25 լավագույն ոչ ամերիկյան սարսափ ֆիլմերը

[Ռուֆուս]

Մութ ջրեր / Dark Water

Ճապոնիա, 2002

Զանգը ճապոնական սարսափ ֆիլմը կերտողների հերթական գլուխգործոցը: Ֆիլմը մի փոքրիկ աղջկա ուրվականի մասին է, ով ահաբեկում է շենքի բնակիչներին: Ֆիլմը էլի ողողված է ջրով

[Ռուֆուս]

Բժիշկ Կալիգարիի կաբինետը / The Cabinet of Dr. Caligari

Գերմանիա, 1920

Այս դասականը համարվում է կինոյի պատմության մեջ առաջին սարսափ ֆիլմը: Զոմբիանման կիլլերի պատմությունը լավ հիմք դրեց հետագա հոգեբանական թրիլլերների համար: Ի դեպ այս համր ֆիլմը ավելի շուտ սարսափազդու լուսանկարների ալբոմ է հիշեցնում:

[Ռուֆուս]

Գոձիլլա / Godzilla

Ճապոնիա, 1954

Հիրոսիմայի և Նագասակիի ատոմային ռմբակոծությունից 9 տարի անց նկարահանված այս ֆիլմը նրա մասին է, թե ինչպես է սարսափելի դինոզավր-հրեշը քանդուքարափ անում ճապոնական քաղաքը: Դե, կարծում եմ հասկանալի է, որ Գոձիլլան միջուկային ճառագայթումների մուտացիայի արդյունք է:

[Ռուֆուս]

Սատանաները / Les Diaboliques

Ֆրանսիա, 1954

Կինն ու սիրուհին համատեղ ուժերով սպանում են ամուսնուն ու սիրած տղամարդուն... սակայն դիակը անհետանում է ու մեղսագործ կանանց կյանքը վերածվում է իսկական դժոխքի... Կինոյի այս դասականը համարվում է լավագույն ֆրանսիական ֆիլմերից մեկը:

[Ռուֆուս]

Ներս թող ինձ / Let the Right One In

Շվեդիա, 2008

Ձյունածածկ Ստոկհոլմում 12-ամյա Օսկարի և վամպիրուհի Էլիի սիրո մասին պատմող այս չափից դուրս գեղեցիկ շվեդական ֆիլմը արժանացել է կինոքննադատների ու կինոմանների ամենաբարձր գնահատականներին:

[Ռուֆուս]

Սատանայի ողնաշարը / The Devil's Backbone

Իսպանիա, 2001

Գիլյերմո Դել Տորոյի գեղեցիկ ու շատ հումանիստական ֆիլմը պատմում է Իսպանիայի քաղաքացիական պատերազմի ժամանակ ուրվականներով լեցուն մանկատան մասին: Գիլյերմո Դել Տորոն իր հաջորդ ֆիլմը՝ Պանի Լաբիրինթոսը, կոչել է այս ֆիլմի «հոգևոր շարունակությունը»: Իսկ Սատանայի ողնաշար ֆիլմը նրա մասին է, որ կենդանի մարդիկ շատ հաճախ ավելի վտանգավոր ու չար են, քան մեռածների հոգիները:

[Ռուֆուս]

Աչքը / The Eye

Հոնգ-Կոնգ, 2002

6-րդ զգայարանի Հոնգ-Կոնգյան շատ սարսափելի մեկնաբանությունը... Որոշ բաներ կան, որոնք ավելի լավ է չտեսնեք (ֆիլմի մասին չէ խոսքը)

[Ռուֆուս]

Ծարավ / The Thirst

Հվ. Կորեա, 2009

«Վրիժառություն» տրիլոգիայի (որի մասն է կազմում հանրահայտ «Օլդբոյ» ֆիլմը) ռեժիսյորի վերջին աշխատանքը վամպիրական ֆիլմ է՝ համեմված սև հումորով, սարսափազդու կադրերով և ադրենալինի շատ մեծ չափաբաժնով:

[Ռուֆուս]

Գայլերի կիրճը / Wolf Creek

Ավստրալիա, 2005

Իրական դեպքերի հիման վրա նկարահանված այս ֆիլմը պատմում է երեք արշավականների մասին, ում օգնության ձեռք մեկնում մի անծանոթ տղամարդ: Սակայն անծանոթը լրիվ ուրիշ մտադրություններ ուներ...

[Ռուֆուս]

Նահատակները / Martyrs

Ֆրանսիա, 2008

Այս միստիկ-սարսափը, որը համարվում է վերջին ժամանակների ամենաահասարսուռ ֆրանսիական ֆիլմը, էկզիստենցիալական ակնարկ է տառապանքի ու դիմացկունության վերաբերյալ:

[Ռուֆուս]

Վերջ, կարող ենք քննարկել

[tikopx]

ինչի տակ շնորհակալություն եմ դրել արդեն քաշում եմ 2 օրից կամ շուտ արդեն կսկսեմ նայել: THANK'S

[Դարք]

ինձ զանգ ֆիլմի ամերիկյան տարբերակը ավելի դուրս եկավ, ավելի ճիշտ ասած առաջինը հենց ամերիկյան եմ նայել Օրտ-ով ու տպավորություններս Դրանից հետո նայեցի այդ ֆիլմի ասիական 3 սերիանոց տարբերակը ու այնքան էլ չտպավորվեցի՝ միգուցե էֆեկտները այնպիսին չեին ինչպես ամերիկյան տարբերակուm, միգուցե և դրա ավելի հասարակությունը դուրս չեկավ, կամ էլ ուղակի շուտվա արտադրանք է, իսկ ինձ մի տեսակ չի քաշում օրիինակ 1997-1998 ից շուտ նկարահանված ֆիլմեր դիտելը՝ իհարկե լիում են բացառություններ

[Ռուֆուս]

Իսկ ես ցուցակի բոլոր ֆիլմերը քաշել եմ բացի Գոձիլլայից, Նոսֆերատուից ու Բժիշկ Կալիգարիի Կաբինետից, սրանք չափից դուրս հին են

Ցուցակից ինչ ֆիլմ որ տեսել եմ, ամենաշատը «Սատանայի Ողնաշար»-ն է դուր եկել, բոլորիդ խորհուրդ եմ տալիս դիտել, մանավանդ եթե դիտել եք «Պանի Լաբիրինթոսը»:

Ռիմեյքներից տեսել եմ «Զանգը», «Սատանաները» ու «Գոձիլլան» ու ոչ մեկը դուրս չի եկել:

Ամենահետաքրքիրն այն, որ ցուցակի ֆիլմերի մեծ մասը ունեն իրենց հոլիվուդյան ռիմեյքները ու բոլոր ռիմեյքները քննադատների կողմից շատ ցածր գնահատականների են արժանացել (ի տարբերություն օրիգինալի): Ինքներդ համեմատեք RottenTomatoes-ի ռեյտինգները.

[REC] - 96%
Quarantine (ռիմեյք) - 58%

The Ring - 97%
The Ring (ռիմեյք) - 71%

The Vanishing - 100%
The Vanishing (ռիմեյք) - 45% (ընդ որում երկուսի ռեժիսյորն էլ նույն մարդն է)

Inside - 83%
Հոլիվուդը այժմ զբաղված է սրա ռիմեյքը պատրաստելով, բայց մեկ ա վստահ եմ, որ անհաջող ֆիլմ է լինելու

Dark Water - 77%
Dark Water (ռիմեյք) - 46%

Godzilla - 93%
Godzilla (ռիմեյք) - 25%

Le Diaboliques - 96%
Diabolique (ռիմեյք) - 12%

Let The Right One In - 97%
Let Me In (ռիմեյք) - հիմա նկարահանվում է: Ի դեպ օրիգինալ ֆիլմի ռեժիսյորը խիստ դեմ է արտահայտվել ռիմեյքի նկատմամբ, սակայն քանի որ սցենարի հեղինակային իրավունքներն իրեն չեն պատկանում, ոչ մի բան չի կարողացել անել...

A Tale of Two Sisters - 87%
The Uninvited (ռիմեյք) - 32%

The Eye - 63%
The Eye (ռիմեյք) - 22%

Ես չեմ հասկանում, եթե կա շատ լավ նկարահանված ընտիր ֆիլմ, Հոլիվուդն ինչի՞ ա անպայման դրա անհաջող ռիմեյքը սարքում

[ivy]

Ինչ ուզում եք ասեք, ճապոնական ֆիլմերի պես սարսափ ֆիլմեր չկան: Ուղղակի մաշկիդ տակ են մտնում՝ էնքան սառը սարսափ կա մեջները...

Էս ցուցակի բոլոր ֆիլմերը հիմնականում տեսել եմ, ու իմ համոզմամբ ճապոնականներին՝ "The Ring", "The Eye", "Dark Water", ոչ մեկը չի հասնի սարսափելիությամբ: Ընդ որում, դրանց ամերիկյան ռիմեյքները օրիգինալի հետ համեմատելու չեն. թույլ են, հոլիվուդյան ծեծված հնարքներով: