Ֆուտբոլի Հայաստանի ազգային հավաքական

[Նուշություն]

Ուզում եմ ձեզ հետ կիսել շատ հայրենասեր մի մարդու ֆուտբոլային խոհերը երեկվա խաղից հետո: Վայելեք
http://www.mediamax.am/am/column/12214/

[Sagittarius]

ՀՖՖ-ի նախագահ Ռուբեն Հայրապետյանը facebook-ի էջում իր մեկնաբանություններն է տվել Հայաստանի հավաքականի վերջին երկու ստուգողական հանդիպումների վերաբերյալ:

«Գոհ եմ և շատ ուրախ, որ մենք ունենք հուսալի ռեզերվ: Մեր մարզիչը Սերբերի դեմ դաշտ դուրս բերեց նորեկներին, որպեսզի պաշտոնական խաղերին նրանց համար նորություն չլինի խաղալ ազգային հավաքականում:

Ֆուտբոլի ֆեդերացիան ընկերական խաղերը համարում է ծրագրային աշխատանք, իսկ ես անձամբ գտնում եմ որ մարզիչը ամեն ինչ շատ ճիշտ է անում:

Մելիքսեթյանը չի կարող փոխարինել Բերեզովսկուն: Տղաները շատ փայլուն խաղացին, բայց նրանց խաղի վրա ստվեր գցեց Մելիքսեթյանը: Ցավում եմ, բայց դուք նրան այլևս չեք տեսնի հավաքականի մարզաշապիկով»,- հայտարարել է Հայրապետյանը:

Հիշեցնենք, որ Վարդան Մինասյանի սաները երեքշաբթի օրը երկրորդ կազմով պարտվեցին սերբերին (0:2), իսկ չորեքշաբթի օրը` արդեն հիմանական կազմով 3:1 հաշվով հաղթեց Կանադային:

ArmFootball.com

Չէ, էս մարդը անուղեղ կենդանի ա

[Դավիթ]

Մելիքսեթյանը չի կարող փոխարինել Բերեզովսկուն: Տղաները շատ փայլուն խաղացին, բայց նրանց խաղի վրա ստվեր գցեց Մելիքսեթյանը: Ցավում եմ, բայց դուք նրան այլևս չեք տեսնի հավաքականի մարզաշապիկով»,- հայտարարել է Հայրապետյանը:



Լավ ա Նեմեցը Արգենտինայի մարզիչը չէր 82-ին, թե չէ աշխարհի խաղերից հետո, Մարադոնան կյանքում հավաքականի մարզաշապիկը չէր հագնի:

[Ջուզեպե Բալզամո]

«Այաքսի» գլխավոր մարզիչ Ֆրանկ դե Բուրը De Telegraaf-ի հետ զրույցում անդրադարձել է Հայաստանի հավաքականի խաղացող Արազ Օզբիլիսի ստացած վնասվածքին՝ նշելով, որ այն լուրջ է, այս մասին տեղեկացնում է «Արմսպորտ» կայքը:

«Մտավախություն կա, որ նա այս մրցաշրջանում այլևս ասպարեզ դուրս չի գա: Հնարավոր է, նրան կրկին վիրահատեն, բայց եկենք ուղղակի սպասենք»,- ասել է դե Բուրը:

Կայքը հիշեցնում է, որ երեկ Ամստերդամում կայացած «Այաքս»-«Հերակլես» (6:0) խաղի 32-րդ րոպեին Օզբիլիսը վնասվածքի պատճառով փոխարինվեց:

[Ջուզեպե Բալզամո]

«Այաքսի» հարձակվող Արազ Օզբիլիսի վնասվածքի մասին նախնական տեղեկատվությունը չի հաստատվել: Ինչպես հաղորդում է հոլանդական ակումբի պաշտոնական կայքը, Հայաստանի հավաքականի հարձակվողն այսօր առավոտյան մասնակցել է թիմի մարզմանը:
Հիշեցնենք, որ երեկ կայացած «Այաքս»-«Հերակլես» (6:0) հանդիպման 32-րդ րոպեին Օզբիլիսը վնասվածք էր ստացել և ստիպված է եղել լքել խաղադաշտը: Հետխաղյա մամուլի ասուլիսի ժամանակ «Այաքսի» մարզիչ Ֆրանկ դե Բուրը մտավախություն էր հայտնել, որ Օզբիլիսը չի կարողանա վերականգնվել մինչ մրցաշրջանի ավարտը:

ArmSport.am

[Անվերնագիր]

Արաս Օզբիլիս. Վիրահատությունը պարտադիր է

«Այաքսի» եւ Հայաստանի ազգային հավաքականի ֆուտբոլիստ Արաս Օզբիլիզը սրունքի վնասվածքի պատճառով մայիսին կենթարկվի վիրահատության։ Նախքան այդ նա կշարունակի մարզումները եւ կմասնակցի Հոլանդիայի առաջնության հանդիպումներին։ Այդ մասին Օզբիլիսը հայտնեց NEWS.am Sport-ի թղթակցի հետ զրույցում։

Արաս, ի՞նչ լավ լուր կհայտնես մեզ:

Լավ լուր… Այսօր հետազոտվեցի: Պետք է վիրահատվեմ:

Ի՞նչն է խնդիրը:

Վնասվել է սրունքս, ցավեր չունեմ: Բայց վիրահատությունը պարտադիր է:

Ե՞րբ ես վիրահատվելու:

Մայիսի կեսերին: Մրցաշրջանի ավարտից հետո:

Այսինքն, «Այաքսում» շարունակելո՞ւ ես խաղալ:

Այո, շարունակելու եմ:

Առավոտյան մարզվում էիր: Ամեն ինչ կարգի՞ն էր:

Մարզվում էի, բայց շատ թեթեւ: Շարունակելու եմ մարզվել, քանի որ պետք է խաղամ:

Իսկ եթե վիրահատվես՝ կկարողանա՞ս մասնակցել Հայաստան - Ղազախստան ընկերական հանդիպմանը:

Հույս ունեմ որ այո, վիրահատության օրն այնպես ենք ընտրելու, որ եւ Հոլանդիայի առաջնությանը, եւ ազգային հավաքականի խաղին չխանգարի: Եթե ամեն ինչ լավ անցնի, ապա անպայման կգամ Հայաստան:

Աստված տա ամեն բան լավ լինի: Իմացիր՝ բոլորս անհանգիստ ենք քո համար: Քեզ առողջոթյուն եմ մաղթում:

Շնորհակալ եմ շատ:

Զրուցեց Վերա Մարտիրոսյանը

ահա և մարզման նկարները



Հ.Գ հուսով եմ մինչև Հայաստան-Հունաստան և Հայաստան-Ղազախստան խաղերին ամբողջովին ապաքինված կլինի

[Նաիրուհի]

3-0 հաշվով հաղթեցինք Ղազախստանի հավաքականին։ Շնորհավո՜ր, հայեր

Երկու գոլ Գևորգ Ղազարյանի, ևս մեկը՝ Յուրա Մովսիսյանի հաշվին

[Varzor]

Հենրիկ Մխիթարյան` 2 գոլ, երկու գոլային փոխանցում և կրկին հանդիպման լավագույն խաղացող:
Ոնց որ նորից հունի մեջ է ընկնում:

[Ձայնալար]

Սարգիս Հովսեփյանը դադարեցնում է ելույթները

Ինչպես տեղեկացնում է Փյունիկ ֆուտբոլային ակումբի պաշտոնական կայքը՝ «Փյունիկի» և Հայաստանի հավաքականի ավագ Սարգիս Հովսեփյանը որոշում է կայացրել թողնել մեծ ֆուտբոլը: Այս կապակցությամբ ֆուտբոլիստը հանդես է եկել հայտարարությամբ.

Ֆուտբոլային ընտանիքի հարգելի ներկայացուցիչներ

-Արդեն 24 տարի է, ինչ ես մեծ ֆուտբոլում եմ: Հայաստանի անկախացումից հետո ես անմնացորդ նվիրվել եմ մեր ֆուտբոլին: Եվ «Փյունիկում» և Հայաստանի հավաքականում, ինչպես նաև մյուս ակումբներում, որտեղ խաղացել եմ, միշտ խաղադաշտ եմ մտել հաղթանակի նշանաբանով և արդար խաղի գաղափարով: Կարծում եմ, որ եկել է ժամանակը, երբ անհրաժեշտ է դադարեցնել ելույթներս:

Ֆուտբոլային երկար ճանապարհը բնականաբար հեշտ չի եղել և ես ցանկանում եմ շնորհակալություն հայտնել այն բոլոր մարդկանց, որոնց հետ միասին կերտել ենք այս շրջանի պատմությունը: Շնորհակալ եմ Հայաստանի Ֆուտբոլի Ֆեդերացիայի նախագահ Ռուբեն Հայրապետյանին՝ մեծ վստահության և գնահատականի համար, «Փյունիկ» ակումբի բոլոր ղեկավարներին՝ ի դեմս Գործադիր տնօրեն Կարեն Հարությունյանի, մարզչական շտաբին՝ Սուրեն Չախալյանի գլխավորությամբ, «Փյունիկ» ակումբում աշխատած բոլոր մարզիչներին, բժշկական անձնակազմին ի դեմս ՝ Վարդան Հովասափյանի, բոլոր աշխատակիցներին, այն բոլոր ֆուտբոլիստներին, որոնց հետ տարբեր տարիների հանդես եմ եկել մեր հարազատ ակումբում:

http://www.ilur.am/news/view/589.html

[John]

Այն, որ արդեն ժամանակն էր՝ կասկածի տեղիք չի թողնում... ուղղակի պարոն Հովսեփյանը ավելի ճիշտ կաներ այս որոշումը կայացներ մինչև ընտրական փուլի սկսվելը... ախր ինքն էլ էր գիտակցում, որ մինչև 2014 հաստատ չի դիմանա էս խելահեղ տեմպին ... ու շատ տգեղ ա նայվում, որ որոշ տականքներ, որ մոնիտորի հետևից են միայն որոշակի կշիռ ներկայացնում իրենցից՝ վիրավորական խոսքեր էին գրում տարբեր անկյուններում, ամեն կերպ փորձելով Հովսեփյանի վրա ճնշում գործադրել, որ թողնի ֆուտբոլը... դրանց նմաններին մի օր պետք ա քուչի երեխեքը (հենց քուչի) սխալ արտահայտություն անելու համար վռնդեն հարազատ քուչից, որ իմանան ինչ ա ուրիշի սխալի վրա ինքնահաստատվելը: Շնորհակալություն Սարգիս Հովսեփյան ջան, էդքան դրական էմոցիաներ ու հպարտության զգացումներ Հայկական ֆուտբոլի երկրպագուներին նվիրելու համար:

[Ambrosine]

Հայեեեեեեեր
Մերոնք դաշտում հավասար խաղ են ցուցադրում, իսկ որոշ դրվագներում ուղղակի գերազանցում են. աջ թևում էդ ոնց էին իտալացիներին խաբս տալիս ու ամեն անգամ գնդակը պահում

Առաջին խաղակեսից հետո հաշիվը 1:1 է:
Հաղթելու ենք

[Ambrosine]

Սուձյա :անգռը
Հայ պաշտպաններ :անգռը

[Ambrosine]

Եթե մի պահ մոռանանք մեր պաշտպանների անընդմեջ կրկնվող սխալները, ապա պետք է նկատենք, որ սիրուն խաղ էր, ամբողջ ընթացքում հաճելի լարվածության մեջ էր պահում: Մամաս որ նույնիսկ դարպասապահի "հաստիքը" ճշգրիտ չգիտի, էսօր մեր հետ նստած դիտում էր ու մեկ ու մեջ ուրախանում կամ ափսոսանք հայտնում: Մեր ֆուտբոլը շատ գեղեցիկ ա լինելու, այ կտեսնեք: Իսկ արդյունքները իրենց երկար սպասեցնել չեն տա, էս հավաքականում կամք կա, չպարտվող հոգեբանություն կա. դրանք ամենակարևորն են` հաղթելու համար:
Մեկ ա` մեր հավաքականը ամենալավն ա

[Vaio]

Հենոյի գոլը ֆանտաստիկ լավն էր, ընդհանուր առմամբ լավ խաղացին` բացառությամբ պաշտպանների, լավ պահեր ունեինք, ցավոք չօգտագործեցինք...ինչևէ, լավ խաղ էր:

[Ambrosine]

Սա էլ ՖԻՖԱ-ի կայքում արդեն տեղադրված հոդվածը`

Իտալիան համոզիչ չէր` Հայաստանի դեմ խաղում