................................Սերն ամենազոր զգացմունքն է
Սերը ամենազոր զգացմունքն է: Ամեն ինչ սիրո արդյունքն է, քանզի առանց այդ զգացմունքի չէր լինի ոչինչ, չէին լինի մարդիկ, եթե չլիներ Աստծո մեծ սերը մեր հանդեպ: Երկինքը չէր պատռվի այն նորածին մանկան առաջին ձայնից, եթե երկու սիրող սրտեր չմիանային իրար: Չէին կառուցվի գյուղեր ու քաղաքներ, եթե մարդը չսիրեր այն հողը, որի ծնունդն է նա: Չէին ստեղծվի պետություններ ու հայրենիք գաղափարը, եթե չսիրեինք մեր հայրենի տունը: Չի կարող պատահել, որ մի երկրի բանակ լինի ուժեղ, հզոր ու հաղթական, եթե զինվորը չսիրեր հայրենիքը, անգամ շատ արյունալի պատերազմներ եղել են սիրո համար: Անգամ դավաճանության հիմքում էլ կա սեր, բայց ոչ առ Աստված կամ դեպի հայրենիք ու մերձավայր, այլ դեպի շահ, փառասիրություն և իհարկե փող: Կան մարդիկ որոնք նախանձ են, նենգ ու ստոր, բայց միևնույն է նրանց վերադարձը կամ մարդ կոչվելու համար նրանք պետք է անեն ընհամենը մեկ քայլ դեպի հավերժ սիրո գիտակցում, այն ամենի ու ամենքի, ինչը իրենց շրջապատում է: Սերը ամենազոր զգացմունքն է մարդու գոյության պահպանման համար և ինչքան չսիրենք մեզ շրջապատող բնությունը, որը կերակրում ու պահում է մեզ, այն այդքան էլ պատժում է մեզ, մեր անտարբերության ու չսիրելու համար: Ես սիրում եմ ձեզ, մամ, պապ, քույրիկ, ապեր, մարդիկ, ծառ ու թուփ, գազան ու թռչուն և իմ այս մեծ սերս ամփոփված է իմ մեծագույն սիրով առ Աստված:
Չգիտեմ, անընդհատ մտածում էի բացել թե չբացել, վերջը բացեցի: Եթե այդքան էլ ստեղծագործական չէր, կարող եք բաժինը փոխել:
Էջանիշներ