Աստղային ուղի / Star Trek
ԱՄՆ, 2009
Ռեժիսոր՝ Ջ. Ջ. Աբրամս
Դերերում՝ Քրիս Փայն, Զեքրի Քուինթո և ուրիշներ
Ժանրը՝ ֆանտաստիկ
IMDB-ի միջին գնահատականը՝ 8.1
RottenTomatoes-ի միջին գնահատականը՝ 94%
ՍտարԹրեքի երկրպագուների հետ առաջին անգամ առնչվել եմ 2000թ-ին ԱՄՆ: Դրանք ոնց որ ծրագրավորող լինեն, երկու ՍտարԹրեքյան երկրպագու իրար հետ խոսալուց բան չես հասկանում... Հետո պարզեցի, որ ՍտարԹրեքը ամերիկյան սերիալ է, որը սկսվել է հեռավոր 60-ական թվականներին ու շարունակվել մինչև մեր օրերը՝ ընթացքում ստեղծելով մի քանի տասնյակ (թե հարյուրավոր) սերիաներ ու մի քանի լիամետրաժ ֆիլմեր: Ու չնայած ՍտարԹրեքի երկրպագուները պնդում էին, որ ՍտարԹրեքը վերջն ա, որ սրա պես հետաքրքիր սերիալ աշխարհում գոյություն չունի, որ Վուլկանները խելացի են, Կիրկը ամենալավն ա, լազերային հրացաններին ոչ մի բան չի հասնի, ինձ պարզապես դուր չէր գալիս նստել ու հինաուրց սերիալ նայել սարսափելի անորակ հատուկ էֆեկտներով: Ի դեպ հին ՍտարԹրեքից միակ տեսածս դրվագը սա է, որը հավակնում է դառնալ երբևէ նկարահանված ամենավատ կռվի տեսարանը.
2009թ-ին թողարկվեց ՍտարԹրեք ֆիլմը, որը Բոնդապատման Կազինո Ռոյալ ֆիլմի պես այս աստեղնային էպոսը սկսեց զրոյից: Անկեղծ ասած էլի չէի ուզում նայել, բայց տեսնելով, որ շատ ֆիլմը շատ բարձր գնահատականների է արժանացել, որոշեցի բախտս փորձել:
Արդյունքը գերազանցեց իմ սպասելիքները: ՍտարԹրեքը չափից դուրս ուշագրավ, հետաքրքիր ֆիլմ է, որի գործողությունները տեղի են ունենում հեռավոր տիեզերքում հազարավոր տարիներ անց... Այստեղ կան թե նորագույն տեխնոլոգիաներ, թե սուպերարագ տիեզերանավեր, թե սուպերհետաքրքիր նոր ռասսաներ ու այլմոլորակայիններ, թե սուպերվտանգավոր զենքեր, բազմաթիվ նոր գալակտիկաներ, աստղեր, մոլորակներ.. Մի խոսքով Աստղային Պատերազմների նման մի ֆիլմ է:
Մի խոսքով, եթե Աստղային Պատերազմները (Star Wars) հավանել եք, սա նույնպես կհավանեք, իրար գրեթե չեն զիգումՈւ ընդհանրապես, ֆանտաստիկ ֆիլմերի սիրահարների ֆանտազիաները այս ֆիլմը լրիվ կբավարարի
Մեջբերել
Էջանիշներ