Իսկական անունը Առնոլդ Ջորջ Դորսի: Ծնվել է 1936թ.-ին Մադրասում, բրիտանական ընտանիքում (10 երեխաներից մեկն էր): Երբ նա 10 տարեկան էր, ընտանիքով մեկնեցին Լաստեր քաղաք (Անգլիաում), այնտեղ ավարտեց դպրոցը եւ սկսեց աշխատել, որպես ինժեներ:
Հենց այդ տարիներին էլ հետաքրքրվեց երաժշտությամբ եւ սկսեց սաքսոֆոն նվագել: Տիրապետում էր վոկալի հիանալի տվյալների, երգել սկսեց սրճարաններում, երբ 17 տարեկան էր՝ ընդառաջելով ընկերների համոզումներին, դրա հետ մեկտեղ նա նաեւ հիանալի նմանակում էր ամերիկյան կոմիկ Ջերրի Լյուիսին: Բանակում ծառայելուց հետո, փորձեց իրեն պրոֆեսսիոնալ երգչի ասպարեզում՝ հանդես գալով Ջերրի Դորսի մականվամբ: Սկզբնական շրջանում հաջողություն չունեցավ: 1958թ-ին թողարկեց «I'll never fall in love again» սինգլը, որի վրա համարյա ոչ-ոք ուշադրություն չդարձրեց: Մյուս կողմից էլ խանգարում էր տուբերկոլյոզը, ինչից տառապում էր 50-ականների վերջերին, բայց նա կարողացավ հաղթահարել հիվանդությունը: Քիչ -հետո նրա վրա ուշադրություն դարձրեց կոմպոզիտոր եւ պրոդյուսոր Գորդոն Միլսը, որը օգնել է նաեւ հանրահայտ Թոմ Ջոնսին եւ Միրեի Մաթիեին: Միլսը սկսեց ակտիվորեն աշխատել Դորսիի հետ, բայց երգիչը առաջվա պես հասարակության ուշադրությունը չէր գրավում: Այդ դեպքում Միլսը որոշեց դիմելշոու-բիզնեսի համար մի անսովոր քայլի՝ փոխեց երգչի մականունը, դնելով 19-րդ դարի վերջերում գործող գերմանացի կոմպոզիտոր Էնգելբերտ Համպեռդինքի անունով:
1966թ.-ի վերջերին, երբ Համփերդինքը համագործակցում էր «Parrot» ֆիրմայի հետ, նա թողարկեց իր առաջին հիթը` ամերիկյան բալլադային «Release me» երգի քավրը, դա նրան բերեց մեծ հաջողություն: Այստեղից էլ ամեն-ինչ սկսվեց, մինչեւ 1960-ականների վերջը Համփերդինքը թողարկեց եւս մի-քանի հիթային երգ «A man without love», «The way it used to be», «The last waltz», (Համփերդինքը սա Թոմ Ջոնսի հետ էլ է երգել, այս երգը կատարել է նաեւ Միրեի Մաթիեն, («Dernierre Valse»)), «Les Bicyclettes de Belsize» (Միրեի Մաթիեի երգը), «Winter World of Love», «A place in the sun», «I'm a better man»: Համփերդինքի ալբոմներում կարելի էր տեսնել այն ժամանակների համարյա բոլոր հիթերը:
1970-ականների սկզբներին Համփերդինքը գնաց ԱՄՆ՝ հյուրախաղերի, որտեղ եւ հաստատեց իր հաջողությունը: «Engelbert Humperdinck»-ը, «We Made It Happen»-ը եւ «Another Place, Another Time»-ը ճանաչվեցին, որպես ոսկե ալբոմներ: Բայց 1972թ.-ին թողարկված «In time» ալբոմը հաջողություն չունեցավ, դա սկիզբ դրեց երգչի ստեղծագործական անկմանը, սակայն եկամուտը միշտ հաջող էր:
1978թ.-ի համաշխարհային շրջագայությունը տվեց նրան նոր երկրպագուներ բոլոր աշխարհամասերում եւ տարվա լավագույն երգչի կոչում: 1980-1990թթ. երգիչը սկսեց թողարկել իր հերթական ձայնապնակները Էնգելբերտ մականունով (երգիչը պնդում է, որ նա կրճատեց իր մականունը կոմպոզիտորի հետնորդների պահանջով):
Երկարատեւ ստեղծագործական կյանքի ընթացքում Համփերդինքը արժանացավ շատ պարգեւների՝ որոնց թվում են 68 ոսկե ձայնապնակներ, 18 պլատինե ալբոմներ եւ մի-քանի «Գրեմմի» մրցանակ: Չնայած հիթ-շքերթից հեռանալուն եւ պատկառելի տարիքին, Համփերդինքը այսօր էլ մնում է էստրադայի ամենափայլուն աստղերից մեկը եւ գնում է հյուրախաղերի:
Մեջբերել
Էջանիշներ