Երեխեք, օլիմպիադան միայն հայերի համար չի, ինչպե՞ս կարող էիք բաց թողնել նման սկանդալը
Շախմատային Օլիմպիադա. Եմենի հավաքականը լուծարվել է… Իսրայելի հետ խաղալու համար
Սեպտեմբեր 22, 2010 | 23:07
Եմենի սպորտի նախարարը լուծարել է շախմատի տղամարդկանց ազգային հավաքականը Խանտի Մանսիյսկում Իսրայելի հետ խաղալու համար: Համաշխարհային Օլիմպիադայի պաշտոնական արձանագրություններում նշվում է, որ Եմենի թիմը չի ներկայացել հանդիպմանը եւ ստացել է տեխնիկական պարտություն` 0:4 հաշվով: Սակայն NEWSru.co.il-նշում է, որ եմենցի շախմատիստները սեփական նախաձեռնությամբ ներկայացել են հանդիպմանը եւ նույնիսկ կես ժամ խաղացել են, որից հետո են միայն հեռացել:
Եմենի Saba լրատվական գործակալության հաղորդմամբ` Եմենի սպորտի նախարար Համուդ Ուբադը հայտարարել է, որ իսրայելցիների հետ հանդիպումը տեղի է ունեցել շախմատիստների անձնական նախաձեռնությամբ: «Դա հակասում է Յեմենի պաշտոնական դիրքորոշմանը: Մենք մերժում ենք Իսրայելի հետ հարաբերությունների կարգավորման որեւէ նախաձեռնություն»,-հայտարարել է նախարարը: Օլիմպիադայի մասնակից բոլոր շախմատիստները հեռացվել են ազգային հավաքականից, պաշտոնանկ են արվել նաեւ երկրի շախմատային ֆեդերացիայի տնօրենների խորհրդի բոլոր անդամները:
Էջանիշներ