Շնորհավոր Նոր տարի

[ԿԳԴ]

Շնորհավոր մեր բոլորի Նոր Տարին և Սուրբ Ծնունդը, բոլորիդ համար հաջողակ տարի լինի, երկրում խաղաղություն լինի, «Դարին» նորանոր հաղթանակներ ու նորանոր հետաքրքիր անդամներ:
Թող այս տարի աշխատավարձի բարձրացում լինի,գներին իջեցում, տափակ սերիալների ու հաղորդումների կրճատում, սեր, առողջություն, մարդկանց էլ մարդկություն: Կենացդ լինի

[Արևածագ]

Սիրելի ակումբցիներ, , շնորհավո՜ր բոլորիդ Նոր տարին, անփորձանք եղե'ք, սիրված ու գնահատված: Թող հաջողությունն ուղեկից լինի ձեր նախաձեռնություններին, թող անհնարին թվացող բարի ցանկություններն իրականություն դառնան նույնքան անսպասելի, ինչքան էս գիշերվա ձյունը:

Ակումբը միացնում է մարդկանց ու ճակատագրերը մի ամուր շղթայում ու նույնիսկ ինձ նմանները, որ թվում էր անդարձ շպրտված են «Հայաստան ու հայերեն խոսք» մոնումենտալ կառուցվածքից, Ակումբի շնորհիվ նորից վերագտնում են իրենց ու հասկանում են, որ իրենք էդ շղթայի մի մասնիկն են: Այն զգացողությունն ունեմ, որ բազմաթիվ մարդիկ, որոնք քաջալերանքի խոսքեր են գրում, ում գրառումները կարդալով հասկանում եմ , որ սիրում եմ իրենց, ( իրենք բազմաթիվ են, անունները չեմ գրում, որովհետև մոտ 40- 50 անուն պիտի գրեմ ) , այն զգացողությունն ունեմ որ մենք ձեռք- ձեռքի տված օղակում ենք երկրագունդը ու էդ շղթայից ես այլևս չեմ պոկվելու:

Գրում են, որ երջանկությունն այն է, երբ դիմացինդ քեզ հասկանում է: Միթե՞ կարող եմ բողոքել հիմա, երբ այսքան մարդ հետաքրքրությունների նույն հավաքածուն ունի, ինչ որ ես: Թող որ դա կողքից երբեմն կարող է տարօրինակ թվալ, նշանակություն չունի. Ամեն թռչուն իր երամում պիտի թռնի:
Շնորհավորանքս այսքան երկարեց, որովհետև վաղը «Դարում» գրանցվելուս մի տարին է լրանում , իսկ կարևորագույն իրադարձությունների առիթով ընդունված է նախապես շնորհավորել:

Սիրելիներս, ձեզ գտնելու հետ միասին ինքս ի'նձ եմ վերագտել:

Մի անգամ էլ շնորհավոր իմ ակումբային կյանքի ու բոլորիս Նոր տարին:

Թող որևէ մեկդ չկասկածի՝ ամեն ինչ հրաշալի է լինելու:

[Ariadna]

Էս տարի վերջապես մի քանի րոպե ազատ ժամանակ ունեցա կոմպի դիմաց նստելու, շնորհավոր, էրեխեք ջան, բոլորիս Նոր Տարին, երջանիկ, առողջ, հաջողակ տարի լինի բոլորիս համար, կարծում եմ պետք ա որ լավ լինի, եթե տարվա ամենաառաջին լուրը Արեգի ծնունդն էր, ուրեմն էդպես էլ պետք ա շարունակվի

[Katka]

Շնորհավորում եմ, փափուկ ու ջերմ տարի լինի բոլոր բարի,լայնսիրտ ակումբցիների համար
Մեկ էլ էս տարի մի կարեւոր մաղթանք ունեմ.մեր երկրին ձեռքբերումներ,հաջողություններ 2011 իդիոտ պակասի էս տարի

[Ձայնալար]

Էս տարի վերջապես մի քանի րոպե ազատ ժամանակ ունեցա կոմպի դիմաց նստելու, շնորհավոր, էրեխեք ջան, բոլորիս Նոր Տարին, երջանիկ, առողջ, հաջողակ տարի լինի բոլորիս համար, կարծում եմ պետք ա որ լավ լինի, եթե տարվա ամենաառաջին լուրը Արեգի ծնունդն էր, ուրեմն էդպես էլ պետք ա շարունակվի

Հա, բա նապոյի տարի ա. բազմանալու՜ ենք

[Meme]

Շնորհաաաաաաաաաաաաաաաաաաաավորրրրրրրրրրրրր Ակումբցինեեեր ջաաաաաաաաաաաաաան




Մեկա, ինչել ցանկանամ սրտիցս բխած,միևնույննա նույն մաղթանքները կլինեն,բայց այնուամենայնիվ ամմմմենաշատը սեեեե՜եեեր եմ մաղթում բոլորիդ,մեեեեծ,անչափ մեեեծ սեր,մեկ էլ թող այ էս բոլորիս իրար մաղթանքներն ու ցանկությունները իրական դառնան մեկ ակնթարթում այս գալիք 2011 թվականին..........
Սիրում եմ ձեզ,լավ մնացեք.........

[davidus]

Ժողովուրդ ջան,

Շնորհավորում եմ բոլորիդ Ամանորը և գալիք Սուրբ ծնունդը: Թող այս տարում իրականանան ամենքիդ ամենանվիրական երազանքները, առողջ ու երջանիկ լինեք, բոլոր ձեռնարկումներում հաջողակ լինեք՝ թե անձնական, թե գործնական: Թող ամեն օր մի նոր պստո ակուբցու ծնունդի կամ մի նոր զույգի միավորման մասին լսենք, ուրախանանք ու հպարտանանք:

Ձեր ու ձեր ընտանիքներն ամենաջերմ բարեմաղթանքները:
Շնորհավոր լինի: