Ստեղծագործական նախագծերի քննարկում

[Շինարար]

Հարգելի ստեղծագործող ակումբցիներ, քանի որ այս նախագծի ավարտից հետո ցանկանում եմ անմիջապես նոր նախագիծ սկսել, կցանկանայի ձեր տեսակետները լսել, իմա՝ կարդալ, ինչպիսի՞ն կցանկանայիք լիներ հաջորդ մրցույթը, այս թեմայում բազմաթիվ առաջարկներ կան, սակայն գւցե դուք ունեք ձեր տարբերակները, որոնք միասին կքննարկենք, հետո էլ միասին կփորձարկենք, ունենք նաև արդեն փորձված ու կայացած մի քանի այլ ստեղծագործական նախագծեր, սպասում եմ ձեր կարծիքներին, եկեք հաջորդ ստեղծագործական նախագիծը համատեղ ընտրենք ու մշակենք

[Արևածագ]

Եկեք վերցնենք այնպիսի հեղինակների, որոնց գործերի հայերեն թարգմանությունները չկան: Ու բոլորը նույնը չթարգմանեն,այլ տարբեր գործեր: Այդպիսով ակումբի թարգմանական մրցույթները իրենց պրակտիկ նշանակությունն էլ կունենան. կհարստացնեն մեր թարգմանական գրականության ցանկերը: Չէ՞ որ, ի վերջո, բոլորը չի, որ օտար լեզուներով կարդում են, իսկ այդպես և կմրցենք, և գուցե որևէ ընթերցողի օգուտ կտանք:Մանրամասների վրա էլի կարելի է մտածել:

[Շինարար]

Ավելացնեմ նաև, որ ժամանակին ակումբում անցկացվել է «Ակումբի տաղանդ» նախագիծը, որը կարող եք գտնել «Ժամանց» բաժնում, շնորհակալություն Վահիկին հուշելու համար, ի՞նչ կարծիքի եք՝ նորից չփնտրենք ակումբի նոր տաղանդին:
Արևածագ ջան, շնորհակալություն առաջարկի համար, այն որ ավելի լավ է թարգմանել մինչ այժմ չթարգմանված գործեր, միանգամայն համամիտ եմ, ուղղակի իմ տեղեկացվածությունը բավականին նեղ է այդ առումով. որևէ բանաստեղծության մասին չեմ կարող վստահաբար պնդել, որ այն երբևիցե չի թարգմանվել, եթե հուշողներ լինեն, միայն շնորհակալ կլինեմ, իսկ ինչ վերաբերվում է նույն մրցույթում տարբեր ստեղծագործություններ թարգմանելուն, մի փոքր տատանվում եմ, որովհետև գնահատելիս մարդիկ կարող է բացի թարգմանությունից ուշադրություն դարձնեն նաև բուն ստեղծագործության վրա, ինչը իհարկե ցանկալի չի, բայց անխուսափելի է: Ամեն դեպքում, եկեք քննարկենք:

[Արևածագ]

Ավելացնեմ նաև, որ ժամանակին ակումբում անցկացվել է «Ակումբի տաղանդ» նախագիծը, որը կարող եք գտնել «Ժամանց» բաժնում, շնորհակալություն Վահիկին հուշելու համար, ի՞նչ կարծիքի եք՝ նորից չփնտրենք ակումբի նոր տաղանդին:
Արևածագ ջան, շնորհակալություն առաջարկի համար, այն որ ավելի լավ է թարգմանել մինչ այժմ չթարգմանված գործեր, միանգամայն համամիտ եմ, ուղղակի իմ տեղեկացվածությունը բավականին նեղ է այդ առումով. որևէ բանաստեղծության մասին չեմ կարող վստահաբար պնդել, որ այն երբևիցե չի թարգմանվել, եթե հուշողներ լինեն, միայն շնորհակալ կլինեմ, իսկ ինչ վերաբերվում է նույն մրցույթում տարբեր ստեղծագործություններ թարգմանելուն, մի փոքր տատանվում եմ, որովհետև գնահատելիս մարդիկ կարող է բացի թարգմանությունից ուշադրություն դարձնեն նաև բուն ստեղծագործության վրա, ինչը իհարկե ցանկալի չի, բայց անխուսափելի է: Ամեն դեպքում, եկեք քննարկենք:

Իսկ մեր մրցույթներն այսպես շատ ինքնանպատակ չե՞ն: Մրցում ենք՝ մրցելու համար: Ես կարճ ժամանակ է, ինչ ակումբում եմ, նախորդ մրցույթից իմացանք, որ Ուլուանան շատ լավ է գրում: Էլի հաջողված տարբերակներ կային: Հետո՞: Ութ ձևով նույն բանաստեղծությունը թարգմանվեց, ժամանցի ու սեփական ամբիցիաները բավարարելու լավ տարբերակ: Ախմատովայի գործերի մեծագույն մասը թարգմանված չեն: Ավելի լավ չէ՞ր լինի ութ բանաստեղծություն թարգմանել: Տարբեր բանաստեղծություններ թարգմանողների մրցույթում էլի կքվեարկենք լավագույնի օգտին, իսկ վերջին երկու տեղը գրաված թարգմանությունները ուղղակի կարելի է հանել համացանցից:
Երևի հիմա բազմաթիվ առարկություններ կգրվեն, բայց ըստ իս, այստեղ հավաքված բավականին շնորհալի մարդիկ նպատակադրված որևէ ԳՈՐԾ պիտի անեն՝ «հավայի» թեմաներում պարապ ժամավաճառությունից բացի: Բոլորս էլ հասկանում ենք՝ մեր պետությունը հիմա հնարավորություն չունի ո'չ թարգմանելու, ո'չ էլ գիրք տպելու: Համաշխարհային արձակը հսկայական քայլերով առաջ է գնում, հայերեն պոտենցիալ ընթերցողն ինչի՞ց է տեղյակ: Լավ արձակ գրողներ կան այստեղ. Ինչու՞ չվերցնել,համատեղ թարգմանել ասենք՝ հենց Նիլ Գեյմանի պատմվածքներից մի քանիսը:
Ես լավ ճառեր եմ ասում, բայց «զանգ կարող եմ կախել» միայն ռուսերենից:

[Շինարար]

Արևածագ ջան, նախ շնորհակալություն առաջարկիդ համար Դեմ չե՞ս լինի, եթե մաս-մաս պատասխանեմ:

Իսկ մեր մրցույթներն այսպես շատ ինքնանպատակ չե՞ն: Մրցում ենք՝ մրցելու համար:

Ոչ, մրցում ենք ստեղծագործելու համար, կարծում եմ նման մրցույթները, որոնք անցնում են ընկերական մթնոլորտում, որևէ ֆինանսական շահագրգռություն չեն ենթադրում, խթան են մարդկանց ստեղծագործելու, փորձելու իր ուժերը գրականության տարբեր ոլորտներում, և ոչ մի վատ բան չկա դրանում:

Ես կարճ ժամանակ է, ինչ ակումբում եմ, նախորդ մրցույթից իմացանք, որ Ուլուանան շատ լավ է գրում: Էլի հաջողված տարբերակներ կային: Հետո՞: Ութ ձևով նույն բանաստեղծությունը թարգմանվեց, ժամանցի ու սեփական ամբիցիաները բավարարելու լավ տարբերակ:Ախմատովայի գործերի մեծագույն մասը թարգմանված չեն: Ավելի լավ չէ՞ր լինի ութ բանաստեղծություն թարգմանել:

Դե կարելի է քննարկել այդ առաջարկը, նորից եմ ասում, եթե շատ համակիրներ գտնվեն, դա էլ կփորձենք, սակայն շեշտը զուտ թարգմանության վրա դնել էլ պետք չէ, կարծում եմ սեփական ստեղծագործությունների մրցույթներն էլ հետաքրքիր են, ու իմաստ ունի դրանք անցկացնել: Գուցե համաշխարհային գրականության լավագույն ստեղծագործություններից շատերը թարգմանված չեն, բայց ո՞վ գիտե, գուցե այս ստեղծագործական մրցույթների ընթացքում մի օր ծնվում է մի ստեղծագործույուն, որը նույնպես կդասվի համաշխարհային գրականության լավագույն գործերի շարքում, միայն մեկ նմանատիպ քառյակի ծնվելու հնարավորության դեպքում էլ այս հազարավոր ոչ այնքան ուժեղ ստեղծագործությունների գրվելը այստեղ խրախուսելի եմ համարում:

Տարբեր բանաստեղծություններ թարգմանողների մրցույթում էլի կքվեարկենք լավագույնի օգտին, իսկ վերջին երկու տեղը գրաված թարգմանությունները ուղղակի կարելի է հանել համացանցից:

Սրան դեմ եմ, նույնիսկ ոչ մի ձայն չվաստակած ստեղծագործությունը չի հանվելու

Ուրեմն, ամփոփելով՝ առայժմ ունենք երեք առաջարկ.
1. Արևածագ- Թարգմանության մրցույթ, որում յուրաքանչյուրը թարգմանելու է տարբեր ստեղծագործություն:
2. Գալաթեա- Ստեղծագործական մրցույթ արձակում
3. Վահիկ- Ակումբի տաղանդ

Շնորհակալություն երեքիդ էլ արձագանքների համար, սպասենք նոր առաջարկների

[Rhayader]

:Ոչ, մրցում ենք ստեղծագործելու համար

լավ կոնցեպցիա է՝ մրցում ենք ստեղծագործելու համար, ստեղծագործում ենք մրցույթին մասնակցելու համար, փաստորեն՝ նաև ստեղծագործում ենք մրցելու համար

[Շինարար]

Իսկ ինչու՞ հենց այս թեմայում պետք է քննարկվի հաջորդ նախագիծը:

Դե քանի որ քվեարկելու համար այստեղ հավաքվում են, ձեռքի հետ, ոտքի վրա քննարկենք էլի, հետագայում բոլոր քննարկումները կտեղափոխեմ համապատասխան թեմա

[Գալաթեա]

Հաջորդն արձակ եմ ուզում:
Ձևը կարևոր չի: Արձակ լինի

[Շինարար]

Հաջորդն արձակ եմ ուզում:
Ձևը կարևոր չի: Արձակ լինի

Բայց արձակին մասնակցության գայթակղությանը ես չեմ դիմանա է

[Ariadna]

Ժողովուրդ ջան, ու մի բան էլ ավելացնեմ էլի, ակումբը դա տեղ է, որտեղ լիցքաթափվում ենք, շփվում, ինչ որ թեմաներ քննարկում, մրցույթներ անցկացնում, որոնք էլի զբաղմունքի մի ձև են, պետք չի էդքան լուրջ մոտենալ էս ամեն ինչին։ Անձամբ ես, երբ մասնակցում եմ ակումբի որևէ մրցույթի, եթե դրան որպես խաղ չնայեմ, երբեք չեմ հանդգնի մասնակցել։ Ու փորձը ցույց է տվել, որ ակումբում կան մարդիկ, որոնք ակումբին վերաբերվում են էնպես, ինչպես կվերաբերվեին իրենց ամուսնուն կամ կնոջը։ Ժամանակ առ ժամանակ նեղանում են, ինքնահրկիզվում, հրաժեշտի հուզիչ նամակներ են գրում, հետո փյունիկի պես կենդանանում են, երբեմն էդպես էլ չեն կենդանանում... Մի խոսքով ասածս էն ա, որ ավելի թեթև նայեք էս ամեն ինչին, առանց այդ էլ կյանքը էնքան դաժան ա, գոնե էստեղ լիցքաթափվենք։ Կներեք օֆֆտոպի համար, եթե ուզում եք ջնջեք, չնայած ասածս հենց էս և գալիք մրցույթներին էր վերաբերում հիմնականում

[Շինարար]

Ժողովուրդ ջան, ու մի բան էլ ավելացնեմ էլի, ակումբը դա տեղ է, որտեղ լիցքաթափվում ենք, շփվում, ինչ որ թեմաներ քննարկում, մրցույթներ անցկացնում, որոնք էլի զբաղմունքի մի ձև են, պետք չի էդքան լուրջ մոտենալ էս ամեն ինչին։ Անձամբ ես, երբ մասնակցում եմ ակումբի որևէ մրցույթի, եթե դրան որպես խաղ չնայեմ, երբեք չեմ հանդգնի մասնակցել։ Ու փորձը ցույց է տվել, որ ակումբում կան մարդիկ, որոնք ակումբին վերաբերվում են էնպես, ինչպես կվերաբերվեին իրենց ամուսնուն կամ կնոջը։ Ժամանակ առ ժամանակ նեղանում են, ինքնահրկիզվում, հրաժեշտի հուզիչ նամակներ են գրում, հետո փյունիկի պես կենդանանում են, երբեմն էդպես էլ չեն կենդանանում... Մի խոսքով ասածս էն ա, որ ավելի թեթև նայեք էս ամեն ինչին, առանց այդ էլ կյանքը էնքան դաժան ա, գոնե էստեղ լիցքաթափվենք։ Կներեք օֆֆտոպի համար, եթե ուզում եք ջնջեք, չնայած ասածս հենց էս և գալիք մրցույթներին էր վերաբերում հիմնականում

Ամեն, դեպքում, խնդրում եմ իմ կազմակերպած մրցույթների հանդեպ լուրջ մոտեցում ցուցաբերել:

[Շինարար]

Ավարտվեց ևս մեկ ստեղծագործական նախագիծ, շնորհակալություն եմ հայտնում բոլոր մասնակիցներին և թեմային հետևողներին: Խնդրում եմ բոլորից այստեղ քննարկել՝ իմաստ ունե՞ն նման նախագծերը, նշել այն թերությունները, որոնք եղել են արդեն կայացած նախագծերում, հանդես գալ նոր նախագծերի առաջարկներով: Հիշեցնում եմ նաև, որ հատուկ արձակը նախընտրողների համար բացվել է թեմա՝ «Պատմվածք փակ աչքերով». մաս չորրորդ, որին առայժմ արձագանքողներ չեն եղել:

[Ariadna]

Ավարտվեց ևս մեկ ստեղծագործական նախագիծ, շնորհակալություն եմ հայտնում բոլոր մասնակիցներին և թեմային հետևողներին: Խնդրում եմ բոլորից այստեղ քննարկել՝ իմաստ ունե՞ն նման նախագծերը, նշել յն թերությունները, որոնք եղել են արդեն կայացած նախագծերում, հանդես գալ նոր նախագծերի առաջարկներով: Հիշեցնում եմ նաև, որ հատուկ արձակը նախընտրողների համար բացվել է թեմա՝ «Պատմվածք փակ աչքերով». մաս չորրորդ, որին առայժմ արձագանքողներ չեն եղել:

Դե որ էսպիսի անկեղծ խոսակցություն գնաց, Շինարար ջան, ասեմ, որ ապրես, շատ հավես էր, ես շատ հաճույքով եմ մասնակցում հատկապես էս երկուսին, թարգմանությանը ու փակ աչքերովին։ Անհամբեր սպասում եմ հաջորդ թարգմանչաց մրցույթին ։) եռյակներին օրինակ երբեք չեմ մասնակցել, որովհետև իմ բնույթով շատ պատասխանատու մարդ եմ, ու միշտ մտածում եմ, բա որ դուրս չեկավ առաջարկվող սկիզբը կամ մեջտեղը, հո մարդկանց չեմ քաշելու, իսկ միայն սկիզբ գրելն էլ հեչ հետաքրքիր չի։ Իսկ սրանք էնքանով են լավ, որ ոչ մեկին ոչինչ չես խոստանում՝ մուսադ էկավ գրում ես, չեկավ՝ հետևում ուրիշների գրածներին

[Շինարար]

Առաջարկում եմ այս թեմայում քննարկել, թե ինչ ստեղծագործական նախագծեր կցանկանայիք, որ անցկացվեն: Առայժմ ունենք Հայկօ-ի առաջարկը՝լրագրային հոդվածների հիման վրա գեղարվեստական ստեղծագործություն գրելու, Արևածագի առաջարկը՝ երգիծական պատմվածք գրելու, ivy-ի առաջարկը` նորից թարգմանչաց մրցույթ անցկացնելու: Ակտիվ եղեք քննարկումներում, ձեր առաջարկներից է կախված, թե որ նախագիծը կիրականացնենք հաջորդը: Ես հակված եմ այնպիսի նախագիծ կազմակերպելու, որին հնարավորինս շատ ստեղծագործողներ կմասնակցեն:

[ivy]

Առաջարկում եմ այս թեմայում քննարկել, թե ինչ ստեղծագործական նախագծեր կցանկանայիք, որ անցկացվեն: Առայժմ ունենք Հայկօ-ի առաջարկը՝լրագրային հոդվածների հիման վրա գեղարվեստական ստեղծագործություն գրելու, Արևածագի առաջարկը՝ երգիծական պատմվածք գրելու, ivy-ի առաջարկը` նորից թարգմանչաց մրցույթ անցկացնելու: Ակտիվ եղեք քննարկումներում, ձեր առաջարկներից է կախված, թե որ նախագիծը կիրականացնենք հաջորդը: Ես հակված եմ այնպիսի նախագիծ կազմակերպելու, որին հնարավորինս շատ ստեղծագործողներ կմասնակցեն:

Ու լռություն...
Քանի որ ինձ շատ է դուր եկել Հայկօ-ի մտահղացումը, իմ կողմից առաջարկում եմ աչքի տակով անցկացնել հայալեզու ինտերնետային կամ իրական ամսագրեր-թերթերը՝ փորձելով գտնել հարմար հոդված կամ թեկուզ դրա մի հատված: Գտնելուց հետո այդ հոդվածները կարող ենք դնել էստեղ ու քննարկել, թե որին արժի գեղարվեստական շարունակություն տալ:
Ի՞նչ կասեք: