Ո՞վ է մեր ժամանակի գրական հերոսը

[Rhayader]

Հենց նոր մի թեմա տեսա, որը սխալ ձևակերպման ու ֆլուդի պատճառով գրողի ծոցը գնաց ու արդարացիորեն փակվեց:
Բայց թեմայի միտքն ինձ դուր եկավ, ու ես կուզեի նորից դնել հարցը, այս անգամ՝ բաժնին համահունչ:
Գրական հերոսները տարբեր ժամանակներում տարբեր են: Տարբեր ժամանակներում նրանց տարբեր հատկանիշներ են վերագրվել, տարբեր պատմություններով են անց կացրել, որ ընթերցողը համապատասխան վերաբերմունք ձևավորի նրա նկատմամբ՝ համակրանք, ատելություն, արհամարհանք:
Չանդրադառնանք միաշերտ, պրիմիտիվ հերոսներին, ինչպիսիք են Դյումայի աշխատանքներինը՝ «Երեք Հրացանակիրներում», օրինակ, միակ ուշադրության արժանի հերոսը Միլեդին էր: Դ'Արտանյանը, Ռոշֆորն ու այլոք այնքան միանշանակ էին, որ ընթերցողը կարիք չուներ փորձել նրանց հասկանալ: Ռոշֆորը տականք է՝ եկեք ատենք նրան: Ու վերջ: Հետագա գրքերում Ռոշֆորին այլ կողմից ցույց տալու փորձերն ընդամենը ինկոնսիստենցիա էին: Եվ այլն:
Ինչպես արդեն ասացի, ամեն ժամանակ իր գրական հերոսն է ունեցել: Լինի դա Ալֆրեդ դե Մյուսեի «դարի զավակը», Մոպասանի Պոլ Բրետինյին, Ջեյն Օստենի պարոն Դարսին, Հոմերոսի Ոդիսևսը, Ջոյսի Լեոպոլդ Բլումը, թե Սոմերսեթ Մոեմի Սթրիքլենդը:
Բայց մեր ժամանակն էլ ունի իր հերոսին: Ուրեմն՝ եկեք կոնկրետացնենք հարցը: Ո՞վ է մեր ժամանակի գրական հերոսը:

[Yellow Raven]

Իմ համեստ կարծիքով Հերման Հեսսեի Հարրի Հալլերը
Չնայած գիրքը Հեսսեն 1920-ականներին է գրել (եթե չեմ սխալվում), բայց հիմա էլ ավելի արդիական է դարձել նման <<գրական հերոսների>> կարիքը մեր իրականությունում

[Շինարար]

Պստլիկ խլվլիկն ու անլեզու ծլվլիկը

[Լեո]

Մեր ժամանակի իսկական հերոսներն ըստ իս, ի դժվախտություն մեզ, ընկեր Փանջունիներն են

[StrangeLittleGirl]

"Brooklyn Follies"-ի գլխավոր հերոսի անունն ի՞նչ էր: Կարծեմ Թոմաս: Այ ինքը՝ չաղ, դեպրեսված, ոչ մի գործ ավարտին չհասցնող: Ու մեկ էլ իրա քուրը՝ Ռորին. տղամարդկանցից եքա քաշված, վերջը երջանկությունը նույնասեռական հարաբերության մեջ գտած:

[merishok975]

ինձ համար բոլոր ժամանակների գրական հերոսը կմնա Րաֆֆու Սամվելը

[StrangeLittleGirl]

ինձ համար բոլոր ժամանակների գրական հերոսը կմնա Րաֆֆու Սամվելը

երևի նկատի ունեք հակա՞հերոսը

[merishok975]

ինչու հակահերոս?

[Freeman]

ինչու հակահերոս?

Հաջորդ անգամ կրոնական սկզբունքների համար մարդ սպանելուց լավ կմտածես, թե ինչի համար էր Սամոն հակահերոս

[merishok975]

ամեն դեպքում յուրաքանչյուրն իր կարծիքն ունի ամենատարբեր երևույթների մասին,ինձ համար հերոս,ձեզ համար հակահերոս ,մեկ ուրիշի համար ուղղակի չեզոք ազդեցություն...

[enna]

Հաջորդ անգամ կրոնական սկզբունքների համար մարդ սպանելուց լավ կմտածես, թե ինչի համար էր Սամոն հակահերոս

Կրոնափոխության պատճառով շատ մարդիկ սպանվեցին,դա տեսավ Սամվելը և դա էլ դրդեց Սամվելին ծնողասպանության:Կրոնը չէր,այլ այն,որ նրանք դավաճանեցին սեփական ազգին,կարելի է ասել նրանք բացեցին դռները թշնամու առաջ:

[Ruby Rue]

Մեր ժամանակներին շա՜տ համապատասխան կերպար ա Հոլդեն Քոլֆիլդը՝ Սելինջերի «Տարեկանի արտում, անդունդի եզրին գրքից»:
Չնայած իրականում էդքան էլ շատ ժամանակ չի անցել գրքի ու ներկայիս ժամանակների միջև, բայց Հոլդենը էնքան հավաքական ու վառ կերպար ա, որ իր մեջ ջահելության և՛ դրական, և՛ բացասական գծերն ունի:

[Ruby Rue]

ինձ համար բոլոր ժամանակների գրական հերոսը կմնա Րաֆֆու Սամվելը

Ժողովուրդ, մի կողմ թողնենք Սամվելի կերպարի բարոյահոգեբանությունը, ինձ հետաքրքիր է, թե ինչո՞վ է նա մեր ժամանակների հերոս:
Ինչո՞վ կարող են Սամվելի արարքները համապատասխանել մեր ժամանակաշրջանին ու մեր երկրին, որտեղ կրոնական ազատություն կա:
Ես կարող եմ հասկանալ, որ շատերին կարող է ոգևորել Սամվելի արարքը, բայց չեմ հասկանում, թե ինչպե՞ս ինքը կարող է մեր ժամանակների հերոս լինել... Մեր ժամանակներում ինքն ուղղակի հոգեկան հիվանդ կորակվեր, ով ինչ-որ կրոնի համար հարազատ հորն ու մորն է սպանել…

[merishok975]

Ճիշտ եք գիրքն ընդհանրապես կապ չունի մեր ժամանակների հետ,ուղղակի պատմավեպն իմ նախընտրած թեման է,իսկ նշված գիրքն իմ ամենասիրելի գիրքը,հենց այդ պատճառով էլ ինձ համար Սամվելը լավագույն հերոսներից մեկն է

[մարիօ]

Ես չէի ուզենա, որ ինքը լիներ, բայց երևի Ջոնաթան Լիվինգսթոն