Արմեն Մալխասյան - պատմվածք ոչ վաղեմի ժամանակներից

[Rhayader]

Անվարժ ու անհամասեռ է շարադրված, հեղինակը հաճախ է խախտում «հետաքրքիր արտահայտությունները ոչ միշտ են շատ հետաքրքիր» կանոնը: Ծանրաբեռնված էր պարազիտային համեմատություններով: Բազմաթիվ տեղեր տհաճորեն դուրս են ցցվում: Կլիշեների աննորմալ մեծ քանակ կա: Պարունակությունն ու սյուժեն էլ էլ, շարադրման ձևի շնորհիվ, շատ ավելի են արժեզրկվել, քան յոթ հազար դրամը:
Մնացած առումներով՝ վատ պատմվածք չէր: Եթե, իհարկե, էլի առում մնաց:

P. S. Իրականում պատրաստվում էի ավարտել «Մնացած առումներով՝ վատ պատմվածք չէր» նախադասությամբ, հետո մտածեցի՝ եթե սա է ոչ վատ պատմվածքը, ապա ո՞րն է վատը:

[Malxas]

Ճիշտն ասած այնպիսի տպավորություն ստացա, թե ավելի շատ ցանկանում եք փայլել ձեր յուրօրինակ քննադատական տաղանդով, քան հայտնել անկեղծ կարծիքը:
Նեղություն չէի կրի պատասխանել, եթե պարզապես գրեիք, որ պատմվածքը դուր չի եկել:

[Rhayader]

Ճիշտն ասած այնպիսի տպավորություն ստացա, թե ավելի շատ ցանկանում եք փայլել ձեր յուրօրինակ քննադատական տաղանդով, քան հայտնել անկեղծ կարծիքը:
Նեղություն չէի կրի պատասխանել, եթե պարզապես գրեիք, որ պատմվածքը դուր չի եկել:

Մալխաս, եթե ես ժամանակ վատնեի բոլոր ինձ դուր չեկող բոլոր պատմվածքների մասին «դուր չի գալիս» գրելու վրա, ոչ մի բան չէի հասցնի անել: Պատմվածքները շատ են, ես՝ մի հատ:
Ես քննադատում եմ երկու տեսակի աշխատանքներ: Մի տեսակը՝ որոնք, իմ կարծիքով, գրականության մեջ տեղ չունեն: Մյուս տեսակը՝ որոնք, նույնպես իմ կարծիքով, կարելի է փրկել:
Քոնը երկրորդ տեսակի պատմվածք է: Այնպես որ, իմ քննադատությունը ավելի շատ բարի կամքի արտահայտում է, ու պետք չի այն փշերով ընդունել իհարկե, եթե համարում ես, որ ինչ-որ բան սխալ եմ քննադատել (ինչը չի բացառվում), կարող ես մատնանշել դա, ու նորմալ կբանավիճենք:

P. S. Եթե ինչ-որ կերպ վիրավորական հնչեց գրածս, ապա ներողություն եմ խնդրում:

[Malxas]

Կարծում եմ քո առաջին մեկնաբանություն քննադատությունը գրված է ակնհայտ վիրավորական և ծաղրական նրբերանգով: Պատմվածքը քննարկել մանրադիտակի տակ և այն էլ քեզ հետ, ներիր չեմ ցանկանում: Եթե դու լավ տրամադրված լինելով հանդերձ այդպիսի անվայել կարպով ես արտահայտվում, ապա ինչ կլինի, եթե դու, իսկ դա բնավ չի կարելի բացառել, հանկարծ վատ տրամադրվես իմ դեմ: Չեմ ցանկանում ոչ ոքի հետ վիրավորական արտահայտություններ փոխանակել, եղբայր: Այդ նպատակով չեմ այստեղ:
Մեծապես շնորհակալ եմ, որ ցանկանում ես փրկել իմ պատմվածքը: Ստեղծագործական կատարելության ձգտում եմ աշխատելով ինքս ինձ վրա, նաև կարդալով այն գրողներին, որոնք ինձ դուր են գալիս և ես նրանց մեծություն եմ համարում:
Ի դեպ, թույլ եմ տալիս նկատել, պատմվածքը խմբագրել է մի շատ հայտնի խմբագիր և տեղին չի գտել այն զտել, ինչպես թույլ ես տվել արտահայտվել, անվարժ ու անհամասեռ շարադրանքից, ծանրաբեռնված պարազիտային համեմատություններից, տհաճորեն դուրս ցցված տեղերից ու կլիշեների աննորմալ մեծ քանակից:

[Rhayader]

Ի դեպ, թույլ եմ տալիս նկատել, պատմվածքը խմբագրել է մի շատ հայտնի խմբագիր և տեղին չի գտել այն զտել, ինչպես թույլ ես տվել արտահայտվել, անվարժ ու անհամասեռ շարադրանքից, ծանրաբեռնված պարազիտային համեմատություններից, տհաճորեն դուրս ցցված տեղերից ու կլիշեների աննորմալ մեծ քանակից:

Հա՞յ խմբագիր:

[Chuk]

Հա՞յ խմբագիր:

Իսկ ի՞նչ է, հայերեն պատմվածքը չինացի՞ խմբագիր էր խմբագրելու:

[Malxas]

Քանի որ հարցն ինձ էր ուղղված սիրով պատասխանեմ: Հայ խմբագիր: Ներսես Աթաբեկյան:

[Rhayader]

Իսկ ի՞նչ է, հայերեն պատմվածքը չինացի՞ խմբագիր էր խմբագրելու:

Հարցիս իրոնիան այդքան դժվա՞ր էր ընկալել

Քանի որ հարցն ինձ էր ուղղված սիրով պատասխանեմ: Հայ խմբագիր: Ներսես Աթաբեկյան:

Շատ լավ բացատրում է, թե ինչու

տեղին չի գտել այն զտել, ինչպես թույլ ես տվել արտահայտվել, անվարժ ու անհամասեռ շարադրանքից, ծանրաբեռնված պարազիտային համեմատություններից, տհաճորեն դուրս ցցված տեղերից ու կլիշեների աննորմալ մեծ քանակից:

[Malxas]

Ռայդեր, քեզ հետ ամեն ինչ պարզ է: Այլևս ոչինչ չունեմ քեզ ասելու և քեզանից էլ ոչինչ չեմ ակնկալում: Աստված քեզ հետ:

[impression]

Շնորհակալությունների տեղն ու քանակն ինձ ստիպում ա մտածել, որ.
ա. ես գրականությունից բան չեմ հասկանում
բ. Ռայադերն էլ չի հասկանում
գ. ես գիտեմ, որ առաջին երկու կետերը հեռու են իրականությունից, հետևաբար՝ ասա ով ա գրառման հեղինակը, ասեմ ում շնորհակալություն կտաս դու
դ. ընդհանրապես կարևոր չի գրառումը, կարևորը դրա հեղինակն ա

[Շինարար]

Մոդերատորական. Rhayader և Malxas մասնակիցների անձնական բնույթի քննարկումը ջնջվել է՝ ըստ արժանվույն վաստակած տուգանային միավորներով: Հորդորում եմ թեմայում մնալ գրական քննարկման շրջանակներում, թեմայի հեղինակին՝ ավելի հանդուրժող լինել կարծիքների հանդեպ՝ անկախ դրանց դրական կամ բացասական լինելուց և անկախ դրանց ենթադրյալ դրդապատճառներից:

[Chuk]

Հարցիս իրոնիան այդքան դժվա՞ր էր ընկալել

Իսկ իմ արձագանքի իրոնիան քո հարցի նկատմամբ ընկալելի չէ՞ր, Սոֆ

Ինչևէ: Բուն նյութի մասին: Պատմվածքը լավ շարադրված է: Եթե ես գրեի, լիքը բաներ ուրիշ կերպ կգրեի, բայց դե ախր ես չեմ գրողը, գրողը Մալխասն ա, ով այդ ամենն ուրիշ կերպ ա ընկալում ու մատուցում: Համարում եմ, որ պատմվածքը գլուխգործոց լինելուց շատ հեռու ա (ինքս երկրորդ անգամ չեմ ընթերցի, բայց հեղինակի այլ գործեր կուզեմ ընթերցել), բայց միաժամանակ շատ հեռու ա քո գնահատականների նման գնահատականներ ստանալուց: Անշուշտ դու կարող ես նման գնահատականներ տալ, բա հենց դրա համար էլ բոլորիս գրական ճաշակներն ու ակնկալիքներն իրարից տարբերվում են: Էս ամենը գրում եմ, ասելու համար, որ գնահատականներիդ համաձայն չեմ, թեև դրանց դեմ ոչինչ չունեմ: Ուղղակի կարծում եմ, որ չարժի ամեն ինչ բացարձականացնել: Մասնավորապես երբ խոսում ենք գրականությունից ու դու կարծիքիդ մեջ գրում ես «այսինչ կանոնի խախտում է», ես դա չեմ հասկանում, քանի որ կոնկրետ իմ համար գրականությունն ու արվեստը որևէ կանոնի չի ենթարկվում, իսկ երբ ենթարկեցվում է կանոնների՝ դառնում է գրչակություն ու արհեստական: Այլ հարց է, որ մեկս կարող է սիրենք պաթետիկ տոնը, մյուսս՝ շատ մտերմիկ տոնը, մեկս լինենք երկար-բարակ նկարագրությունների սիրահար, մյուսս նախընտրենք լակոնիկությունը և այլն: