Ռոբեսպյերը, Դանտոնը, Մարատը և մյուսները:

**Malxas** · 09.12.2010, 20:05

Մի խելացի մարդ, իմ լավ ընկերը, մի առիթով ասաց, որ յուրաքանչյուր լավ գիրք երևի պետք է 10 - 15 տարին մեկ վերընթերցել: Վերջին երկու տարում հատկապես հաճախ եմ հետևել այդ խորհրդին, իսկ հերթական վերընթերցվող գիրքը Հյուգոյի հանրահայտ <93 > ն է: Վեպի գլուխներից մեկը նվիրված է Ռոբեսպյերի, Դանտոնի և Մարատի հանդիպանը: Հյուգոն նրանց մեծ մարդիկ է անվանում, սակայն ինձ մոտ մի պահ այնպիսի տպավորություն առաջացավ, որ նրանք սովորական ճիվաղներ են: Խոստովանում եմ` դա տեղի ունեցավ այն ժամանակ, երբ նրանք առաջարկում էին առավել անգութ լինել հեղափոխության հակառակորդների հետ` իբր թե մինչ այդ շատ խղճով էին:
Եվ այսպես, մեծ մարդիկ էին դրանք, թե սովորական ճիվաղներ, որոնք պատահականորեն վեր էին բարձրացել:
Գրելով այս երեք հեղափոխականների անունները բնավ նպատակ չունեմ սահմանափակել թեման միայն նրանցով: Կան նշանակալից դեմքեր, որոնց շրջանցելն ուղղակի անհնար է` օրինակ Ֆուշեն:

**Մարկիզ** · 09.12.2010, 20:54

Ճիվաղ են, ճիվաղ: Հատկապես Մարատն ու Ռոպեսպիեռը: Բայց, որ այդ ժամանակներում կատարվածն իր անգնահատելի հետևանքներն է ունեցել այսօրվա ծաղկուն Եվրոպայի համար, դա փաստ է:

**Lion** · 10.12.2010, 08:21

Դե, Մարկիզից այլ բան սպասել չէր էլ կարելի

Իսկ այ ես կարծում եմ, որ բոլոր մինչթերմիդորյան յակոբինյաններն էլ իրենց տեսակի մեջ մեծ մարդիկ են եղել, ինչն իհարկե չի բացառում որոշակի սխալների առկայությունը: Այնուհանդերձ կարծում եմ, որ հենց սրանք պատրաստեցին այն մեծ ձեռքբերումները, որոնց հասավ Ֆրանսիան Նապոլեոնի օրոք...

**Malxas** · 10.12.2010, 10:09

Իսկ արժեր? ազգն այդպես անգթորեն կոտորել, սեփական ձեռքերով սեփական ժողովդրի ցեղասպանություն իրագործել, ինչ է թե մի երկու ձեռքբերում մի քանի տարի ավելի շուտ լիներ:
Իսկ Նապոլեոնի նվաճումներն ինչ տվեցին ֆրանսիական ժողովրդին: Թերևս միայն փառք, որով կարող են այսօր հպարտանալ:

**Lion** · 10.12.2010, 13:05

Կարծում եմ` արժեր: Բացարձակ միապետությունը արդեն լրջորեն խոչընդոտում էր Ֆրանսիայի զարգացմանը:

**Malxas** · 10.12.2010, 13:28

Բա մյուս Եվրոպական երկրներն ինչպես զարգացան առանց արյունահեղության: Նույնիսկ թագավորներին մահապատժի չենթարկեցին, մինչև էսօր էլ կան:

**Lion** · 10.12.2010, 14:29

Դեե, այդքան էլ այդպես չէ: Անգլիայում ևս արքա գլխատեցին, Հոլանդիայում, Ավստրո-Հունգարիայում, Իտալիայում հեղափոխություններ եղան, իսկ Եվրոպայի ներկայիս առաջընթացի մեջ հսկայական է Ֆրանսիական Մեծ հեղափոխության դերը:

**Malxas** · 10.12.2010, 19:15

Հեղափոխական շարժումներ շատ երկրներում եղեն, բայց ոչ մի տեղ այնքան այլասերված ու արյունահեղ բնույթ չկրեց, որքան Ֆրանսիայում: Ռուսաստանն է թերևս միակ բացառությունը:
Իսկ թե ինչ ՄԵԾ դեր է կատարել, դեռ ոչ ոք չբացատրեց թեմայում:

**Lion** · 13.12.2010, 08:47

"Այլանդակություն" ամեն մի պատերազմում կամ հեղափոխությունում էլ կա, ուղղակի Ֆրանսիայում արիստոկրատները ավելի ակտիվ դիմադրեցին, դրա համար էլ ավելի ակտիվ ջարդ կերան - Սպիտակ տեռոռ, լսել ես տենց բանի մասին? Իսկ "Մեծ դեր"-ը չեմ կարծում, որ բացատրելու կարիք ունի - դեմկորատիա, մարդու իրավունքներ, միջնադարի ավարտ...

**Malxas** · 15.12.2010, 15:04

Հա շատ առաջադեմ էին, մանավանդ էն մոմենտով, որ բոլոր կանանց օբշագ էին գցել

**Lion** · 15.12.2010, 17:56

Կարծում եմ, որ դա փաստերով ապացուցել չի լինի...

**Malxas** · 16.12.2010, 15:19

Գա, ֆոտոներ և վիդեո չի մնացել, բայց խոսակցությունները լիքն են. : Իսկ ծուխն առանց կրակի չի լինում: Նույնիսկ Պչուսի <Տիկնիկ> վեպում է արծարծվում այս հարցը

**Lion** · 16.12.2010, 16:37

Փաստեր ներկայացրեք

**Malxas** · 18.12.2010, 21:13

Lion-ի խոսքերից

Փաստեր ներկայացրեք

Լիոն ջան, ինչ փաստեր ես ուզում որ ներկայացնեմ

Արդեն ասել եմ, որ վիդեո կամ ֆոտո փաստեր չունեմ:

Բայց մարդիկ այդ հարցն արծարծել են շատ տեղեր: Այս պահին հիշում եմ Բոլեսլավ Պրուսի <Տիկնիկ> գիրքը, որտեղ խոսվում է հատկապես այդ մասին:

**Lion** · 20.12.2010, 09:29

Իրականում կարծում եմ, որ սա հակահեղափոխության հերթական սև լեգենդներից մեկն է, որով սրանք ձգտում էին սևացնել հեղափոխականներին ու հեռու պահել նրանցից հասարակ ու մութ մասսային