Խաղիկներ

**einnA** · 04.11.2010, 23:41

Արևածագ-ի խոսքերից

einnA, լավ կլիներ, որ ամբողջությամբ գրեիր, եթե անգամ խաղիկ էլ չլինի, ոչի'նչ, էլի ժողովրդական բանահյուսությունից է: Առաջին բառերից մանկական խաղերի սկզբում անցկացվող հաշվամիջոց (считалка) է երևում: «Մեկ, երկու, երեք, ձմերուկը բերեք»- ի նման:

Ակե դուկե դմզե,
Շամար-մամար պպզե,
Օխտը կոճակ
Տան պլոճակ
Ճանե ճուկ:

Սա մամաս էր սովորացրել ինձ:Խաղի ժամանակ էինք ասում. մի քանի ձեռքեր միասին կողք կողքի շարում էինք ու սկսում հերթով ասել, որի վրա կանգ առնում էինք, էտ մատիկը փակում էինք, մինչև մնա հաղթողը

Մի հատիկ էլ ասեմ

Ալա բալանիցա
Դուրս կաբանիցա
հեյ գիտի Բանչո
ՓԱԼԱՆՉՈ
Փալանչոյի Բանչո
Գնա մորդ կանչո
Մերը եկավ բազար
Ջեբը լիքը գազար
Մի հատ ուզի չտվեց
Քացով տվի գլորվեց:

**Նաիրուհի** · 08.12.2010, 02:14

Էսօր Աբեղյանի գիրքն էի փորփրում...

***

Այ տղա, էդ ես-մեդ ես,
Խանչալը մեջքդ նետես,
Դու գիտես՝ տղամա՞րդ ես,
Ծմակի փթուկ փետ ես։

ու սրա պատասխանը՝

Ժամի դուռը տաշ կանեմ,
Մահուդ չուխես քաշ կանեմ,
Շան աղջիկ, շատ մի´ հաչի,
Քեզի հալ ու մաշ կանեմ։

***

Սարերում գարուն կըգա,
Սև սրտիս արուն կըգա,
Ի՞նչ անեմ էնպես յարը՝
Պըտըտվի, տարուն կըգա։

***

Նանես ինձի թակել է,
Դուռն էրեսիս փակել է,
Ես նանիցս ջորել եմ,
Դիար ղուրպատ կորել եմ։

***

Ախ ըսիմ, արին կուգա,
Սիրտս սև քարին կուգա։
Վախիմ թե խարիբ մեռնիմ,
Ոնչ քոր, ոնչ ախբեր կուգա։