ՀՐԴԵՀԻՑ ՏՈՒԺԱԾ ԲՆԱԿԻՉՆԵՐԻ ԽՆԴԻՐՆԵՐԻՆ ԱՆՀԱՏԱԿԱՆ ԼՈՒԾՈՒՄ ԿՏՐՎԻ
Երևանի քաղաքապետ Գագիկ Բեգլարյանի հանձնարարությամբ դեկտեմբերի 8-ին քաղաքապետի տեղակալ Կամո Արեյանն ընդունեց վերջերս Մաշտոցի պողոտայի թիվ 52 և 54 շենքերի և Կորյունի փողոցի թիվ 21 և 21ա շենքերի միջև գտնվող սեփական տներում բռնկած հրդեհից տուժած 14 ընտանիքների ներկայացուցիչներին:
“Երևանի քաղաքապետը հանձնարարել է ձեզ տեղեկացնել, որ ոչ մի ընտանիք դրսում չի մնալու, այդ ուղղությամբ աշխատանքներն արդեն ընթացքի մեջ են, ամբողջությամբ կուսումնասիրվի և անհատական լուծում կտրվի բոլոր ընտանիքների խնդիրներին”,- ասաց Կամո Արեյանը: Բնակիչները նշեցին, որ կան առավել ծանր վիճակում գտնվող ընտանիքներ, որոնք կորցրել են ամեն ինչ, անգամ հագուստի հետ կապված խնդիրներ ունեն: Երևանի քաղաքապետի տեղակալը վստահեցրեց, որ առաջնահերթ լուծում կտրվի առավել կարիքավոր ընտանիքների խնդիրներին: Այս մասին տեղեկացնում են Երևանի քաղաքապետարանի տեղեկատվության և հասարակայնության հետ կապերի վարչությունից:
Մեջբերել
Էջանիշներ