Մտքեր լռությունից...

[einnA]

Հեղինակը 28 ամյա Վարդուհի Մկրտչյանն է:
Նրա թույլտվությամբ ձեզ եմ ներկայացնում նրա մտքերը լռությունից վերցրած:

Հ.Գ.Կարծիքները կփոխանցեմ:

[einnA]

Լուսաբացից առաջ
Սերը քուն է մտնում,
Ավելի է մթնում
Լուսաբացից առաջ:

Լուսաաբացից առաջ
Հույսը տուն է մտնում`
Հոգում բույն է գտնում
Լուսաբացից առաջ:

Ու մինչ քեզ եմ սպասում-
Աչքս թաց է լինում,
Դուռս բաց է լինում
Լուսաբացից առաջ:

***

Իմ փշրված կարոտներից,
Գամ հավաքեմ բեկոր-բեկոր`
Ժպիտը քո:

Գամ հավաքեմ կաթիլ-կաթիլ,
Իմ խորտակված երազներից,
Թախիծը քո:

Գամ հավաքեմ հատոր-հատոր
Ու սոսնձեմ հատիկ-հատիկ`
Իմ հույսը ու …հավատը քո:

[Garapost]

Իմ փշրված կարոտներից
Գամ հավաքեմ բեկոր-բեկոր
Ժպիտը քո:

Իմ խորտակված երազներից
Գամ հավաքեմ կաթիլ-կաթիլ
Թախիծը քո:

Գամ հավաքեմ հատիկ-հատիկ
Ու սոսնձեմ հատոր-հատոր
Իմ հույսը ու …հավատը քո:


Իմ կարծիքով սա ավելի հայերեն է:

[einnA]

Իմ կարծիքով սա ավելի հայերեն է:

Ավելի հայերեն չէի ասի, ուղղակի նախասիրության հարց է
Մերսի կարծիքի համար:

[Garapost]

Ավելի հայերեն չէի ասի, ուղղակի նախասիրության հարց է
Մերսի կարծիքի համար:

Ես դա նկատեցի, քանի որ մերսի բառը հայերեն չէ:

[Mark Pauler]

Լավն են Վարդուհու լռությունից վերցրած մտքերը: Էդ ժամանակ, համոզված եմ ինքը կետադրության մասին չէր էլ մտածում:
Եթե էլի կան ստեղծագործություններ տեղադրի, Վարդուհուն էլ իմ կողմից բարեմաղթանքներ փոխանցի:
Ցանկանում եմ, որ մյուս անգամ լռության մեջ խորհելուց, լավ պահերի ջերմությունով ոգեշնչվի:

[My World My Space]

Լուսաբացից առաջ
Սերը քուն է մտնում,
Ավելի է մթնում
Լուսաբացից առաջ:

Լուսաաբացից առաջ
Հույսը տուն է մտնում`
Հոգում բույն է գտնում
Լուսաբացից առաջ:

Ու մինչ քեզ եմ սպասում-
Աչքս թաց է լինում,
Դուռս բաց է լինում
Լուսաբացից առաջ:

***

Իմ փշրված կարոտներից,
Գամ հավաքեմ բեկոր-բեկոր`
Ժպիտը քո:

Գամ հավաքեմ կաթիլ-կաթիլ,
Իմ խորտակված երազներից,
Թախիծը քո:

Գամ հավաքեմ հատոր-հատոր
Ու սոսնձեմ հատիկ-հատիկ`
Իմ հույսը ու …հավատը քո:

Սիրուն են պատկերները, Սահյանի հոտ առա.....

[Meme]

Իմ փշրված կարոտներից,
Գամ հավաքեմ բեկոր-բեկոր`
Ժպիտը քո:

Գամ հավաքեմ կաթիլ-կաթիլ,
Իմ խորտակված երազներից,
Թախիծը քո:

Գամ հավաքեմ հատոր-հատոր
Ու սոսնձեմ հատիկ-հատիկ`
Իմ հույսը ու …հավատը քո:[/QUOTE]



Ան նենց հավանեցի էս մեկը,նենց լավ էր կարդացվում,սահուն էր ու պարզ...........Իմ կողմից մեծ շնորհակալություն սեղծագործողին և քեզ,որ տեղադրել ես

[Garapost]

Այն բանից հետո, երբ Վարդուհին համեստորեն ընդունել է իմ դիտողությունները, ձեր խոսքերը հնչում են որպես շողոքորթություն: Նա ձեր կեղծ գովեստի պահանջը չունի: Այսուհետ Վարդուհու տեղադրած բոլոր գործերը կլինեն ավելի գրագետ և ավելի ուժեղ: Ես հավատացած եմ:

[Mark Pauler]

Այն բանից հետո, երբ Վարդուհին համեստորեն ընդունել է իմ դիտողությունները, ձեր խոսքերը հնչում են որպես շողոքորթություն: Նա ձեր կեղծ գովեստի պահանջը չունի: Այսուհետ Վարդուհու տեղադրած բոլոր գործերը կլինեն ավելի գրագետ և ավելի ուժեղ: Ես հավատացած եմ:

Շողոքորթելու կամ կեղծ գովեստ անելու կարիք անձամբ ես չունեմ ու ոչ միայն այն պատճառով, որ արժանապատվություս թույլ չի տալիս, այլ նաև նրա համար, որ իսկապես բանաստեղծությունները դուրս եկել են:
Եթե կարիք ունես նկատողություններովդ ինքնագնահատականդ բարձրացնես գրառում անելուց առաջ մի քիչ երկար մտածի, գուցե հետո ավելի ընկնի այդ գնահատականը: Իսկ եթե իսկապես ինչ-որ գրագետ ու տեղին նկատողություն ես ուզում անես Վարդուհուն, դա կարող ես նամակի միջոցով փոխանցել: Կարծում եմ այդպես ավելի կոռեկտ կլինի:

[einnA]

Ոչինչ չի՛ եղել
Ու ոչինչ չկա՛.
Լոկ մի գարուն է
Անցել իմ կյանքից,
Ու մի անուն է
Ջնջվել աշխարհում:

Ոչինչ չի՛ եղել
Ու ոչինչ չկա՛.
Մի օրհնություն է
Մաղվել երկնքից
Ու մի մանուկ է
Ծնվել աշխարհում:

Կարոտը եկել
Ու հենց ինքն իրեն
Տեր է հռչակել
Սրտիս տաճարում,
Եվ ինքն էլ իրեն
Հարկ է վճարում`
Արցունքիս տեսքով:

***
Հեռացել են մուսաներս,
Մոռացել են մուսաներս,
Ինչ-որ մի բան այն չեմ արել`
Նեղացել են մուսաներս:

***
Թղթին հանձնեմ մտքերը իմ,
Դատաստանիդ` մեղքերը իմ:
Օգնիր, Աստված, որ աշխարհում
Երկար մնան հետքերը իմ: