Այս խաղը դարձել է E3 2010-ի հայտնություններից մեկը: Առաջ ընկնելով ասեմ, որ նոր Deus Ex-ի ամենաբարդ գործը լինելու է ոչ թե հետաքրքիր, օրիգինալ, գեղեցիկ (և այլն) խաղ լինելը, այլ դիմանալը իր հռչակավոր նախորդի՝ Deus Ex առաջինի մրցակցությանը: Իսկ դա, մեր մեջ ասած, գործնականորեն անհնար առաջադրանք է. չէ՞ որ առաջին Deus Ex-ը համարում է երբևէ ստեղծված լավագույն խաղերից մեկը, եթե ոչ՝ լավագույնը: Գումարենք սրան դրա երկրպագուների հսկայական բանակը, ովքեր ուրիշ ոչինչ չեն ընդունում, բացի 2000 թվականի դասական խաղից (կա մի այսպիսի ինտերնետային թևավոր խոսք. ամեն անգամ, երբ դու տալիս ես Deus Ex-ի անունը, ինչ-որ մեկն այն ինստալ է անում), և պարզ կդառնա, թե ինչ դժվար աշխատանք է իր վրա վերցրել Eidos-ը: Վերջին դեմոյից հետո, սակայն, գեյմերների շրջանում շատ լուրջ հույսեր են ծագել, որ իրական ու «մեծ» կիբերպանկը, այնուամենայնիվ, վերադառնում է դեպի PC: Խաղը RPG-shooter է՝ ստելս-տարրերի գերակայությամբ: Այն ծավալվում է ոչ շատ հեռավոր ապագայում, երբ աշխարհում գործնականորեն իշխում են հզոր մեգակորպորացիաները, ուրբանիզացիայի մակարդակը գերազանցել է բոլոր սահմանները, իսկ մարդիկ սովորել են զանազան բիոմեխանիկական իմպլանտների օգնությամբ կատարելագործել իրենք իրենց: Թանձր ու հավատի արժանի մթնոլորտը, յուրահատուկ ոճը, գեղեցիկ գրաֆիկան ու զարգացման տարբեր ուղիները երաշխավորվում են:
Մի քանի սքրինշոթներ.
Տրեյլերը (պարզապես հրաշալի վիդեո է, խոսքեր չունեմ)
Մեջբերել
:
Էջանիշներ