Մեսսի. Եթե լքեմ Բարսելոնան, ապա կվերադառնամ Արգենտինա
Ամերիկայի Գավաթի խաղարկության մեկնարկի նախօրեին իսպանական "Բարսելոնայի" արգենտինացի ֆուտբոլիստ Լիոնել Մեսսին ընդգծել է, որ ինքը կարող է իր կարիերան ավարտել հայրենիքում:
Իր պրոֆեսիոնալ կարիերայի ողջ ընթացքում Մեսսին ելույթ է ունեցել բացառապես կատալոնական ակումբի կազմում: Ընդ որում Մեսսին նշել է նաեւ, որ երբեւէ չի համաձայնի տեղափոխվել Մադրիդի "Ռեալ":
- Եթե լքեմ Բարսելոնան, ապա կվերադառնամ Արգենտինա: Հնարավոր է, որ հենց այստեղ էլ ավարտեմ իմ կարիերան: Կտեղափոխվեմ արդյոք "Ռեա՞լ": Կարծում եմ` դա իրատեսական չէ: Բացի "Բարսելոնայից", Եվրոպայում ես չեմ կարող հանդես գալ որեւէ այլ ակումբի կազմում: Ես երջանիկ եմ այս թիմում: Ինձ այստեղ ամեն ինչ գոհացնում է եւ ցանկանում եմ "Բարսելոնայի" կազմում ելույթ ունենալ այնքան ժամանակ, մինչեւ որ կորոշեմ վերադառնալ հայրենիք, - Մեսսիի խոսքերն է մեջբերել El Pais-ը:
ArmSport.am
Մեջբերել
Էջանիշներ