Ոնցոր թե սենց թեմա չկա…
Ի՞նչ ասել է խոսքի ազատություն
Դա կարո՞ղա սա է՝
«Հայկական ժամանակ». Գյուղնախարարի պորտֆելի դիմաց պահանջվող գումարն այնքան մեծ Է եղել, որ «Մանչո գրուպի» հիմնադիրը չի համաձայնվել
10:41 • 12.01.11
Թեև ԱԽՔ Արթուր Բաղդասարյանը Սերժ Սարգսյանի աջակցությամբ շարունակում է «փչել» «Օրինաց երկիրը», մայրաքաղաքում ՕԵԿ-ի նորանոր գրասենյակներ բացել, բայց Բաղդասարյանի կուսակցությունը այդպես էլ կուսակցություն չի դառնում։
ԱԽՔ-ը կադրերի լուրջ խնդիր ունի և այդ հարցը ոչ մի ձևով չի կարողանում լուծել։ Կոալիցիոն քվոտայով ՕԵԿ-ին հատկացված գյուղնախարարի թեկնածու գտնելու համար ՕԵԿ-ից օրեր են պահանջվել։ Մեր աղբյուրները փոխանցում են, որ անցյալ տարեվերջին Գերասիմ Ալավերդյանի պաշտոնանկությունից հետո այդ պորտֆելն առաջարկվել է «Մանչո գրուպի» հիմնադիր, գլխավոր տնօրեն, անկուսակցական Իվան Մոսոյանին։ Բայց, ըստ շրջանառվող խոսակցությունների, նախարարական պորտֆելի դիմաց պահանջվող գումարն այնքան մեծ Է եղել, որ վերջինս չի համաձայնվել դրան։
Երեկ մեզ հետ զրույցում Մոսոյանը հաստատեց, որ իրեն այդ պաշտոնն առաջարկվել Է։ Հարցին, իսկ ինչու չեք համաձայնվել, նա պատասխանեց. «Դե, բավական լուրջ բաներ են, խնդիրներ կային»։ Մոսոյանը, սակայն, պնդում Է, թե գումարի մասին խոսք չի եղել։ «Ինձ կանչել, ասել են՝ մեզ պետք Է մասնագետ, որ գյուղնախարարի գործը կարողանա կատարի, գյուղատնտեսությունից հասկանա, միակ պայմանը դա Է եղել։ Ես անկեղծ եմ ասում, ինձ նույն օրը առավոտյան, երբ ազատեցին նախկին գյուղնախարարին, զանգել, կանչել են կառավարություն, ես չեմ Էլ իմացել ինչի համար Է։ Երբ գնացել եմ, ընդհանուր խոսակցություն է եղել իմ նախկին անցած ուղու մասին, վերջում նոր, որ առաջարկեցին, ինքս Էլ զարմացա, ինձ համար դա լրիվ անսպասելի Էր։ Ես քանի որ շատ գործ ունեմ, չուզեցի դրանք կիսատ թողնել, գնալ, որովհետև եթե ես զբաղեցնեի գյուղնախարարի պաշտոնը, հաստատ պետք Է առավոտից առավոտ դրանով զբաղվեի, թողնեի իմ ստեղծած տնտեսությունը, հարմար չէր, և ամենակարևորը, ես ինձ համար հանգիստ ապրում եմ՝ աշխատելով, աշխատելով, աշխատելով»,– պատմեց «Մանչո գրուպի» սեփականատերը։ Ըստ նրա, ինքը 2-3 ժամ կառավարությունում է եղել։ «2-3 ժամ խոսել եմ կառավարությունում... Իմ առաջին պատասխանը բացասական է եղե..., ինձ 4-5 օր ժամանակ է տրվել, վերջին պահին ես «չէ» եմ ասել, նոր Սերգոյին նշանակել են»,– ասաց Մոսոյանը։ Մեր հարցին՝ զրույցը վարչապետի՞ հետ է եղել, նա պատասխանեց. «Չէ, ինձ Արթուր Բաղդասարյանը կանչեց, հետո վարչապետը և այլն, և այլն։ Հիմնականում Արթուր Բաղդասարյանի հետ է եղել խոսակցությունը՝ նախնականը։ Հետո նաև ուրիշ տեղերից էլ են եկել, կառավարությունից, ես չեմ ուզում անուններ ասել, բոլոր տեղերից էլ եկել են, այստեղ էլ են եկել, նայել են տնտեսությունս, զարմացել։ Ես երբ ռեալ եմ նայում, ինձ ավելի լավ է, որ իմ գործը ես շարունակեմ, քան թե կիսատ թողնեմ, գնամ որոշ կուսակցությունների ձեռի տակ ընկնեմ։ Եթե փող էլ ասեին, եթե ես նպատակ ունենայի, դա ինձ չէր խանգարի, կգնայի»,– եզրափակեց Իվան Մոսոյանը։ Թե էլ ում է ԱԽՔ-ը փորձել համոզել իր քվոտայով ստանձնել գյուղնախարարի պաշտոնը, գոնե մեզ դեռ հայտնի չէ։
Tert.am
Էդ որ ամեն պարբերության մեջ շեշտումա «ԱԽՔ», դա՞ է խոսքի ազատությունը… Է եթե դա է, նշանակումա մենք լավ էլ ազատ երկրում ենք ապրում:
Էթիկա… բան… սենց բաները լուրջ խոչընդո՞տ են խոսքի ազատության համար…
Էջանիշներ