The Witcher 2: Assassins of Kings

**Հայկօ** · 13.07.2010, 23:33

Առաջին Witcher-ը իրավմամբ համարվում էր իր տարվա լավագույն RPG-ն. այն հրաշալիորեն համատեղում էր հետաքրքիր գեյմփլեյը, մանրամասն մշակված աշխարհը, RPG-ական լուրջ մեխանիկան ու գրավիչ հերոսներին: Խաղի հեղինակ CD Projekt Red-ը խոստանում է, որ այս շարունակությունը բոլոր առումներով գերազանցելու է իր նախորդին: Երկրորդ խաղի համար լրիվ նոր շարժիչ է գրվել, մանրամասն մշակվել ու վերլուծվել են գեյմերների բոլոր կարծիքներն ու առաջարկությունները և այլն: Խաղը լինելու է ավելի մեծ, ավելի գեղեցիկ ու ավելի հետաքրքիր (ամեն դեպքում՝ հուսանք): Հիշեցնեմ, որ The Witcher-ը հիմնված էր լեհ գրող Անջեյ Սապկովսկու պատմվածքների ու վեպերի շարքի վրա, որոնք պատմում էին Գերալտ Սպիտակ Գայլի՝ հրեշների որսորդի բարդ ու վտանգներով լի կյանքի մասին: The Witcher-ը շահեկանորեն առանձնանում էր մյուս ֆենտեզի-նախագծերից նախևառաջ իր օրիգինալ սեթինգով. այդ խաղում, օրինակ, էլֆերը ոչ թե վեհ, իմաստուն, արիստոկրատ ու հին ռասսա են, այլ մարդկանց կողմից հալածված ու օրենքից դուրս հայտարարված ապստամբ-ահաբեկիչներ: Խաղի ստեղծողները նաև խոստանում են, որ «մեծահասակների համար նախատեսված» կոնտենտն ու «ոչ սևուսպիտակ» ընտրությունները առկա են լինելու նաև The Witcher II-ում, իսկ մարտական մեխանիկան ու դինամիկան էլ ավելի դիտարժան են դառնալու:

Մի քանի սքրինշոթներ.

Հին տրեյլերը.

**Magic-Mushroom** · 02.08.2010, 22:30

Օօօ իմ ամենասիրած խաղերից մեկը,անհամբեր կսպասեմ այս խաղին,հույս ունեմ սեւ հումորը կպահպանվի

**Հայկօ** · 24.09.2010, 23:16

Ցանցում հայտնվել է The Witcher 2: Assassins of Kings-ի գեյմփլեյը ցույց տվող նոր վիդեոն: Այս անգամ շեշտը դրվում է խաղի բազմաճյուղության և տարբեր ընտրությունների հնարավորության վրա: Ընդ որում՝ այս ամենը ներկայացվում է շատ հետաքրքիր ձևով. Գերալտի ընկերները նստած են պանդոկում ու պատմում են, թե ինչպես է Գերալտին հաջողվել փախչել բանտից: Պատմում են՝ ամեն մեկը յուրովի

: Իսկ հետո այդ ամենը ցույց է տրվում:

Վիդեոն շատ լավն է: Ինձ հատկապես դուր եկան թարմացված գրաֆիկան (խաղը լրիվ նոր շարժիչի վրա է ստեղծվում), դետալների նկատմամբ ուշադրությունն ու... 18+ կոնտենտը

: ԳՀ-ի անիմացիան էլ ավելի է լավացել, թրով կռիվների տեսարանները միայն հաճույք են պատճառում: Գործողությունները հիմնականում տեղի են ունենում մութ զնդաններում՝ գետնի տակ, սակայն վիդեոյի վերջին կադրերը (ամրոցը, ծովն ու մայրամուտը) ուղղակի հրաշք են: Խստիվ խորհուրդ եմ տալիս վիդեոն դիտել HD որակով:

Հ.Գ. Անպայման նայեք մինչև վերջ

:

**Հայկօ** · 08.03.2011, 21:27

Նոր վիդեո՝ խաղի հեղինակներից: Մենք հնարավորություն ունենք ավելի քան տասը րոպե հիանալու նոր Witcher-ով: Գերալտը մե՛կ քայլում է մեկը մյուսից հիանալի վայրերով (լինի քաղաք թե անտառ), մե՛կ ձեռնամարտի է կպնում պանդոկներում, մե՛կ զառ է խաղում... Մեկ էլ, ամենակարևորը, անկրկնելի գեղեցիկ կռվում է թրով՝ ընթացքում չմոռանալով օգտագործել նաև կախարդանքը: Սա խաղի դեռ նախա-բետա տարբերակն է, սակայն թարմացված գրաֆիկան, անիմացիայի նոր համակարգն ու ավելի հարուստ էֆեկտները արդեն ակնհայտ են:

Նախորդ խաղը անցած բոլոր մարդկանց խորհուրդ եմ տալիս անպայման դիտել: Վիդեոն ևս մի քանի լուրջ փաստարկ է ավելացնում The Witcher 2: Assassins of Kings-ին անհամբեր սպասելու օգտին: Հնարավորության դեպքում HD-որակով դիտելը ուղղակի պարտադիր է՝ ամբողջ էֆեկտը զգալու համար:

Բոլորս սպասում ենք 2007-ի լավագույն RPG-ի շարունակությանը:

Հ.Գ. Խաղի երաժշտությունը, ինչպես միշտ, վեր է ցանկացած գովեստներից:

**Հայկօ** · 25.04.2011, 23:19

2-րդ Witcher-ի մարտական համակարգը.

Անհամբերությամբ սպասում եմ մայիսի 17-ին:

**Հայկօ** · 29.04.2011, 22:04

Namco Bandai Partners և CD Projekt RED ընկերությունները պաշտոնապես հայտարարել են, որ The Witcher 2: Assassins of King դերային խաղի մշակումն ավարտված է, իսկ խաղի մաստեր-դիսկն արդեն ուղարկվել է բազմացման:

Հարկավոր ա շատ շտապ AC.B-ի հաշիվները մաքրել ու տեղ ազատել, իսկ Crysis 2-ը աչքիս անորոշ ժամանակով գրվեց սառույցին

:

**ArmenianWolf** · 30.04.2011, 11:57

Ես այն արդեն գնել եմ ! (Steam-ով) Հիմա անհամբեր սպասում եմ ամսի 17-ին !!!

**Հայկօ** · 17.05.2011, 18:00

Գերալտը կրկին մեզ հետ է

: Այսօր վերջապես թողարկվել է The Witcher 2-ը:

Հ.Գ. Եթե դուք չեք վախենում քրեական հետապնդումից և վանդակավոր արևայրուկից, կարող եք սեղմել ահա այս հղումը:

Հ.Հ.Գ. Մնաս բարով, ազատ կյանք:

**Maxpayne** · 17.05.2011, 20:15

Հայկօ-ի խոսքերից

Գերալտը կրկին մեզ հետ է

: Այսօր վերջապես թողարկվել է The Witcher 2-ը:

Հ.Գ. Եթե դուք չեք վախենում քրեական հետապնդումից և վանդակավոր արևայրուկից, կարող եք սեղմել ահա այս հղումը:

Հ.Հ.Գ. Մնաս բարով, ազատ կյանք:

Հայկո ջան բայց էս 7.8 գբ-անոց .iso ֆայլ ա ոնց պիտի զապիս անեմ դիսկի վրա դիսկերը 4.7գբ են է ախր.

**Moonwalker** · 17.05.2011, 20:18

Maxpayne-ի խոսքերից

Հայկո ջան բայց էս 7.8 գբ-անոց .iso ֆայլ ա ոնց պիտի զապիս անեմ դիսկի վրա դիսկերը 4.7գբ են է ախր.

DVD9-ի վրա երևի:

**Հայկօ** · 17.05.2011, 20:19

Maxpayne-ի խոսքերից

Հայկո ջան բայց էս 7.8 գբ-անոց .iso ֆայլ ա ոնց պիտի զապիս անեմ դիսկի վրա դիսկերը 4.7գբ են է ախր.

DAEMON Tools-ով mount արա ու խաղա:

**Հայկօ** · 30.05.2011, 19:37

Ուղղակի մի համեստ դիտարկում. էսքան լավ RPG դեռ չի եղել, չկա ու շատ հնարավոր ա՝ էլ չի էլ լինի: Ասում եմ՝ որպես բոլոր քիչ թե շատ հայտնի RPG-ները խաղացած մարդ ու RPG-ների մոլի երկրպագու: Երկրորդ Witcher-ը ինձ համար սրանից հետո դառնում ա RPG-ի էտալոն: Շեդևր ա: Անթերի խաղ ա (մի երկու մանր-մունր խնդիրները դեր չեն խաղում): Հասուն, գեղեցիկ, խորը ու հետաքրքիր: Հիմա արդեն ցանկացած նոր RPG ստիպված ա լինելու համեմատվել The Witcher 2-ի հետ, ու համոզված եմ՝ հազարից մեկն ա կարողանալու մոտենալ էս խաղի սահմանած որակի չափանիշներին: