Ֆուտբոլի Հայաստանի ազգային հավաքական

[Malxas]

ես խաղը լրիվ չեմ նայել, մենակ կարևոր մոմենտների ցուցադրումն եմ նայել:
իսկ իտալացիների 2.3 գոլերը ընդամենը պաշպանների պրիմիտիվ սխալների հետևանք էին: պրոֆեսիոնալ ֆուտբոլին անհարիր խաղ: ու այստեղ իտալացինեի վարպետությունից խոսալը էնքան էլ տեղին չէ
ինչը չէի ասի Մխիթարյանի գոլի մասին: սա իսկական վարպետություն էր /չգիտեմ, կարող ա և յաբախտի եղավ/, բայց հրաշք հարված սկզբից մինչև իրա հետագիծը:

Ճիշտ ես ասում, առաջին հերթին առկա էր մեր պաշտպանների սխալը:
Մխիթարյանի գոլը իսկապես մեծ վարպետության արդյունք էր: Իտալացի պաշտպանից ինցավ ինչպես մանկապարտեզի երեխայից, իսկ դե Ռոսսին հուսահատորեն փորձում էր հետևից հասնել, բայց մուրազը փորումը մնաց Իտալիայում այդ գոլը նմանացնում են Կակայի գոլերի հետ, երբ նա խփում էր Միլանի կազմում:

[Hda]

տարիների փաստը դեռ ակտուալ է
հայերը թմային խաղերում չկան
Մխիթարյաններն էլ որ տասնմեկ հոգ դարձան, իրար կուտեն
բոքս-բարբա-շտանգա-շախմատ-..... ցանկացած,բայց ոչ թիմային

[Malxas]

տարիների փաստը դեռ ակտուալ է
հայերը թմային խաղերում չկան
Մխիթարյաններն էլ որ տասնմեկ հոգ դարձան, իրար կուտեն
բոքս-բարբա-շտանգա-շախմատ-..... ցանկացած,բայց ոչ թիմային

Դուք պարզապես կրկնում եք այն խոսքերը, որոնք ընդունված է ասել հայկական ֆուտբոլի մասին:
Ես ձեր կարծիքը չեմ կիսում: Մենք հիմա էլ ունենք լավ հավաքական, անցած շրջափուլի հանդիպումները ձեզ օրինակ:

[Տրիբուն]

Ֆուտբոլը հավես խաղա: Իսկ հատկապես հավես ա, երբ սռռռռռտանց ինչ-որ ակումբի բալետ ես անում: Փիիիիիիս հավես ա, եթե էտ ակումբի հետ ինչ-որ կապ ունես - ձեր թաղի դպրոցն ա, ձեր շրջանի տղեքն են հիմնադրել, ձեր քուչեն իրար հետ բանգա եք տշել, մեջը հոգի կա, պատմության կա, և այլն: Բայց դե մենք էլ էտ չենք ունենալու, քանի որ ազգային առաջնություն փաստացի չունենք, սովետի առաջնության ու Արարատի վախտերն էլ անցան: Մնում ա որ նույն հավեսով ազգային հավաքականին բալետ անենք: Որ մտածում ես, սաղ Հայաստանը ինքը իրանով մի հատ լավ քաղաքի քուչայա, Հայաստանի հավաքականն էլ մեր քուչի ակումբն ա: Այնպես որ, ես սրտանց մեր հավաքականի հետ եմ - պարտության համար սրտիցս արուն ա կաթում, հաղթանակի համար էլ ատանց ուրախանում եմ: Հայեեեեեեեեեեեեեեեե՜ր ....

Հ.Գ. Մենակ վրես ազդում են ամեն հավայի հաղթնակից հետո հրապարկում էն ավտոներով հավայի սիգնալ տվողները: Մի հատ քֆուր ...
Դրա փոխերն, ՀՖՖ-ն լավ կաներ գոնե երկու-երեք հատ կարճ բալետ անելու երգ հորիներ, որ բոլորն իմանային: Խոսքի «Հայեր առաջ, գոլ խփեք, թուրքերի մայրիգը նեդեք»: Թուրքերի մայրիգը նեդելը պարտադիր վերջաբան ա բոլոր երգերի համար, անկախ այն բանից, թե որ երկրի ազգային հավաքականի հետ ենք խաղում: Կարա հանգիստ Նիկարագուան լինի:

[Ambrosine]

Ջանլուիջի Բուֆոն. Մխիթարյանին մեծ ապագա է սպասվում

Իտալիայի հավաքականի դարպասապահ Ջանլուիջի Բուֆոնը Հայաստան-Իտալիա խաղում իր թիմի կազմում լավագույններից էր: Նա մի քանի անգամ Իտալիայի հավաքականին փրկեց վերահաս գոլերից: Խաղից հետո xsport.am-ի լրագրողին հաջողվեց փոքր հարցազրույց վերցնել աշխարհի լավագույն դարպասապահներից մեկից:

-Հայաստանի և Իտալիայի հավաքականները առաջին անգամ էին մրցում: Ինչպիսի՞ խաղ ստացվեց:

-Շատ լավ խաղ ստացվեց և դրան, իհարկե, նպաստեց Հայաստանի հավաքականը: Մրցաշարային աղյուսակը մեզ ստիպում էր հաղթել, և մենք կարողացանք հասնել ցանկալի արդյունքի: Սակայն պետք է նշեմ, որ այս հաղթանակը մեզ հեշտությամբ չտրվեց: Հայերը շատ լավ էին խաղում և բազմաթիվ գոլային պահեր ստեղծեցին:

-Մխիթարյանից զգուշանում էր ողջ Իտալիայի հավաքականը, բայց նա, այնուամենայնիվ, իր գոլը խփեց: Ի՞նչ կասեք նրա խաղի մասին:

-Ես և իմ թիմակիցներից շատերը նրա դեմ արդեն խաղացել էինք և ծանոթ էինք նրա խաղին: Բայց պարզվեց նա մեր թույլ կողմերը ավելի լավ էր ուսումնասիրել և կարողացավ որսալ պահը: Դա հատուկ է բարձրակարգ ֆուտբոլիստին: Նա շատ լավ կարողանում է զգալ խաղադաշտն ու թիմակիցներին տանում է իր ետևից: Վստահ եմ նրան մեծ ապագա է սպասվում:

Աղբյուր

[Աբելյան]

Կարոտել էի Բուֆֆոնի, Պիռլոյի, Դե Ռոսսիի դեմքերը: Առաջի անգամ էս տարվա մեջ ֆուտբոլ տեսա: Մեր ֆուտբոլիստների մոտ Հովսեփյանի պակասը շատ էր զգացվում: Իտալացիները հիմնականում ձախով էին գրոհում: Մյուս կողմից Հովսեփյանը որպես ավագ էլ շատ կօգներ: Այ եթե Բերեզովսկին էլ գնաց…

[Ambrosine]

Հենրիխ Մխիթարյանը 11-րդն է` Չեմպիոնների լիգայի 50 լավագույն ֆուտբոլիստների ցուցակում




Դոնեցկի «Շախտյորի» ու Հայաստանի ազգային հավաքականի կիսապաշտպանը զբաղեցնում է 11-րդ տեղը։ Նրա միջին գնահատականը կազմել է 7.1 բալ։

Չեմպիոնների լիգայի ընթացիկ մրցաշարում 23-ամյա Մխիթարյանը մասնակցել է չորս խաղի՝ դառնալով երկու գոլի հեղինակ։

Չեմպիոնների լիգայի 50 լավագույն ֆուտբոլիստների ցուցակը գլխավորում են «Շախտյորի» ենթահարձակվող Վիլիանը եւ իսպանական «Մալագայի» կիսապաշտպան Իսկոն, ովքեր հավաքել են 7.7-ական բալ։

Աղբյուր

[Անվերնագիր]

Մովսիսյանը մոտ է Սպարտակի հետ պայմանագիր կնքելուն

Հայաստանի հավաքականի հարձակվող Յուրա Մովսիսյանը մոտ է Մոսկվայի «Սպարտակ» տեղափոխվելուն: Այս մասին armsport.am-ը տեղեկացավ Մովսիսյանին մոտ կանգնած աղբյուրից:

«Կրասնոդարում» արդյունավետ խաղ ցուցադրած ֆուտբոլիստին «Սպարտակը» տարեկանը 3.5 մլն դոլար աշխատավարձ է առաջարկել:

«Յուրայի ներկայիս ակումբը՝ «Կրասնոդարը», մեծ ցանկություն ուներ, որ նա շարունակեր ելույթները թիմում: Թիմի սեփականատեր Գալիցկին պատրաստ էր կրկնապատկել աշխատավարձի չափը՝ այն հացնելով մոտ 2 մլն եվրոյի, սակայն Մովսիսյանը ցանկանում է հանդես գալ այնպիսի թիմում, որի կազմում հնարավորություն կունենա մասնակցել եվրագավաթներին: Ներկայումս նա Մոսկվայում է, որտեղ հստակեցում են պայմանագրին առնչվող մի շարք կետեր»,-նշեց ֆուտբոլիստի մերձավորներից մեկը՝ խնդրելով չհրապարակել իր անունը:
«Սպարտակը», որը օրերս պաշտոնանկ արեց իսպանացի Ունաի Էմերիին, սկսել է ակտիվորեն նոր ֆուտբոլիստներ փնտրել: Ակումբի սեփականատերերը պատրաստվում են ձմեռային պատուհանի ընթացքում մեծ ձեռբերումներ կատարել: Ռուսական թիմը վերջերս գաղթակղիչ առաջարկ է արել նաեւ Հայաստանի հավաքականի ռմբարկու Հենրիխ Մխիթարյանին, սակայն Դոնեցկի «Շախտյորը» ու ֆուտբոլիստը կտրականապես մերժել են մոսկովյան ակումբին:

աղբյուր

[Ambrosine]

Նախորդ հոդվածի հերքումը: Երեկոյան այս հոդվածը հերքող հոդված կդնեք, մինչև տեսնենք` ինչ ա լինում :

---

Յուրան ոչ մի տեղ չի գնում. "Կրասնոդարի" գլխավոր մարզիչ

''Կրասնոդար''-ի գլխավոր մարզիչ Սլավոլյուբ Մուսլինը հերքել է Հայաստանի ազգային հավաքականի հարձակվող Յուրա Մովսիսյանի` Մոսկվայի ''Սպարտակ'' տեղափոխվելու մասին տեղեկությունը: ''Յուրայի նկատմամբ հետաքրքրություն են ցուցաբերել մի քանի թիմեր, սակայն հիմա նա ոչ մի տեղ չի գնում: Այո, Մոսկվա է մեկնել բուժզննման, սակայն դա կապված է վնասվածքի հետ, որի համար նա բաց է թողել մի քանի հանդիպում: Մենք հասկանում ենք, որ Յուրան ցանկանում է խաղալ այնպիսի թիմերում, որոնք հանդես են գալիս Չեմպիոնների լիգայում, կամ Եվրոպայի լիգայում: Մենք դեռևս նման մակարդակի չենք հասել: Եթե նրա տեղափոխման վերաբերյալ կոնկրետ առաջարկություններ լինենք, կքննարկենք: Առայժմ Մովսիսյանը մնում է ''Կրասնոդար''-ում,- ասել է Մուսլինը: Հիշեցնենք` այսօր տեղեկություններ էին տարածվել մասին, որ Մովսիսյանն արդեն բուժզննում է անցել մոսկովյան թիմում և պատրաստվում է պայմանագիր կնքել:

Աղբյուր

[Ambrosine]

Խոսքս չհասցրի ավարտել `

Մուսլին. Ակնհայտ է, որ Մովսիսյանը կլքի «Կրասնոդարը»

Յուրա Մովսիսյանի՝ մոսկովյան «Սպարտակ» տեղափոխվելու մասին լուրերը այնքան մեծ աղմուկ են բարձրացրել, որ sportbox.ru-ի թղթակիցն իր հերթին խնդրել է «Կրասնոդարի» մարզիչ Սլավոլյուբ Մուսլինին մեկնաբանել այդ լուրը:

«Մովսիսյանով հետաքրքրվում են Ռուսաստանի առաջնության բազմաթիվ ակումբներ: Յուրան ցանկանում է հանդես գալ ավելի անվանի եւ հավակնող ակումբում: Նա աշխատավարձի բարձրացում է ուզում: Բայց մենք չենք կարող դա թույլ տալ մեզ, քանի որ որոշակի հավասարակշռություն ենք պահպանում թիմում: Այդ պատճառով ակնհայտ է, որ նա կլքի «Կրասնոդարը»,- ասել է մարզիչը:

Աղբյուր

[Անվերնագիր]

Չգիտես ում հավատաս, ում չէ

Յուրա Մովսիսյանը 5 տարվա պայմանագիր կնքեց Մոսկվայի «Սպարտակի» հետ

Այդ մասին տեղեկացնում է SPortbox.ru կայքը: Այս պահին Յուրան վերադարձել է Կրասնոդար անձնական իրերի հետեւից, որից հետո կմիանա «Սպարտակին»:

Ըստ մեր տեղեկությունների՝ Յուրայի տրանսֆերը գնահատվում է շուրջ 15 միլիոն ԱՄՆ դոլար:

աղբյուր1 աղբյուր2

[Անվերնագիր]

լրիվ դժվար ապրուստն ա

<<Սպարտակ», թե՞ «Կրասնոդար». Յուրա Մովսիսյանի տրանսֆերի «ոդիսականը» (թարմացվում է)


Երեկ Ռուսաստանի և Հայաստանի ամբողջ ֆուտբոլային հանրությանը տանջում էր մեկ լուր. վերջապես Յուրա Մովսիսյանը տեղափոխվե՞լ է «Սպարտակ», թե` ոչ: Հստակ պատասխան այս հարցին այժմ դժվար է տալ: ArmFootball.com-ը որոշեց հավաքել բոլոր լրատվամիջոցների տեղեկությունները, և ներկայացնել ձեզ այսպես կոչված timeline-ի միջոցով.

24 նոյեմբերի, 08:30. «Советский спорт» ինտերնետ-պորտալը լուրեր տարածեց, որ «Սպարտակը» հետաքրքրվում է Մովսիսյանի ծառայություններով:

27 նոյեմբերի, 22:20. Ռուսական կայքերը հղում կատարելով News.am Sport-ին տեղեկացրեցին, որ Յուրան բուժզննում է անցնում «Սպարտակում»:

28 նոյեմբերի, 01:05. Ռուսական կայքերը, այս անգամ հղում կատարելով Armsport.am-ին, տեղեկացրերցին, որ Մովսիսյանը «Սպարտակում» ստանալու է 3.5 մլն. դոլլար աշխատավարձ:

28 նոյեմբերի, 11:00. ИТАР-ТАСС գործակալությունը հայտարարեց, որ Մովսիսյանի խոսքերով նա բուժզննում չի անցել «Սպարտակում»:

28 նոյեմբերի, 13:39. Սլավոլյուբ Մուսլինը «Р-Спорт»-ին տված հարցազրույցում տեղեկացրեց, որ Մովսիսյանը չի լքելու «ցլերի» շարքերը:

28 նոյեմբերի, 18:59. Ընդամենը երեք ժամ անց «Спорт-Экспресс»-ին Մուսլինը ասաց, որ Մովսիսյանը, ամենայն հավանականությամբ, կլքի «Կրասնոդարը»:

28 նոյեմբերի, 22:25. Sportbox.ru պորտալը տեղեկացրեց, որ Մովսիսյանը 5 տարվա պայմանագիր է ստորագրել «Սպարտակի» հետ:

28 նոյեմբերի, 23:05. «Սպարտակի» նախագահ Վալերի Կարպինը «Р-Спорт»-ին ասաց, որ ակումբը բանակցություններ չի վարում Մովսիսյանի հետ:

28 նոյեմբերի, 23:19. LifeSports.ru կայքը հրապարակեց տեսանյութ, որում Մովսիսյանը այցելում է մոսկովյան հիվանդանոցներից մեկը, որտեղ նա պետք է բուժզննում անցնի:



29 նոյեմբերի, 00:32. «Спорт-Экспресс»-ում հայտնվեց տեղեկություն, որ «Սպարտակի» բաժնետերերը համաձայնվել են Մովսիսյանի տրանսֆերին:

29 նոյեմբերի, 00:48. Ռուսական կայքերը հղում կատարելով News.am Sport-ին, տեղեկացրեցին, որ Յուրայի տրանսֆերը «Սպարտակին» արժեցել է 8 մլն. եվրո:

29 նոյեմբերի, 11:15. "Спорт" ռադիոկայանի եթերում «Սպարտակի» սպորտային տնօրեն Դմիտրի Պոպովը ասաց, որ Յուրան «Կրասնոդարի» ֆուտբոլիստ է:

29 նոյեմբերի, 12:40. Championat.com-ին տված հարցազրույցում Հավանական տրանսֆերի մասին կարծիք հայտնեց նաև Հայաստանի ազգային հավաքականի գլխավոր մարզիչ Վարդան Մինասյանը:



Ժամը 14:41-ի դրությամբ Յուրայի «առեղծվածային» տրանսֆերի timeline-ը այսպիսին է, հետևեք մեր թարմացումներին: Չմոռանաք մեկնաբանություններում նշել ձեր կարծիքը այս տրանսֆերի մասին:

[Ambrosine]

դժվար ապրուստը էն գոռ-էլեն անվերջանալի ամուսնություն-ապահարզա՞նն ա :

Չե՞ն կարող Յուրայի հեռախոսահամարը գտնեն, զանգեն, հետը զրուցեն: Չէի կարծում, որ հայերի համար դա կարող է խնդիր լինել :

[Անվերնագիր]

դժվար ապրուստը էն գոռ-էլեն անվերջանալի ամուսնություն-ապահարզա՞նն ա :

Չե՞ն կարող Յուրայի հեռախոսահամարը գտնեն, զանգեն, հետը զրուցեն: Չէի կարծում, որ հայերի համար դա կարող է խնդիր լինել :

Որքանով ես տեղեկացված եմ, պաշտոնական չհայտարարելու իմաստը էրեկվա բուժզննում անցնելն էր, այսինքն եթե հանկարծ Յուրան բուժզննում չանցներ, էտ լուրը կարող էր հետագայում խանգարել և Յուրային և Սպարտակին: Իսկ հիմա ըստ այդ աղբյուրի Յուրան պայմանագիրը կնքել ա դեռ երեկ, և ոչ պաշտոնական տվյալների տռանսֆերի գինը եղել է 15 100 000 միլիոն, չնայած թերթերում ասում են 7,5-9 միլիոն:Ասում են նաև, որ Յուրան հետ ա վերադարձել՝ Կրասնոդար վեշքուլը հավքի ու գա մոսկվա

[Ambrosine]

Հուսով եմ` սա վերջնական տարբերակն է `

Յուրա Մովսիսյանը պայմանագիր ստորագրեց «Սպարտակի» հետ

Հայաստանի ազգային հավաքականի և Կրասնոդարի համանուն թիմի հարձակվող Յուրա Մովսիսյանն ու Մոսկվայի «Սպարտակը» պայմանագիր են կնքել, տեղեկացնում է NEWS.am Sport-ը` հղում կատարելով իր աղբյուրին Մոսկվայից։ Կողմերն ավարտել են փաստաթղթային ձևակերպումների փուլը եւ համաձայնեցրել են կետերը։

Հիշեցնենք, որ 25-ամյա հարձակվողն օրեր առաջ էր փոխհամաձայնության եկել Ռուսաստանի 9-ակի չեմպիոնի հետ: Մովսիսյանին ձեռք բերելու համար «Սպարտակը» վճարել է 8 միլիոն եվրո: «Սպարտակում» Յուրան կստանա տարեկան 2.4 միլիոն եվրո: Նրա պայմանագիրը մոսկովյան ակումբի հետ նախատեսված է մինչև 2017 թվականը:

Ռուսաստանի ընթացիկ առաջնությունում Մովսիսյանը «Կրասնոդարի» կազմում մասնակցել է 13 հանդիպման եւ դարձել է 9 գոլի հեղինակ։

Աղբյուր