Ստեղծագործական նախագծերի քննարկում

[Շինարար]

Ավելացնեմ նաև, որ ժամանակին ակումբում անցկացվել է «Ակումբի տաղանդ» նախագիծը, որը կարող եք գտնել «Ժամանց» բաժնում, շնորհակալություն Վահիկին հուշելու համար, ի՞նչ կարծիքի եք՝ նորից չփնտրենք ակումբի նոր տաղանդին:
Արևածագ ջան, շնորհակալություն առաջարկի համար, այն որ ավելի լավ է թարգմանել մինչ այժմ չթարգմանված գործեր, միանգամայն համամիտ եմ, ուղղակի իմ տեղեկացվածությունը բավականին նեղ է այդ առումով. որևէ բանաստեղծության մասին չեմ կարող վստահաբար պնդել, որ այն երբևիցե չի թարգմանվել, եթե հուշողներ լինեն, միայն շնորհակալ կլինեմ, իսկ ինչ վերաբերվում է նույն մրցույթում տարբեր ստեղծագործություններ թարգմանելուն, մի փոքր տատանվում եմ, որովհետև գնահատելիս մարդիկ կարող է բացի թարգմանությունից ուշադրություն դարձնեն նաև բուն ստեղծագործության վրա, ինչը իհարկե ցանկալի չի, բայց անխուսափելի է: Ամեն դեպքում, եկեք քննարկենք:

[Արևածագ]

Ավելացնեմ նաև, որ ժամանակին ակումբում անցկացվել է «Ակումբի տաղանդ» նախագիծը, որը կարող եք գտնել «Ժամանց» բաժնում, շնորհակալություն Վահիկին հուշելու համար, ի՞նչ կարծիքի եք՝ նորից չփնտրենք ակումբի նոր տաղանդին:
Արևածագ ջան, շնորհակալություն առաջարկի համար, այն որ ավելի լավ է թարգմանել մինչ այժմ չթարգմանված գործեր, միանգամայն համամիտ եմ, ուղղակի իմ տեղեկացվածությունը բավականին նեղ է այդ առումով. որևէ բանաստեղծության մասին չեմ կարող վստահաբար պնդել, որ այն երբևիցե չի թարգմանվել, եթե հուշողներ լինեն, միայն շնորհակալ կլինեմ, իսկ ինչ վերաբերվում է նույն մրցույթում տարբեր ստեղծագործություններ թարգմանելուն, մի փոքր տատանվում եմ, որովհետև գնահատելիս մարդիկ կարող է բացի թարգմանությունից ուշադրություն դարձնեն նաև բուն ստեղծագործության վրա, ինչը իհարկե ցանկալի չի, բայց անխուսափելի է: Ամեն դեպքում, եկեք քննարկենք:

Իսկ մեր մրցույթներն այսպես շատ ինքնանպատակ չե՞ն: Մրցում ենք՝ մրցելու համար: Ես կարճ ժամանակ է, ինչ ակումբում եմ, նախորդ մրցույթից իմացանք, որ Ուլուանան շատ լավ է գրում: Էլի հաջողված տարբերակներ կային: Հետո՞: Ութ ձևով նույն բանաստեղծությունը թարգմանվեց, ժամանցի ու սեփական ամբիցիաները բավարարելու լավ տարբերակ: Ախմատովայի գործերի մեծագույն մասը թարգմանված չեն: Ավելի լավ չէ՞ր լինի ութ բանաստեղծություն թարգմանել: Տարբեր բանաստեղծություններ թարգմանողների մրցույթում էլի կքվեարկենք լավագույնի օգտին, իսկ վերջին երկու տեղը գրաված թարգմանությունները ուղղակի կարելի է հանել համացանցից:
Երևի հիմա բազմաթիվ առարկություններ կգրվեն, բայց ըստ իս, այստեղ հավաքված բավականին շնորհալի մարդիկ նպատակադրված որևէ ԳՈՐԾ պիտի անեն՝ «հավայի» թեմաներում պարապ ժամավաճառությունից բացի: Բոլորս էլ հասկանում ենք՝ մեր պետությունը հիմա հնարավորություն չունի ո'չ թարգմանելու, ո'չ էլ գիրք տպելու: Համաշխարհային արձակը հսկայական քայլերով առաջ է գնում, հայերեն պոտենցիալ ընթերցողն ինչի՞ց է տեղյակ: Լավ արձակ գրողներ կան այստեղ. Ինչու՞ չվերցնել,համատեղ թարգմանել ասենք՝ հենց Նիլ Գեյմանի պատմվածքներից մի քանիսը:
Ես լավ ճառեր եմ ասում, բայց «զանգ կարող եմ կախել» միայն ռուսերենից:

[Շինարար]

Արևածագ ջան, նախ շնորհակալություն առաջարկիդ համար Դեմ չե՞ս լինի, եթե մաս-մաս պատասխանեմ:

Իսկ մեր մրցույթներն այսպես շատ ինքնանպատակ չե՞ն: Մրցում ենք՝ մրցելու համար:

Ոչ, մրցում ենք ստեղծագործելու համար, կարծում եմ նման մրցույթները, որոնք անցնում են ընկերական մթնոլորտում, որևէ ֆինանսական շահագրգռություն չեն ենթադրում, խթան են մարդկանց ստեղծագործելու, փորձելու իր ուժերը գրականության տարբեր ոլորտներում, և ոչ մի վատ բան չկա դրանում:

Ես կարճ ժամանակ է, ինչ ակումբում եմ, նախորդ մրցույթից իմացանք, որ Ուլուանան շատ լավ է գրում: Էլի հաջողված տարբերակներ կային: Հետո՞: Ութ ձևով նույն բանաստեղծությունը թարգմանվեց, ժամանցի ու սեփական ամբիցիաները բավարարելու լավ տարբերակ:Ախմատովայի գործերի մեծագույն մասը թարգմանված չեն: Ավելի լավ չէ՞ր լինի ութ բանաստեղծություն թարգմանել:

Դե կարելի է քննարկել այդ առաջարկը, նորից եմ ասում, եթե շատ համակիրներ գտնվեն, դա էլ կփորձենք, սակայն շեշտը զուտ թարգմանության վրա դնել էլ պետք չէ, կարծում եմ սեփական ստեղծագործությունների մրցույթներն էլ հետաքրքիր են, ու իմաստ ունի դրանք անցկացնել: Գուցե համաշխարհային գրականության լավագույն ստեղծագործություններից շատերը թարգմանված չեն, բայց ո՞վ գիտե, գուցե այս ստեղծագործական մրցույթների ընթացքում մի օր ծնվում է մի ստեղծագործույուն, որը նույնպես կդասվի համաշխարհային գրականության լավագույն գործերի շարքում, միայն մեկ նմանատիպ քառյակի ծնվելու հնարավորության դեպքում էլ այս հազարավոր ոչ այնքան ուժեղ ստեղծագործությունների գրվելը այստեղ խրախուսելի եմ համարում:

Տարբեր բանաստեղծություններ թարգմանողների մրցույթում էլի կքվեարկենք լավագույնի օգտին, իսկ վերջին երկու տեղը գրաված թարգմանությունները ուղղակի կարելի է հանել համացանցից:

Սրան դեմ եմ, նույնիսկ ոչ մի ձայն չվաստակած ստեղծագործությունը չի հանվելու

Ուրեմն, ամփոփելով՝ առայժմ ունենք երեք առաջարկ.
1. Արևածագ- Թարգմանության մրցույթ, որում յուրաքանչյուրը թարգմանելու է տարբեր ստեղծագործություն:
2. Գալաթեա- Ստեղծագործական մրցույթ արձակում
3. Վահիկ- Ակումբի տաղանդ

Շնորհակալություն երեքիդ էլ արձագանքների համար, սպասենք նոր առաջարկների

[Rhayader]

:Ոչ, մրցում ենք ստեղծագործելու համար

լավ կոնցեպցիա է՝ մրցում ենք ստեղծագործելու համար, ստեղծագործում ենք մրցույթին մասնակցելու համար, փաստորեն՝ նաև ստեղծագործում ենք մրցելու համար

[Շինարար]

լավ կոնցեպցիա է՝ մրցում ենք ստեղծագործելու համար, ստեղծագործում ենք մրցույթին մասնակցելու համար, փաստորեն՝ նաև ստեղծագործում ենք մրցելու համար

Չնայած կասկածում եմ, որ ասածս կարող է քո նման կարդացած, խելացի մեկի կողմից սխալ ընկալված լինի, ամեն դեպքում թավսիր անեմ Ընկերական մթնոլորտում կազմակերպում ենք ստեղծագործական մրցույթ, որում չկա որևէ այլ շահագրգռվածություն, քան ուժերը փորձել գրական որևէ բնագավառում և տեսնել, թե որքանով քո ստեղծածը կհավանեն մյուսները՝ առանց չարության, առանց նախանձի: Կոնկրետ սոնետի նախագծի մասին, ինձ բազմաթիվ արձագանքներ են եկել, որ մարդիկ մինչ այս չգիտեին, թե ինչ է սոնետը, հիմա այդ մարդիկ ոչ միայն գիտեն, այլ սոնետներ են գրում

[Rhayader]

Չնայած կասկածում եմ, որ ասածս կարող է քո նման կարդացած, խելացի մեկի կողմից սխալ ընկալված լինեմ, ամեն դեպքում թավսիր անեմ Ընկերական մթնոլորտում կազմակերպում ենք ստեղծագործական մրցույթ, որում չկա որևէ այլ շահագրգռվածություն, քան ուժերը փորձել գրական որևէ բնագավառում և տեսնել, թե որքանով քո ստեղծածը կհավանեն մյուսները՝ առանց չարության, առանց նախանձի: Կոնկրետ սոնետի նախագծի մասին, ինձ բազմաթիվ արձագանքներ են եկել, որ մարդիկ մինչ այս չգիտեին, թե ինչ է սոնետը, հիմա այդ մարդիկ ոչ միայն գիտեն, այլ սոնետներ են գրում

Իմ նման կարդացած ու խելացի մարդը գիտի, որ մրցույթի մեջ շահագրգռվածություն կա միշտ: Չեմ ասում, թե դա վատ բան է, բայց դե...

[Ռուֆուս]

Առաջարկում եմ Պատմվածք Փակ Աչքերովը վերակենդանացնել, հավես էր

[Ուլուանա]

Մի մրցույթի մեջ տարբեր ստեղծագործություններ թարգմանելուն դեմ եմ երկու պատճառով։ Նախ էդպես գնահատումը չի կարող հավասար հիմքերի վրա լինել, քանի որ մեկը կարող է ավելի հաջող ստեղծագործություն թարգմանել, մյուսն՝ ավելի անհաջող, ու մարդիկ գնահատելու են ընդհանուր արդյունքը՝ պատրաստի բանաստեղծությունը, ոչ թե թե ով է իր բնագիրն ավելի լավ թարգմանել, ինչն արդեն օբյեկտիվ չի լինի թարգմանողի նկատմամբ։ Բացի դրանից, ինչի՞ հիման վրա ենք ենթադրում, որ բոլորը հաջող են թարգմանելու, որ արժեքավոր օտարալեզու թարգմանված գրականությունը դրա հաշվին համարենք ավելի հարստացած։ Իսկ եթե բոլորը նույնը թարգմանեն, հույս կա, որ գոնե մեկը կամ մի երկուսը քիչ թե շատ հաջող կլինեն։