Երկրորդ տարին անընդմեջ աշխարհի լավագույն ֆուտբոլիստ է ճանաչվում Լիոնել Մեսսին, ով կստանա ՖԻՖԱ-ի ոսկե գնդակը: Արգենտինայի հավաքականի և կատալոնական Բարսելոնայի հարձակվողն առաջ անցավ իր խաղընկերներ Չավիից ու Անդրես Ինյեստայից: Այս մասին հայտնի դարձավ այսօր Ցյուրիխում կայացած ՖԻՖԱ-ի գալա-մրցանակաբաշխության ընթացքում:
Վերջին երկուսն Իսպանիայի հավաքականի կազմում նվաճել էին 2010թ. Աշխարհի չեմպիոնի կոչումը, իսկ ահա Մեսսին Արգենտինայի հավաքականի հետ ձախողվել էր ՀԱՀ-ում: Բայց դա չխանգարեց Լիոնելին կրկին լավագույնը ճանաչվել մոլորակում: Մեսսին հիանալի մրցաշրջան անցկացրեց Բարսելոնայում, որի կազմում բավական արդյունավետ խաղ է ցուցադրում:
Հիշեցնենք, որ այս տարի առաջին անգամ միավորվել են Ֆրանս Ֆուտբոլի կողմից սահմանված Ոսկե գնդակի (այս մրցանակը տրվում էր Եվրոպայի լավագույն խաղացողին) և ՖԻՖԱ-ի տարվա լավագույն խաղացողի տիտղոսները:
Հղում
Մեջբերել
Էջանիշներ