Երեկ՝ օգոստոսի 28-ին, Մոնակոյի «Լուի II» մարզադաշտում, Չեմպիոնների Լիգայի հաղթող «Բարսելոնը» և ՈւԵՖԱ-ի գավաթակիր «Շախտյորը» վիճարկեցին ՈւԵՖԱ-ի Սուպերգավաթը։
Խաղն անցավ կատալոնացիների բացահայտ առավելությամբ, սակայն լուրջ գոլային պահեր շատ քիչ եղան։ Առաջին խաղակեսում ոչ մի հետաքրքիր դեպք տեղի չունեցավ, եթե չհաշվենք Մեսսիի տուգանայինից կատարած հարվածը, որից հետո գնդակը դիպավ «Շախտյորի» պաշտպանի ձեռքին, սակայն 11-մետրանոց չնշանակվեց։ Երկրորդ խաղակեսն անցավ նույն սցենարով՝ «Բարսելոնը» գրոհում էր, «հանքափորները»՝ պաշտպանվում։ Այս հանդիպման առաջին լուրջ վտանգավոր պահը ստեղծվեց 79-րդ րոպեին, երբ Մեսսիի հարվածից հետո Պյատովը փրկեց իր թիմին, իսկ 1 րոպե անց հարվածեց Անրին՝ Պյատովը կրկին գերազանց գործեց։ Հանդիպման հիմնական ժամանակն ավարտվեց 0։0 հաշվով և խաղը տեղափոխվեց լրացուցիչ ժամանակ։ 99-րդ րոպեին առաջին և վերջին անգամ ուկրաինացիները անհանգստացրեցին Վալդեսին՝ Ագահովայի հարվածից հետո «կապտանռնագույնների» դարպասապահը գերազանց գործեց։ Ամեն ինչ գնում էր նրան, որ լինելու են 11-մետրանոց հարվածներ, սակայն 115-րդ րոպեին Մեսսիի փայլուն փոխանցումից հետո փոխարինման դուրս եկած Պեդրոն հաղթանակ բերեց «Բարսելոնին» և Գվարդիոլայի սաները նվաճեցին ՈւԵՖԱ-ի Սուպերգավաթը։
Աղբյուրը՝ http://hayfootball.am/international/...-supercup.html
Մեջբերել
Էջանիշներ