Արևածագ-ի խոսքերից
Ոչ ոք մեզ երաշխավորագիր չէր տվել, թե ամուսնական առաջին տարվա կրքոտ սիրահարվածությունը հավերժ է տևելու: Բայց եթե մի ժամանակ ընտրել ենք մեկին, որի հետ կյանքներս ենք կապել, նշանակում է նրա մեջ տեսել ենք այնպիսի հատկանիշներ, որ հոգեհարազատ է եղել մեզ, սիրել ենք տվյալ մարդուն հենց այն պատճառով, որ նա ինչ- որ չափով համընկել է մեր մտքում գծած իդեալին: Բոլոր սերերն էլ այդ տեսակետից հաշվենկատ են: Ավելի պարզ ասեմ. չէի կարող սիրել նրան, ով փողոցով քայլելիս րոպեն մեկ թքում էր, կամ յուրաքանչյուր նախադասությունն սկսում էր «արա' ախպեր» -ով: Դուք էլ Ձեր կողակցի մեջ հաստատ սիրել եք որոշ բաներ: Հիմա էլ հարաբերությունները պիտի կառուցել հենց Ձեր սիրածը վերհիշելով, ուշադրությունը պիտի սևեռել այն ամեն լավին, որ կա Ձեր երկրորդ կեսի մեջ: Անհանարին է, որ այդ լավը չլինի: Ընդհանուր զբաղմունք պիտի գտնել, դա կարող է լինել նաև ֆիզիկական աշխատանքը՝ պաստառներ փոխելը կամ էլ չգիտե՞մ՝ այգում աշխատելը: Պիտի հասկանալ, որ ընտանիքը բարձրագույն արժեք է ու շատ զոհաբերություններ է պահանջում: Եթե ցանկանում եք պահպանել ընտանիքը, կգտնեք հնարավորությունները, իսկ եթե չեք ցանկանում՝ պատճառներ կգտնեք այն քանդելու համար:
զոհաբերություններ:
Մեջբերել
Էջանիշներ