XIII

**bugron** · 27.12.2010, 09:52

Իմ կարծիքով այս խաղը գլուխգործոց է, ուրիշ խոսքեր որպես նկարագիր չեմ գտնում: Ինձ ուղղակի շատ էր հետաքրքրում թե ինչ-որ մեկը խաղացել է XIII, և ավելի հետաքրքիր է թե ով ունի դրա դիսկը: Այստեղ կարող եք թողնել Ձեր տպավորությունները խաղի մասին և այլ....

**Հայկօ** · 27.12.2010, 21:15

bugron-ի խոսքերից

Իմ կարծիքով այս խաղը գլուխգործոց է, ուրիշ խոսքեր որպես նկարագիր չեմ գտնում: Ինձ ուղղակի շատ էր հետաքրքրում թե ինչ-որ մեկը խաղացել է XIII, և ավելի հետաքրքիր է թե ով ունի դրա դիսկը: Այստեղ կարող եք թողնել Ձեր տպավորությունները խաղի մասին և այլ....

Դե, ես եմ խաղացել

: Բայց էդ շա՜տ վաղուց էր, երբ դեռ GF2 32Mb էի քշում

: Ընդհանուր տպավորություններս՝ ընտիր, չնայած, մեր մեջ ասած, համարյա բան չեմ հիշում:

Խաղը առաջին հերթին գրավում ա իր անկրկնելի ոճով: Խաղին անծանոթ մարդկանց համար նշեմ, որ ամբողջ խաղը ստեղծված ա էնպես, որ առավելագույնս նման լինի կոմիքսի: Այսինքն՝ գլխավոր հերոսը «ապրում ու ստեղծագործում» ա նկարների քառակուսի վանդակների մեջ ու էդպես նկարից նկար անցնելով էլ առաջ ա գնում. ֆլեշբեքերն ու ուրիշ տեղ կատարվող իրադարձությունները կարող են երևալ «նկար նկարի մեջ» սկզբունքով. պայթյունների, գոռոցների կամ այլ ձայների ժամանակ էկրանը լցվում ա մեծ ու գույնզգույն BOOOOOOM, AAAAARGHHHH, WHOAAA և այլ «պատկերաձայներով». իսկ ամբողջ խաղի ընթացքում շատ լավ օգտագործված ա Cell Shading տեխնոլոգիան, որի շնորհիվ եռաչափ պատկերները սև ու մուգ կոնտուրներ են ստանում՝ ձեռքով արված նկարների նմանվելով:

Նման խաղեր մինչև էդ էլ էին եղել (ամենահայտնին, երևի, Sega-ի Comix Zone լեգենդար խաղն ա), հետո էլ եղան (Spider-Man-ներից մեկը. ի դեպ՝ վատը չէր), բայց XIII-ը երևի ամենալավն ա: XIII-ը ոչ միայն որպես ընտիր ստիլիզացված խաղ ա լավը, այլև հենց որպես հետաքրքիր շութեր: Հիմա, բնականաբար, արդեն մի քիչ հին ա (2003թ), գրաֆիկան կարող ա պարզունակ թվալ, բայց խաղը մնում ա անկրկնելի հենց իր ոճի շնորհիվ: Եթե հետաքրքիր բան եք փնտրում, կամ եթե թույլ վիդեոքարտի պատճառով չեք կարողանում նոր բաներ խաղալ, անպայման XIII-ը ճարեք ու խաղացեք, չեք փոշմանի, մանավանդ եթե FSP-ներ եք սիրում:

Մի քանի սքրինշոթներ