծախսը նորից քիչ կլինի:

P.S. Գրածս ոչ մի ձևով չի արդարացնում գազի թանկացումը, խնդրում եմ սխալ չհասկանալ :-)

Ինչ վերաբերում է "շուշաբանդ" կոչվածին, մենք էլ ենք պատշգամբը փակել, օգտագործում որպես սենյակ, բայց մի քանի առաջ լուսամուտների տակը հաստացրեցինք պենոպլաստով ու "պլիտա"-ով.. էլ չի սառում..

[Lion]

Բաքսիի հույսին ենք...

[Rammstein]

Հին ու "բարի" վառարաններին վերադառնալով չես կրճատում ծախսերը, ուղղակի ջեռուցում ես տան մի մասը... նույն ձևով կարելի է միացնել միայն մի սենյակի ջեռուցումը.. ծախսը նորից քիչ կլինի:

Խոսքն այն մասին է, որ եթե որոշ մարդիկ առաջ գազի վառարան էին դնում (էլի տաքացնելով տան միայն մի հատվածը), ապա հիմա այդ գազի վառարանը չեն դնում, այլ դնում են ջերմության կետային աղբյուր, միայն թե գազով չաշխատող:

[ministr]

Ամեն դեպքում , անգամ եթե նույն գումարնա ծախսվում գազի և ջերմության այլ աղբյուրի վրա ապա էլի նախընտրելին գազի կաթսայով ջեռուցումնա: Նույնիսկ եթե մի քիչ էլ թանկ լինի:

[Ձայնալար]

Մեր թաղամասի շենքերը գազաֆիկացված չեն, տաքացնում ենք էլեկտրաէներգիայով, նստում ա դորդ ու բեշ, հարևանների զգալի մասը փայտի վառարան են օգտագործում:

[Kuk]

Էլեկտրական պլիտայով` ինչպես հին ու բարի ժամանակներում

[My World My Space]

Որոշեցի անկապից տեղադրեմ նաև ստեղ, որ մարդիկ կարենան քննարկեն....

Երկուշաբթի օրը գնացի կոմունալ ծախսերը վճարելու....

Միայն գազի ծախսը 52 000 դրամ էր... դե ինչ-որ ճիշտն ա, շատ ենք օգտագործում: Ավելի լավ ա էդ փողը տամ գազին, քան մանկաբույժներին, որ եղբորս էրեխեքին բուժեն.... բայց ահավոր շատ ա է անտերը....

Սկսեցի հաշվարկ անել:
Գա՞զ, թե՞ հոսանք

ահա հաշվումներիս արդյունքները:

գազի կաթսան մեկ ժամ առավելագույն հզորությամբ միացնելու դեպքում (հաշվի առնելով, որ էդ ընթացքում անջատվում-միանում է) ծախսում է 1.2 խորանարդ մետր գազ, ինչը հավասար է 158 ՀՀ դրամի:

Տունը հոսանքով տաքացնելու համար գործարկում եմ երկու օդորակիչները (կոնդիցիոներ) + 1 էլ. պլիտա: կոնդիցիոներներից յուրաքանչյուրը նախատեսված է 30քմ-ի համար և տաքացնելու ժամանակ 1 ժամ անընդհատ միացնելու դեպքում ծախսում է 0.82 կվ, էլեկտրական պլիտայի հզորությունը 1կվ/ժ- է, ուստի 0.82+0.82+1= 2.62 կվ/ժ , որի արժեքը կազմում է 78.6 ՀՀ դրամ
(հաշվի առնելով որ կոնդիցիոներն էլ է անջատվում-միանում, ապա գործնականում ավելի քիչ)

Այսպիսով տունը գազով տաքացնելու դեպքում մեկ ժամում ծախսում եմ մոտ 158 դրամ
Հոսանքով տաքացնելու դեպքում` ավելի քիչ քան 78.6 դրամը....

Ասածս ինչ ա, անցել եմ հոսանքի, հողեմ Հայռուսգազարդի ու մեր ղեկավարության գլուխը....

Մենակ կաթսան ա ափսոս ժամանակին տեղադրելու համար 1.3 միլիոն դրամ փող եմ ծախսել....

[Gayl]

Դեռ վառարանի վրա եմ նստած, եթե գազի կաթսա լիներ ամենաքիչը 1.5 անգամ խնայողություն կանեինք, հեսա մուրազիս հասնեմ էտ էլ կանեմ

[Tig]

Որոշեցի անկապից տեղադրեմ նաև ստեղ, որ մարդիկ կարենան քննարկեն....

Իհարկե լավ կլիներ, որ հնարավորություն ունենաինք տարբեր միջոցներով ջեռուցել, որպիսի հայռուսգազառտանման տարրերից կախված չլինենք:
Բայց դե ոնց ֆռում ենք, բոլոր տարրերն էլ նույն գարշելի նյութից են... բոլորին էլ պետքա փոխել:

հ.գ. պետք ա համապետական գազի բոյկոտ կազմակերպել...

[ArmSOAD]

Դե ինչ ասեմ, մենք էլ ենք ՀՌԳԱ-ի վրա նստած: Բայց իրոք, եթե լավ տքանալու ցանկություն ունես, ալտերնատիվ չկա: Հիմա որ հիշում եմ, նախքան գազը են յուղային էլեկտրական "պառավո"-ներն էին ու զզվելի, օդ չորացնող ռեֆլեկտորները, ու մեկա տանը սառնամանիք էր:

[Կաթիլ]

օրը մի քանի տասնյակ լիտր թեյով

դե գազի վառարան + էլ. պլիտա

[Gayl]

Դեռ վառարանի վրա եմ նստած, եթե գազի կաթսա լիներ ամենաքիչը 1.5 անգամ խնայողություն կանեինք, հեսա մուրազիս հասնեմ էտ էլ կանեմ

Մոռացել էի, որ ցախի վառարան էլ կա, գազը նկատի ունեի:

[ArmSOAD]

Մոռացել էի, որ ցախի վառարան էլ կա, գազը նկատի ունեի:

Բա տենց կարևոր բաները կմոռանա՞ն: Ես էլ մտածում էի փայտի վառարան ա

[davidus]

հ.գ. պետք ա համապետական գազի բոյկոտ կազմակերպել...

Տիգ ջան, բոյկոտը ինքնստինքյան ա ստացվելու ( (c) Գագիկ)... շրջապատումս Հովոն երևի են բազմաթիվ մարդկանցից մեկն էր, որ հունվարին կոնկրետ անակնկալի ա եկել ու սկսել ա գազը խնայողաբար օգտագործել։ (80 հազար, 120 հազար, շեֆի սեփական տանը 150 հազարի գազ էին վառել...)։ Էդքանին մենակ ես գիտեմ, բայց դու հլը պատկերացրու ինչքանին չենք ճանաչում։

Իրանք իրենց ձեռքով շուկային սպառման ծավալները կակ մինիոմում 30%-ով քցեցին։ Իսկ դա մեծ թիվ ա։ Գյուղերում ընդհանրապես կհրաժարվեն, մնում են միքանի խոշոր քաղաքներ, դրանք էլ կամաց-կամաց կանցնեն էլ.հոսանքին։

Արդյունքում պարզ կդառնա, որ Իրանից եկող գազը մեզ լրիվ հերիք ա