Ո՞վ էր Տիգրան Մեծը: Եկեք այս թեմայում քննարկենք մեր պատմության ամենանշանավոր առաջնորդներից մեկին: Ո՞վ էր նա՝ փառամոլ, մեծ հայրենասեր, խելացի դիվանագետ: Որո՞նք էին նրա այս կամ այն քայլերի դրդապատճառները: Արդյոք նպատակ ուներ հզոր Հայաստան ստեղծելու, արդյո՞ք ուներ «հայ» ցեղի պատկանելության հզոր զգացում, թե այդ ժամանակաշրջանին բնորոշ Ալեքսանդմեծացավով տառապող հերթական էլի հզոր զորավարն էր: Գուցե պարզապես խամաճիկ էր այլ ուժերի ձեռքին: Ինչու՞ էին որդիները ապստամբում նրա դեմ, այդ ամենը սոսկ գահի համա՞ր էր, թե՞ քաղաքական տարբեր տեսակետների բախում էր, գուցե ավելի բանալ պատճառ կար` ինչ-որ ընտանեկան դրամա: Մի խոսքով, ուզում եմ այստեղ քննարկենք Տիգրան Մեծի գործունեությունը:
Ուշադրություն դարձրեք «քննարկել» բառի վրա: Բաժնի մոդերատորներին խնդրում եմ թեմայից դուրս դիտարկել պատմական տեղեկատվությամբ հագեցած, տեսակետից դուրս գրառումները: Սա կարծիքների թեմա է, կարծիքները հիմնավորելու համար պատմական փաստերին հղումները ընդունելի են, բայց խնդրում եմ տարաբնույթ արշավանքների նկարագրությամբ, փաստական մանրամասների թվարկմամբ թեման ձանձրալի չդարձնել: Ցանկալի են նաև Տիգրանի գործունեության քննարկումները հոգեբանական, բարոյական և այլ տեսանկյունից:
Էջանիշներ