Հայերեն Android հեռախոսներում

[ArmSOAD]

Սիրելի ակումբեցիներ:
Ինչպես գիտենք վերջապես Հայաստան են մտել HTC հեռախոսներ` Android օպերացիոն համակարգով: Անձամբ ես ձեռք եմ բերել HTC Hero Android 1.5 (upgraded to 2.1) ու շատ գոհ եմ:
Բայց, ինչպես յուրաքանչյուր հայ, մայրենի լեզուս շատ եմ սիրում , ու զգում եմ դրա պակասը հեռախոսիս մեջ : Մի քիչ մանրամասնեմ:
Ուրեմն էս Google-ը ցավոք մինչ այսօր չի մտցրել հայոց լեզուն HTC Android-ների հիմնական լեզուների ցանկի մեջ, որի պատճառով կամայական հայերեն տեքստ բացելուց, լինի դա ինտերնետում, թե Word document, տեսնում ենք մի շարք վանդակներ : Փորփրելով ինտերնետը` պարզեցի, որ խելոք մարդիկ արդեն դզեվեր են գտնում խնդրի լուծման համար
Լուծման տարբերակ

1. Ֆոնտեր
   
   Երևի ամենատրամաբանական լուծումը հեռախոսի հիմնական ֆոնտի փոփումն է: Այսինքն գտնում ենք մի հարմար Unicode ֆոնտ` հայերենի պարունակությամբ, ու դնում ենք DroidSerif.ttf ֆոնտի փոխարեն: Այ այստեղ առաջանում է խնդիր: Հեռախոսը թույլ չի տալիս system folder-ի մեջ գրել:
   Էս հարցնել են լուծում մարդիկ: Հեռախոսը "root" են անում: Ինչքան հասկացա բարդոտ գործողություն է, որը format-ներ անելուց հետո ավելի հին միջուկով OS է գցում հեռախոսիմեջ, ընդ որու Hack-արած, ու ձեռքի հետ բացում է Android-ի մի շարք հնարավորություններ:
   Սրանից հետո կարող ենք ֆոնտերը փոխել ու տեսնել հայերեն տառերը: Բայց փաստորեն մեր սիրուն, թարմ Անդրոիդիկին կորցնում ենք Կարող ենք վերականգնել միայն Hack արած տարբերակով: Այս միտքը անձամբ ինձ հեչ դուր չի գալիս:
   Բայց եթե դուք ուզում եք ռիսկի դիմել, ինտերնետում բազմաթիվ ուղեցույցներ ու տեսանյութեր կան, որոնք կօգնեն և' "root" անել, և' ֆոնտերը փոխել:
   
   Օրինակ այստեղ` http://hackerthedude.blogspot.com/20...-tutorial.html

1. Ստեղնաշար
   
   Ենթադրենք կարողացել ենք հայերեն ֆոնտերը մտցնել մեր հեռխոսի մեջ: Հիմա հարց է ծագում` ո՞նց գրենք: Դա իրականացնելու համար երևի միակ գոյություն ունեցող ձևը նոր ստեղնաշարն է: Կա մի ծրագիր (application), որով կարելի է լրացուցիչ լեզուներուվ ստեղնաշարեր ավելացնել:
   Անունն է AnySoftKeyboard: Կարելի է բեռնել Android Market-ից կամ համակարգչով այստեղից` http://handheld.softpedia.com/get/Sy...rd-78971.shtml
   Սրանից հետո պետք է բեռնել վերջերս Market-ում հայտնված հայերեն ստեղնաշարը`
   Armenian Language Pack for AnySoftKeyboard կամ` http://handheld.softpedia.com/get/Ed...d-104603.shtml

Ահա և վերջ: Իհարկե այս ամենը անելուց ձեր հեռախոսը փչանալու ռիսկի տակ է հայտնվում , զգույշ եղեք: Ու խնդրում եմ արձագանքեք այս գրառմանը, եթե արդեն փորձարկել եք

Հաջողություն եմ մաղթում

---------- Ավելացվել է՝ 16:54 ---------- Սկզբնական գրառումը՝ 16:49 ----------

Գրեցի ու միանգմից մի ուրիշ տարբերակ գտա, կարծես ավելի հեշտ է իրականացվում: Այսինքն էլի "root" արվում է, բայց հնարավորություն կա վերականգնվել: Կարճ ասած` application կա, որը սև գործը անում է Հեսա լինքը` http://maketecheasier.com/root-andro...nty/2010/08/13

[ArmSOAD]

Լավ, ժողովուրդ, ինչքան հասկացա ոչոք ռիսկի դիմելու ցանկություն չունի: Բացի ինձնից
Կարճ ասած, շնորհավորեք ինձ, Հերոսս հայերեն սովորեց Հիմա մանրամասն ասեմ ոնց եմ դա հաջողացրել: Կարծում եմ, որ հատկապես "HTC Hero"-ների համար ունիվերսալ մեթոդ է: Բայց ամեն դեպքում, ռիսկի գործոն միշտ էլ կա Դե, սկսենք:

1. Ինչ մեզ պետք կգա
   
   • Նախ, պետք է հեռախոսի վրա ստանանք "root access" և "superuser" հնարավորություններ, ինչի համար մեզ պետք կգա Universal Androot ծրագիրը: Հետո կօգտագործենք command prompt-ի պես մի բան հեռախոսի վրա` Android Terminal Emulator: Այս երկուսը կարող եք գտնել այստեղ` http://rapidshare.com/files/423268461/Root_SU.zip
     
   • Հայերենի համար մեզ պետք կդա որևէ unicode ֆոնտ: Օրինակ Sylfaen.ttf: Մեզ պետք է նաև ստեղնաշար` AnySoft Keyboard: Սրանք կգտնեք այստեղ` http://rapidshare.com/files/423268396/Keyboard_font.zip
   • Հիմա ամենա կարևորը: Հիմանական գործը անելու ենք համակարգչի օգնությամբ, ինչի համար մեզ պետք է "Android Developer SDK": Սա android ծրագրեր գրելու գործիքների հավաքածու է: Այն կարելի է բեռնել այ այստեղից` http://developer.android.com/sdk/index.html
     Նույն տեղում կիմանաք, թե ինչպես այն տեղադրել ու աշխատացնել: Աշխատեցնելուց հետո ծրագիրը կառաջարկի ձեզ լրացուցիչ գրադարաններ ու էմուլյատորներ քաշել, բայց եթե չեք պատրաստվում Application-ներ գրել, կարող եք հանքիստ այդ առաջարկը հերքել Թե չէ ինտերնետի մեծ ծախս կանեք:
2. "Root Access"-ի ստացում
   
   Հեռախոսը կպցնում ենք կոմպին USB լարով: Նշում ենք, որ կապը լինի "Data Storage": Այս գրառումից քաշած .zip-երի բոլոր .apk ընդլայնումով ֆայլերը գցում ենք sd քարտի վրա: Հեռախոսի միջից դրանք աշխատացնում ենք: USB կապը դարձնում ենք "Charge Only":
   Բացում ենք Universal Androot ծրագիրը: Ընտրում ենք մեր հեռախոսի ՕՀ-ի վերսիան ու սեղմում ենք ROOT: Ծրագիրը մեզ կասի, որ հաջողությամբ իր գործն արել է
   Շնորհավորում եմ, ձեր հեռախոսն ունի "Root access"
3. Ֆոնտի բեռնում
   
   Սկսենք ամենա պատասխանատու մասը: Հեռախոսի վրա մտնում ենք Settings > Applications > Development > Usb Debugging:
   
   Կոմպի վրա բացում ենք cmd.exe-ն: Ենթադրենք, թե "Android SDK"-ն քաշելուց հետո այն extract եք արել Desktop-ի վրա: Եթե ոչ, կփոխվի միայն առաջին հրամանը, որտեղ կնշեք ճշգրիտ հասցեն: Մնացած ֆայլերն էլ ենք գցում Desktop-ի վրա: Սկսում ենք հերթով գրել հետևյալ հրամանները:
   

   
   > cd C:\Users\VJ\Desktop\android-sdk_r07-windows\android-sdk-windows\tools
   > adb devices
   

   Բերված ցանկի մեջ գտնում ենք մեր հեռախոսի սերիալ համարը: Դիցուք այն SNum է:
   

   
   > adb -s SNum push C:/Users/VJ/Desktop/DroidSans-Regular.ttf /sdcard/DroidSans-Regular.ttf
   > adb SNum shell
   $ su
   # mount -o rw,remount -t yaffs2 /dev/block/mtdblock4 /system
   # cat /sdcard/DroidSans-Regular.ttf > /system/fonts/DroidSans-Regular.ttf
   # sync
   # reboot

   su հրամանից հետո հեռախոսը թույլատվություն կհարցնի Superuser դառնալու համար: Կտանք "այո":
   Հեռախոսը կվերաբեռնվի ու... վերջ:Կարող ենք նորից մտնել Universal Androot ու վերականգնվենք` սեղմելով Unroot: Անջատենք նաև USB debugging-ը:

"Ահա և վերջ". ասաց մի ծեր ու իմաստուն ձի` տեսնելով առաջին ավտոմեքենան: Վայելեք հայոց լեզուն:
Ստեղնաշարից օգտվելու համար մտեք Settings > Language and keyboard > AnySoftKeyboard -ի մոտ նշում ենք: Որրէ տեղ հայերեն գրելու համար գրելու Textbox-ի վրա սեղմած պահեք, հայտնված մենյույում ընտրեք Input method ու ընտրեք մեր ստեղնաշարը: Եթե հայերեն ստեղնաշարը չգա, մտեք Settings > Language and keyboards > AnySoftKeyboard Settings > Keyboard > Հայերեն չորս շարքով:
Զգուշացնեմ, որ ստեղնաշարը թերություններ ունի: Որոշ տառեր բացակայում են: Բայց հուսանք, որ թերությունները կամաց-կամաց կանհետանան

screenshot.png screenshot_1.png screenshot_2.png

ԴԵ ՎԵՐՋ: Կամայական հարցի դեպքում դիմեք:

[ArmSOAD]

Ավելացնեմ, որ այս մեթոդը ամենայն հավանականությամբ կաշխատի այն բոլոր Անդրոիդ հեռախոսներ համար, որոնց վրա աշխատում է Universal Androot ծրագիրը:
Ահա դրանց ցանկը`

• Google Nexus One (2.2)
• Google G1 (1.6)
• HTC Hero (2.1)
• HTC Magic (1.5) (Select Do not install Superuser)
• HTC Tattoo (1.6)
• Dell Streak (2.1)
• Motorola Milestone (2.1)
• Motorola XT701
• Motorola XT800 (2.1)
• Motorola ME511
• Motorola Droid (2.01/2.1/2.2 with FRG01B)
• Sony Ericsson X10 (1.6)
• Sony Ericsson X10 Mini (1.6)
• Sony Ericsson X10 Mini Pro (1.6)
• Acer Liquid (2.1)
• Acer beTouch E400 (2.1)
• Samsung Galaxy Beam
• Vibo A688 (1.6)
• Lenovo Lephone (1.6)
• LG GT540 (1.6)
• Gigabyte GSmart G1305

Իսկ այս հեռախոսների վրա նունիսկ մի փորձեք` չի աշխատի.

• Samsung i9000 / i6500U / i7500 / i5700
• Motorola ME600 / ME501 / MB300 / CLIQ XT
• Motorola 2.2 FRG22D
• Archos 5
• HuaWei U8220
• HTC Desire / Legend / Wildfire (/system Can not write, But we can rely on Soft Root)
• HTC EVO 4G / Aria
• SonyEricsson X10i R2BA020
• myTouch Slide

[Chilly]

Իմ HTC Wildfire ճստլոն արդեն հայերեն կարդում ու գրում է
Ամենայն մանրամասնությամբ ներկայացնում եմ թե ինչպես եմ կազմակերպել նրա տառաճանաչությունը.
(բոլոր գործողությունները բերված են կոնկրետ HTC Wildfire-ի համար)
Առաջին հերթին պետք է հեռախոսը բեքափ անել, (որպեսզի հետագայում հնարավոր լինի վերադարձնել գործարանային վիճակը, երաշխիքային սպասարկման և այլնի համար)… Դրա համար անջատում ենք հեռախոսը, ապա ձայնի իջեցնելու կոճակը սեղմած միացնում, այն մտնում է մենյու: Մի քիչ սպասում ենք, որպեսզի load անի որոշ պարամետրեր, ապա ձայնի կոճակով իջնում ենք recovery, անջատելու կոճակով ընտրում, այնտեղից մտնում ենք nandroid -> backup, ապա սպասում եք այնքան, մինչև ավարտվի, և ապա reboot: backup-ը պաhվում է clockworkmod ֆոլդերում, չիպի մեջ, կարող եք ջնջել չիպից ու գցել կոմպի մեջ:


Քաշում ենք unrevoked ծրագիրը

v3.21

Ցուցումներ

HBOOT 0.80 (կամ ցածր) և ROM 1.14.xxx.x (կամ ցածր):

Կարող եք ինֆորմացիա ստանալ և այստեղից

1. Քաշած արխիվը բացում ենք ինչ-որ տեղ (ցանկալի է` C դիսկի վրա)

2. Քաշում ենք հետևյալ դրայվերը. android-usb-driver.zip

3. Տեղադրում ենք վերջին վիպուսկ HTC Sync ծրագիրը. Նրա հետ ավտոմատ տեղադրվում են 2 դրայվեր.
- HTC BMP USB Driver
- HTC Driver Installer
Միացնում ենք հեռախոսը կոմպին, դնում HTC Sync ռեժիմի վրա, սպասում, մինչև բոլոր դրայվերները ճանաչի ու ասի որ սաղ լավա
Ապա հեռախոսն անջատում ենք, HTC Sync-ն անինսթալ ենք անում, կոմպում թողնելով այդ երկու դրայվերները, ցանկալի է կոմպը դրանից հետո ռեսթարթ անել:

Ապա տեղադրում ենք նախապես քաշված դրայվերը.
ա) Դրա համար անջատում ենք հեռախոսը, ապա ձայնի իջեցնելու կոճակը սեղմած միացնում, հետո կպցնում կոմպին,
բ) Մտնում ենք Device Manager և այնտեղ գտնում Android 1.0-ն, որի դրայվերը փոխոում ենք նախապես քաշած android-usb-driver.zip-ի միջի դրայվերներով
գ) հեռախոսը ռեստարտ ենք անում (առանց սեղմած կոճակի)

4. Մտնում ենք 1-ին պունկտում պապկան, որտեղ լցրել ենք արխիվի պարունակությունը, թողարկում ենք reflash.exe-ն, հեռախոսն ինքն իրեն ռեստարտ կլինի, ծրագրի պատուհանում (ներքևի մասում) կփոփոխվեն տարբեր հաղորդագրություններ պրոցեսի ընթացքի մասին… Ընթացքում կարող է հայտնվել դրայվերների որոնման պատուհանը, դրայվերները նույն պապկայում են, ինչ 2-րդ պունկտի դեպքում

5. Ապա համբերատար սպասում ենք, մինչև հայտնվի սև պատուհան, մեջը գրված ClockworkMod Recovery և այնտեղ ընտրում ենք reboot system now կետը

6. Վերջ, հիմա դուք Root access ունեք


Ուշադրություն. HBOOT 0.80.0007; 0.80.0008 և ROM 1.25.405.1; 1.28.1107.1-ի համար

ամեն ինչը ճշգրիտ նույնը, միայն թե քաշում ենք հետևյալ արխիվը (ֆայլը քաշելու համար պետք է գրանցված լինել կայքում) և նրա մեջ եղած ֆայլը դնում ենք reflash.exe-ն պարունակող պապկայի մեջ...

Մաս 2 - ֆոնտերի տեղադրում

Քաշում ենք հետևյալ ֆայլը

Տեղադրում

1. Պատճենում ենք քաշված ֆայլը հեռախոսի sd card-ի վրա (չիփի մեջ
2. Անջատում ենք հեռախոսը, միացնելով սեղմված «ձայն ներքև» կոճակով
3. Մտնում ենք Recovery > install zip from sdcard > choose zip from sdcard.
4. Գտնում ենք այնտեղ install.zip, սեղմում ենք դրա վրա և ապա սեղմում yes
5. Վերադառնում ենք մենյու և reboot system now.

Ծանոթություն. install.zip-ի մեջ ես դրել եմ tahoma և tahomabold ֆոնտերը, եթե կցանկանաք, որ ձեր հեռախոսի մեջ այլ ֆոնտ լինի, ապա install.zip-ի system/fonts պապկայում եղած ֆոնտերի անուններով համապատասխանաբար overwrite արեք ձեր նախընտրած ֆոնտի regular-ն ու bold-ը…

Շնորհավորում եմ

Մաս 3 - Հայերեն ստեղնաշար (օգտվել եմ այստեղից)

1. Անդրոիդակիր հեռախոս կպցնում ենք USB-ին: Հեռախոսի մեջ կպցնում ենք (mount) USB-ն, այնպես, որ համակարգչի մեջ երևա շարժական դիսկը:
2. Հեռախոսի մեջ մտնում ենք android market ու փնտրում ու տեղադրում ենք anysoftkeyboard-ը:
3. Հեռախոսի մեջ մտնում ենք android market ու փնտրում ու տեղադրում ենք AnySoftKeyboardLanguagePackArmenian-ը:
4.

[Ռուֆուս]

Ատում եմ Մուշոյին ամբողջ սրտով ու հոգով

Հ.Գ. Եթե ձեր HTC Wildfire-ը առանց root անելու update եք արել Android 2.2, ապա մոռացեք հայերենի մասին, վերը նշված մեթոդը այլևս չի գործի: Բացի դրանից 2.2-ը դեռևս հնարավոր չէ root անել, էնպես որ պետք է սպասեք, մինչև դրա ձևը գտնեն:

Իսկ հիմա Մուշոն իր հեռախոսով համ հայերեն ա գրում, համ կարդում, իսկ ես

[Chilly]

Առաջին հերթին պետք է հեռախոսը բեքափ անել, (որպեսզի հետագայում հնարավոր լինի վերադարձնել գործարանային վիճակը, երաշխիքային սպասարկման և այլնի համար)… Դրա համար անջատում ենք հեռախոսը, ապա ձայնի իջեցնելու կոճակը սեղմած միացնում, այն մտնում է մենյու: Մի քիչ սպասում ենք, որպեսզի load անի որոշ պարամետրեր, ապա ձայնի կոճակով իջնում ենք recovery, անջատելու կոճակով ընտրում, այնտեղից մտնում ենք nandroid -> backup, ապա սպասում եք այնքան, մինչև ավարտվի, և ապա reboot: backup-ը պաhվում է clockworkmod ֆոլդերում, չիպի մեջ, կարող եք ջնջել չիպից ու գցել կոմպի մեջ:

Պարզվեց, կոնկրետ HTC Wildfire հեռախոսի համար բեքափը հնարավոր չէ, քանի դեռ root չես արել, էնպես որ, միանգամից անցեք ռութին, իսկ Ռուֆուսը դեռ մաքրում է ու մաքրում

[Norton]

Իսկ Սամսունգ հեռախոսների դեպքում էս մեթոդը գործումա՞

[Elmo]

screenshot.png screenshot_1.png screenshot_2.png

Հա էլի: Ռ ու Է տառերը չկան:

[Elmo]

Բոլոր նրանց համար, ովքեր դեռ չեն հասցրել կամ չեն ուզում root անել իրենց հեռախոսները:
Վերջապես պատրաստ է հայերեն կարդացող բրաուզերը, որը անվճար հասանելի է այստեղ http://webdroid.life.am/LifeWebBrowser.apk
Այցելեք հայալեզու կայքեր, առանց root անելու կամ հեռախոսը ռիսկի տակ դնելու:
Քաշեք, տեղադրեք, օգտագործեք: Բագերի, առաջարկությունների ու շնորհակալության համար դիմեք հեղինակին: http://www.facebook.com/HaykTs

[My World My Space]

Բոլոր նրանց համար, ովքեր դեռ չեն հասցրել կամ չեն ուզում root անել իրենց հեռախոսները:
Վերջապես պատրաստ է հայերեն կարդացող բրաուզերը, որը անվճար հասանելի է այստեղ http://webdroid.life.am/LifeWebBrowser.apk
Այցելեք հայալեզու կայքեր, առանց root անելու կամ հեռախոսը ռիսկի տակ դնելու:
Քաշեք, տեղադրեք, օգտագործեք: Բագերի, առաջարկությունների ու շնորհակալության համար դիմեք հեղինակին: http://www.facebook.com/HaykTs

Elmo ջան չի բացում էդ լինկը.....

[Ռուֆուս]

Elmo ջան չի բացում էդ լինկը.....

Իմ մոտ նորմալ բացեց, հեսա ինստոլ անեմ, տեսնեմ ինչ ա դուրս գալիս....

[ArmSOAD]

Հա էլի: Ռ ու Է տառերը չկան:

բոլոր տառերը կան, պիտի Ռ-ի համար ր-ն սեղմած պահես, Է-ի համար էլ ե-ն

[ArmSOAD]

վայ ժողովուրդ, էս ինչքան բան եմ բաց թողել սպասեք հլը էդ ապկ-ն ես էլ փորձեմ էն չարչարված դիզայրի վրա:

[Ռուֆուս]

Hay Browser-ի նոր լինքը.
webdroid.life.am

Ի դեպ հայերեն էլ ա գրում, Settings-ում միացնում ես AnySoftKeyboard-ը, բրաուզերում սեղմած պահում ես որևէ text input field-ի վրա ու input method-ը դարձնում AnySoftKeyboard

[Shahen055]

Այս գործողության համար root-access պետք չէ:
Այս ծրագրի միջոցով կարելի է հեռախոսին "հասկացնել" հայերեն, առանց երաշխիքային կտրոնի չեղյալ համարվելու:
Բացում ենք arm.zip ֆայլը C:\ դիսկի մեջ, պետք է ստացվի C:\bin:
Սեղմում ենք install.bat, և սպասում մինչև ծրագիրը իր գործը կատարի:

Իսկ root access կարելի է ստանալ, սեղմելով root.bat:
root access-ը կարելի է անջատել, սեղմելով unroot.bat:

Բեռնել:
Նաև անհրաժեշտ կլինի usb դրայվերները (Կարելի է ձեռք բերել Android SDK-ից):