Այսօր երեկոյան տեղի է ունենալու մրցույթի մրցանակաբաշխության արարողությունը:
Նախօրեին ֆեյսբուքի էջում մրցույթի կազմակերպիչները թողել էին հետևյալ հաղորդագրությունը.
Հիշեցնեմ մրցույթի հայտարարված նոմինացիաները.Նոմինանտ կայքերի տերերի հետ կապվելու ենք վաղը և տեղեկացնելու ենք նրանց մրցանակաբաշխության մանրամասների մասին: Դա նշանակում է, որ յուրաքանչյուր նոմինացիայում ունենալու ենք 3-4 նոմինանտ կայք, որոնք հրավիրվելու են արարողությանը:
- Դիզայն և հարմարավետություն - տրվում է լավագույն դիզայն և օգտագործման հարմարավետություն ունեցող կայքին,
- Նորարարություն - տրվում է այն կայքին, որը վերջին երկու տարվա ընթացում առաջինն է նշանակալի տեխնոլոգիական նորամուծություն մտցրել կայքում,
- Տեխնիկական կատարում - տրվում է այն կայքին, որը լավագույն կերպով է իրականացրել տեխնիկական լուծումները,
- Բովանդակություն - տրվում է այն կայքին, որն ունի օրիգինալ, հետաքրքիր, նշանակալի, գրագետ բովանդակություն: Այս անվանակարգի համար հատուկ առավելություն կստանան այն կայքերը, որոնք ունեն գրագետ հայերեն տարբերակ,
- Տարվա առաջընթաց - ընտրվում է ժյուրիի կողմից` տարվա ընթացքում հատուկ նվաճումներ ունեցած կամ տեխնոլոգիական մեծ առաջընթաց ունեցած կայքին: Այս անվանակարգում հաղթող ճանաչված կայքը կարող է ընդգրկված չլինել երկրորդ փուլ անցած կայքերի ցանկում,
- Գլխավոր մրցանակ – տրվում է այն կայքին, որը բոլոր անվանակարգերով հավաքել է առավելագույն քանակով միավորներ,
- Ժողովրդական ընտրություն - այս անվանակարգում հաղթող կճանաչվի հանրային քվեարկության (առաջին փուլ) արդյունքում ամենաշատ ձայներ հավաքած կայքը,
- Orange-ի հատուկ մրցանակ – մրցանակը տրվում է Orange ընկերության կողմից լավագույն մոբայլ կայքի համար:
Այսօր Արշակը նամակով ու հեռախոսազանգով տեղեկացվել է, որ hayeren.am կայքը «Armnet Awards 2010 ժուրիի կողմից ընտրվել է որպես նոմինանտ «Լավագույն Նորարարություն» նոմինացիայում»
Էջանիշներ