Գրեգորի Կոլբերտ(Gregory Colbert)
"Իմ աշխատանքներում ներկայացված է մի աշխարհը, որը չունի ոչ սկիզբ, ոչ վերջ: Այն կարող է լինել և այստեղ, և այլուր, թե անցյալում, թե ներկայում: Հույսով եմ, որ վերջական արդյունքը կլինի հրաշքի զգացողությունը, հանգստության և հույսի առկայությունը:"
Գրիգորի Կոլբեր` լուսանկարիչ, օպերատոր, ռեժիսյոր, սցենարիստ: Նա ծնվել է 1960թ. Տորոնտոյում: Իր կարիերան սկսել է Փարիզում 1983թ.: Այդ ժամանակ նա նկարահանում էր սոցիալական խնդիրների շուրջ փաստավավերագրական ֆիլմեր:
Այնուհետև սկսում է հետաքրքրվել գեղարվեստական լուսանկարչությամբ: 1992թ. Շվեյցարիայում բացվում է նրա առաջին` "Ժամանակի Ալիքներ (TimeWaves)" ցուցահանդեսը:
---------- Ավելացվել է՝ 13:49 ---------- Սկզբնական գրառումը՝ 13:37 ----------
Հաջորդ 10 տարիներին նա անհետանում է: Չի մասնակցում ցուցահանդեսների, չի հրատարակվում, չի ցուցադրում իր ֆիլմերը: Նա ամբողջությամբ իրեն նվիրում է նոր, անսովոր, շատ բարդ, բայց հետաքրքիր նախագծի: Այդ տարիների ընթացքում նա լինում է աշխարհի ամենահեռավոր ու էկզոտիկ վայրերում` Եգիպտոսում, Հնդկաստանում, Բիրմայում, Եթովպիայում, Նամիբիայում, Դոմինիկյան Հանրապետությունում և շատ այլ երկրներում:
Երկարամյա մենակյացության արդյունքում ծնվեց "Մոխիր և Ձյուն(Ashes and Snow)" նախագիծը, որի մեջ մտնում է ոչ միայն նրա լուսանկարները, այլ նաև մեկժամյա կինոնկարը, կնոջն ուղված նամակներից բաղկացած վեպը: Իր առջև նա դրել էր մի խնդիր` իր աշխատանքներում ցույց տալ մարդու և բնության, մարդու և կենադանական աշխարհի միջև զարմանալի փոխհարաբերությունները: Նա փորձում է վերականգնել մարդու և բնության միջև փոխըմբռման հիմքերը, որոնք գոյություն են ունեցել այն ժամանակ, երբ մարդիկ ներդաշնակ էին ապրում կենդանակ աշխարհի հետ: Այս նախագծում նա կենդանիներին ներկայացնում է որպես հասարակության լիիրավ անդամ ու փորձում ջնջել մարդու և կենդանու միջև առկա սահմանները:
Առաջին անգամ "(Ashes and Snow)" ցուցահանդեսը բացվեց 2002թ. Վենետիկում: Ցուցադրությանը հաճախել են ավելի քան 100000 մարդ: Քննադատների գնահատմամբ այն Իտալիայում անցկացված խոշորագույն ցուցահանդեսն էր: 2005թ. այն ցուցադրվում է Նյու- Յորքում , այստեղից էլ սկսվելէ նրա համաշխահարհային շրջագայությունը:
Գրիգորի Կոլբերը ստեղծել է նաև "Թռչող փղերի ֆոնդը", որը կոչված է օժանդակելու այն մարդկանց, որոնց ստեղծագործական ու գիտական աշխատանքները ուղղված են բնության պահպանմանը:
Շատ տվյալներով չեմ ծանրաբեռնում ձեզ, որովհետև հաճախելով նրա կայք՝ www.ashesandsnow.org , դուք ձեզ անհրաժեշտ ինֆորմացիան կգտնեք և անպայաման կընկնեք մի այնպիսի կախարդանքի տակ, որ կանհետանան բառերը ու կմնաք դուք, լռւոթյունը, ներքին խաղաղությունը ու ամբողջ աշխարհի հետ ամբողջականության անկրկնելի զգացողությունը: Գիտեք՝ մեր ժամանակակից կյանքի այս տեմպում նրա աշխատանքները ստիպում են կանգ առնել, նայել մեր շուրջը, հասկանալ մեր վազքի անիմաստությունը, տեսնել ներկա պահը ու հենց այդ ներկայից, այս զարմանալի աշխարհի մի մասնիկը լինելու անկրկնելի զգացոցողությունից այնպիսի հրճվանք զգալ, որ թե դու, թե աշխարհը էլ ավելի նշանակալի ու արժեքավոր եք դառնում:
---------- Ավելացվել է՝ 13:57 ---------- Սկզբնական գրառումը՝ 13:49 ----------
Ահա և "Ashes and Snow" նախագծի վիդեոաշխատաքներից:
Հաստատ անտարբեր չեք մնա:
Մեջբերել
Էջանիշներ