Մութ Պատմություն 6

[Adam]

Սեպտեմբերի 20
23.00

Մութ պատմություն
6-րդ խաղաշրջան

[Adam]

Ողջույն:

Մութ պատմության 6-րդ խաղաշրջանը համարում եմ սկսված:

-------------------------------------------------------------------------------------------------------

Ներկայացվում է մութ պատմություն, որը խաղի մասնակիցները պետք է բացահայտեն՝ խաղի վարողին-հեղինակին տալով հարցեր:
Հարցերը պետք է լինեն այնպես, որ վարողը կարողանա պատասխանել միայն «Այո», կամ «Ոչ»:
Ուրիշ տեսակի հարցերին պատասխաններ չեն տրվի:
Խաղի մասնակիցները, բացահայտելով պատմության մութ հանգամանքները, վերջիվերջո ամբողջությամբ կբացեն այն՝ քողազերծելով ամեն մի մանրուք և հայտնի դարձնելով դրանք բոլորին:
Մասնակիցները իրենց գրառման մեջ իրավունք ունեն գրելու ոչ ավել քան երկու հարց:

Հ.Գ. Խաղի ընթացքում, մասնակիցներին կխնդրեմ ուշադիր լինել, որպեսզի արդեն իսկ գրված հարցերը նորից չկրկնեն:

Բարի ժամանց:

Մութ պատմությունները տեղադրվում են սցենարային ֆորմատով:

Հարգելի նոր անդամներ,
Խաղի ընթացքի և էության մասին առավել լայն պատկերացում կազմելու համար սեղմեք այստեղ և/կամ այստեղ :


-------------------------------------------
Ներկայացվող պատմությունը


Տեսարան 1

Կիսախավար մի վայր:
Տարածքում վառվող թույլ լույսը տեսանելի է դարձնում ընդամենը մթության մեջ կորած անկյուններից մեկը:
Հանկարծ, դուռը բացվում է և ներս են մտնում երեք հոգի:
Նրանցից մեկը՝ 28-ամյա մի աղջիկ է՝ Վեռա անունով:
Կողակիցներից առաջինը միջին տարիքի մի տղամարդ է, իսկ մյուսը՝ տարեց մի կին:

Տղամարդ (Վեռային) - Ահա այստեղ է:

Վեռան փոքր-ինչ սկսում է դողալ:

Կին (Վեռային) - Ձեզ լա՞վ եք զգում:
Վեռա (փոքր-ինչ նյարդայնացած) - Ը... այո... մի քիչ հուզված եմ, ճիշտն ասած:
Կին - Եթե վստահ չեք ձեզ վրա, կարող ենք դուրս գալ:
Վեռա - Չէ, չէ... հիմա կանցնի: Ուղղակի ինքս շատ էմոցիոնալ եմ բնավորությամբ:
Տղամարդ - Հանգստացնող որևէ բան կուզե՞ք:
Ուղղակի մենք շատ ժամանակ չունենք: Գործը պետք է ավարտին հասցվի:
Վեռա - Ընդամենը երկու րոպե, խնդրում եմ:
Տղամարդ - Լավ: Երկու րոպե կսպասենք:

Վեռան անհանգիստ վիճակում է:

Վեռա (կնոջը) - Մի բան եմ ուզում հարցնել:
Այն կասկածները, որոնք ունեիք, անհի՞մն էին:
Կին - Արդյունքում հասկացանք, որ այո, անհիմն էին:

Վեռան մտորումների մեջ է:
Հիշում է իր կյանքից ինչ-որ դրվագ:

Տեսարան 2
Հիշողություն
Flashback

Հոգեբուժարան:
Պալատներից մեկում պառկած է Վեռան:
Ներս է մտնում ինչ-որ մեկը:
Վեռան պառկած է և գտնվում է կարծես ճգնաժամի մեջ: Հազիվ է կարողանում խոսել: Բժիշկները հենց նոր են ինչ-որ բան սրսկել:
Անձնավորությունը մոտենում է և կանգնում նրա դիմաց:

Վեռա (հազիվ խոսելով) - Ինչի՞ համար ես եկել:

Այցելուն, փոքր-ինչ խորհրդավոր լռությունից հետո, սկսում է խոսել:

Այցելու - Գիտեմ, որ ատում ես ինձ:
Բայց փորձիր հասկանալ, խնդրում եմ:
Վեռա - Ես քեզ չեմ ատում: Դու՛ ես ինձ ատում:
Այցելու - Եթե ատեի քեզ, չէի թաքցնի արածներդ:

Վեռան լռում Է:

Վեռա - Ես ոչ մի բան էլ չեմ արել:

Այցելուն մոտենում է պատուհանին և չկարողանալով զսպել իրեն, սկսում է ուժեղ հեկեկալ:
Վեռան թմրած վիճակում է:

Այցելու (հուզված) - Ես ստիպվա՛ծ էի անել դա: Այլապես հետևանքներն անդառնալի կարող էին լինել...

Flashback-ի ավարտը:

Տեսարան 3

Կիսախավար տարածք:

Կին (Վեռային) - Պատրա՞ստ եք:

Վեռան, հուզմունքից դողալով, գլխով է անում, որ այո:
Այնուհետև տարածքում գտնվող տղամարդը ինչ-որ գործողություն է կատարում:
Այդ ընթացքում, Վեռան սկսում է իրեն վատ զգալ:

Կին – Հանգստացեք: Ամեն ինչ կանցնի:
Վեռա - Վատ եմ զգում ինձ:

Տղամարդը ավարտում է գործողությունը:

Տղամարդ (Վեռային) - Եկեք այստեղ:

Վեռան մոտենում է նրան:

Կին - Ես հիմա ջուր ու հանգստացնող որևէ բան կփորձեմ բերել:

Կինը դուրս է գալիս տարածքից:
Վեռան սառած վիճակում է:

Երկու րոպե անց:

Վեռա (տղամարդուն) - Ուզում եմ մենակ մնալ:

Տղամարդը, լուռ հայացքով, դուրս է գալիս տարածքից:

Վեռան մնում է մենակ:

Տեսարան 4

Վեռայի մոտ գտնվող անձնավորությունները ինչ-որ վայրում զրուցում են:
Տղամարդը հենց նոր մտավ այնտեղ:

Կին - Արեցի՞ր ամեն ինչ:
Տղամարդ - Ասաց, որ ուզում է մենակ մնալ:
Կին - Հիմա դեղը տանե՞մ, թե չէ:
Տղամարդ - Մի քիչ սպասենք:
Կին - Տարօրինակ աղջիկ է երևում շատ:
Տղամարդ (քմծիծաղով) - Հուզված է...
Շփոթված...
Մի բան չեմ հասկանում: Ըստ իմ ունեցած տեղեկությունների, նա այդքան էլ էմոցիոնալ անձնավորություն չպետք է լինի:
Կին - Ի՞նչ տեղեկություններ:

Հանկարծ, լսվում է ուժեղ գոռոց:

Անձնավորությունները շտապում են կիսախավար վայր:
Մտնելուն պես, անակնկալ կերպով քարանում են:

Վեռան արնաշաղախ ընկած է գետնին՝ սուր գործիքը խրված փորը:

Կին (սարսափած) - Աստված իմ...

Տղամարդը մոտենում է Վեռային և տեսնում, որ նրա դեմքն ամբողջովին պատված է արյունով, սակայն դեմքին ոչ մի վնասվածք չկա:

----------------------------------------------------------------------------------
Բացահայտեք՝

1. Ո՞վ էր Վեռան:
2. Ու՞մ հետ էր զրուցում նա կիսախավար տարածք մտնելուն պես:
3. Ի՞նչ անցյալ է ունեցել նա:
4. Ո՞վ այցելեց նրան հոգեբուժարանում:
5. Ինչի՞ համար էր Վեռան հոգեբուժարանում:
6. Ի՞նչ տեղի ունեցավ կիսախավար վայրում:
7. Ի՞նչ հանգամանքներում մահացավ Վեռան:
8. Ո՞րն էր պատճառը:


––––––––––––––––––––––––––––––––––––––––––––––� �–

Բացահայտեք պատմությունը...

[Արամ]

Վեռան ինքնասպան է եղել?
Վեռային Այցելուն է սպանել ?

[BOBO]

Վեռան հղի էր?

[Real777]

Վեռային սպանել են վրեժի զգացումով:
Վեռան իրոք հոգեկան խնդիրներ ուներ, որ հայտնվել էր հոգեբուժարանում:

[Adam]

Վեռան ինքնասպան է եղել?
Վեռային Այցելուն է սպանել ?

1. Այո:
2. Հետևաբար՝ Ոչ:

Վեռան հղի էր?

Ոչ:

---------- Ավելացվել է՝ 23:41 ---------- Սկզբնական գրառումը՝ 23:40 ----------

Վեռային սպանել են վրեժի զգացումով:
Վեռան իրոք հոգեկան խնդիրներ ուներ, որ հայտնվել էր հոգեբուժարանում:

1. Ոչ:
2. Այո:

[Արամ]

Տեսարան առաջինում նկարագրված է դիահերձարան, կամ են որ մահացած մարդկանց բարեկամներին կանչում են որ հաստատեն որ ինքնա, ոպշմ ջոգար, ետի ?

[Պոզիտրոն]

Վեռային համոզել էին որ թողի իր հետ կատարեին այդ գործողությունը թե նա ինքն էր որոշել:
Վեռան այդ սենյակում եղել էր անցյալում?

[BOBO]

Վեռան մարդ էր սպանել?
Այցելուն տղամարդ էր?

[Real777]

Բացի այդ 3 հոգուց էլի ինչ-որ մեկը կար այդ սենյակում:
Մինչ սենյակ մտնելը Վեռան որոշել էր ինքնասպանություն գործեր:

[Adam]

Տեսարան առաջինում նկարագրված է դիահերձարան, կամ են որ մահացած մարդկանց բարեկամներին կանչում են որ հաստատեն որ ինքնա, ոպշմ ջոգար, ետի ?

Հարցերը պետք է լինեն այնպես, որ վարողը կարողանա պատասխանել միայն «Այո», կամ «Ոչ»:

Վեռան այդ սենյակում եղել էր անցյալում?

Ոչ:

Վեռան մարդ էր սպանել?
Այցելուն տղամարդ էր?

1. Այո:
2. Այո:

Բացի այդ 3 հոգուց էլի ինչ-որ մեկը կար այդ սենյակում:
Մինչ սենյակ մտնելը Վեռան որոշել էր ինքնասպանություն գործեր:

1. Այո:
2. Ոչ:

[Արամ]

Տեսարան առաջինում նկարագրված է դիահերձարան?

[Real777]

Վեռան գիտակցել է, որ մարդ է սպանել:
Սպանվածը Այցելուի մտերիմներից էր:

[Adam]

Տեսարան առաջինում նկարագրված է դիահերձարան?

Այո:

Վեռան գիտակցել է, որ մարդ է սպանել:
Սպանվածը Այցելուի մտերիմներից էր:

1. Ոչ:
2. Վերջին սպանվածը՝ Ոչ:

[Real777]

Վեռան այդ սենյակում տեսավ Այցելուին:
Այցելուին տեսնելուց հետո Վեռան որոշեց ինքնասպան լինել: