Ի՞նչ է նշանակում «պրոֆեսիոնալ գրող»

[Շինարար]

Գիտե՞ք էս բանավեճն ինձ ինչ ա հիշեցնում: Կներեք կոպիտ համեմատության համար, բայց դե... որ մի անգամ ամբողջ ընտանիքով չէինք կարողանում մի հոգու բացատրել, որ ճիշտը ոչ թե «պատճե» ա, այլ «պատճեն»...

Բյուր, ես ներքաշվեցի այս խոսակցության մեջ մածունը մածուն ա, կաթը` կաթ, սպիտակը` քարը տրաքի ճերմակ, և դու ստեղծագործողի անկյունում թեմաներ ես բացում
Եթե երկուսին գումարած երկու հավասար է ընդամենը չորսի, ու՞մ են պետք բոլոր Պիկասոները, Բեթհովենները, Սարոյանները Բառարանում այսպես է գրված և վե՞րջ, ես կարծիքներից որևէ մեկին իմ համակրությունը չեմ արտահայտում այս գրառմամբ, պարզապես «Գրականություն» բաժնում ստեղծագործող մարդկանց քննարկման վերաբերյալ այս համեմատությունդ ավելին քան ոչ տեղին եմ համարում:

[StrangeLittleGirl]

Բյուր, ես ներքաշվեցի այս խոսակցության մեջ մածունը մածուն ա, կաթը` կաթ, սպիտակը` քարը տրաքի ճերմակ, և դու ստեղծագործողի անկյունում թեմաներ ես բացում
Եթե երկուսին գումարած երկու հավասար է ընդամենը չորսի, ու՞մ են պետք բոլոր Պիկասոները, Բեթհովենները, Սարոյանները Բառարանում այսպես է գրված և վե՞րջ, ես կարծիքներից որևէ մեկին իմ համակրությունը չեմ արտահայտում այս գրառմամբ, պարզապես «Գրականություն» բաժնում ստեղծագործող մարդկանց քննարկման վերաբերյալ այս համեմատությունդ ավելին քան ոչ տեղին եմ համարում:

Շին, նույնն ա: Նույն սխալ գործածության արդյունքն ա, որ բառն ուրիշ իմաստով են հասկանում շատերը: Ես կոնկրետ էդ օրինակը բերեցի, որ ակնհայտ լինի: Իսկ քո հարցը կարելի ա ուրիշ կերպ ձևակերպել. պրոֆեսիոնալ գրողը ճի՞շտ բան ա, թե՞ չէ: Որոշ ռոմանտիկներ կասեն, որ գրողը չպիտի փողի համար գրի, որ պիտի հոգուց գրի... Լավ էլի: Էդ խնդիրն իմ մասնագիտության մեջ էլ կա, ասում են՝ բժիշկը չպիտի փողի համար աշխատի: Ու նորից կասեմ. լավ էլի:

Ասածս ինչ ա. պրոֆեսիոնալ գրողը փող աշխատող գրողն ա: Ուզում եք ընդունեք, ուզում եք մի ընդունեք: Դա կարա համընկնի լավ գրող լինելու հետ, կարա և չհամընկնի, կարա նաև մեր սուբյեկտիվ ընկալումը տարբեր լինի:

[Շինարար]

Լավ էլի:

Բյուր, ես ուրիշ բանի մասին էի խոսում, նենց լավ էլի ես ասում, ոնց որ ես ասել եմ, թե գրողը փող չպիտի աշխատի Իմ հարցադրմանը դու ինչևէ պատասխանել ես քո նախորդ գրառմամբ, իրականում տպավորությունն այնպիսին ա,թե լեզվական հարց ա քննարկվում, մինչդեռ թեման «Գրականություն» բաժնում ա:

[Katka]

Թեմայից կարող ա շեղվեմ, բայց կիրառվում է` professional writer/author կամ профессиональный писатель/автор?.

[Chuk]

Թեմայից կարող ա շեղվեմ, բայց կիրառվում է` professional writer/author կամ профессиональный писатель/автор?.

Կա: Կիրառվում ա: Բայց չկա հստակ սահմանում, թե ով է «պրոֆեսիոնալ գրողը» (professional writer/профессиональный писатель):
Ըստ հիմնական սահմանումների պրոֆեսիոնալ գրող անվանում են էն մարդկանց, ովքեր գրելով փող են աշխատում: Ընդ որում ըստ ընդլայնված սահմանման հեչ պարտադիր չի, որ գրական գործ գրի, այսպես պրոֆեսիոնալ գրող կարող են համարվել գրքեր հրատարակելով փող աշխատող գրողները, լրագրողները, սցենարիստները, բլոգերները և այլն:

Ըստ մեկ այլ սահմանման պրոֆեսիոնալ գրող են բոլոր գեղարվեստական գրքերի հեղինակները:

Մեկ ուրիշ սահմանումն ասում է, որ պրոֆեսիոնալ գրող են որոշակի հմտությունների տիրապետող գրողները, հմտությունների շարքին դասելով լեզվի ճկունությունը, գրվածքի խորության աստիճանը, սահուն անցումներ կազմակերպելու կարողությունը և այլն:

[Rhayader]

Բայ, դու դեմագոգ ես

Վա, դեմագոգ չեմ, փորձում եմ լարվածությունը գցել: Դրա համար էլ հիմա բանավեճին գրեթե չեմ մասնակցում:

[Ֆրեյա]

Ըհըն, վատ իմաստ չի, ուղղակի չորրորդ իմաստն ա : «Ջարդել» բայի չորրորդ իմաստն էլ «մեծաբանելն» ա:

Հայկ ջան, ինչ կապ ունի, թե որերորդ իմաստն ա՞ Դրանից էդ իմաստը պակաս կարևոր ա դառնում՞ Թե կորում ա, ու սրանից հետո, եթե մեկը կիրառի դա "Էքսպերտ" իմաստով, ապա պետք ա հասկանանք՝ մասնագետ իմաստը՞

Ու շատ ճիշտ նկատեց Չուկը՝ մատնանշելով հայերենում բառի կիրառման կոնտեքստը։

Անգլերենում երբ ասում են What is he? Կպատսխանես՝ Professional writer. Այսինքն՝ Պողսոը գրող է աշխատում։ Դա նույնն է, թե ասես՝ Writer by profession.
Իսկ եթե ասում են John Doe is a professional. Դա նշանակում է, Պողոսը իր գործի գիտակն է։ Ավելացնենք քիչ–քիչ. John Doe is a professional writer, սա նշանակում է, որ Պողոսը ոչ թե երեկ սկսել է պատմվածքներ գրել ու փորձի համար տեղադրել է համացանց, այլ բավականաչափ զբաղվում է գրելով ու հմուտ գրող է։ Հակառակ դեպքում՝ ուղղակի կասի սկսնակ գրող է, գրող է, առաջադեմ գրող է, սկանդալային գրող է....

[Ռուֆուս]

Հայկ ջան, ինչ կապ ունի, թե որերորդ իմաստն ա՞ Դրանից էդ իմաստը պակաս կարևոր ա դառնում՞ Թե կորում ա, ու սրանից հետո, եթե մեկը կիրառի դա "Էքսպերտ" իմաստով, ապա պետք ա հասկանանք՝ մասնագետ իմաստը՞

Անի ջան, ի դեպ շատ մեծ կապ ունի: Բառարաններում առաջինը գրվում է ամենագործածական, ամենատարածված իմաստը, իսկ երկրորդ, երրորդ և մյուս իմաստները արդեն բառի ոչ այնքան տարածված, հնացած, քիչ օգտագործվող իմաստներն են: Այնպես որ ինչքան իմաստը առաջին տեղերում է գտնվում, այդքան տարածված է

[Chuk]

Անի ջան, ի դեպ շատ մեծ կապ ունի: Բառարաններում առաջինը գրվում է ամենագործածական, ամենատարածված իմաստը, իսկ երկրորդ, երրորդ և մյուս իմաստները արդեն բառի ոչ այնքան տարածված, հնացած, քիչ օգտագործվող իմաստներն են: Այնպես որ ինչքան իմաստը առաջին տեղերում է գտնվում, այդքան տարածված է

Իսկ տվյալ տեղում գտնվելը փոփոխական երևույթ է, փոխվում է բառարանը գրողի ուսումնասիրություններից ու նախասիրություններից ելնելով, ժամանակի ընթացքում, տարածական կտրվածքով, ուսումնասիրության անցկացման տարածական դիրքով, և այլն, և այլն, և այլն:

Իսկ ընդհանրապես կարելի է բանավեճը տանել էս ուղղությամբ ու հարյուրավոր օրինակներ բերել տարբեր բառերի, երբ հեռու ընկնող համարով իմաստը խիստ լայնորեն գործածական է: Բայց կարծում եմ, որ քննարկումը դրանից չի շահի:

Կա փաստ, բառն էդ իմաստն ունի: Վերջ: Վերջակետ: Իսկ կոնկրետ մեր հասարակությունում ուսումնասիրությունը հստակ ցույց է տալիս, որ մեր մոտ կիրառվում է հենց էդ իմաստով՝ հիմնականում, գերակշիռ ձևով:

[Ռուֆուս]

Իսկ տվյալ տեղում գտնվելը փոփոխական երևույթ է, փոխվում է բառարանը գրողի ուսումնասիրություններից ու նախասիրություններից ելնելով, ժամանակի ընթացքում, տարածական կտրվածքով, ուսումնասիրության անցկացման տարածական դիրքով, և այլն, և այլն, և այլն:

Իսկ ընդհանրապես կարելի է բանավեճը տանել էս ուղղությամբ ու հարյուրավոր օրինակներ բերել տարբեր բառերի, երբ հեռու ընկնող համարով իմաստը խիստ լայնորեն գործածական է: Բայց կարծում եմ, որ քննարկումը դրանից չի շահի:

Կա փաստ, բառն էդ իմաստն ունի: Վերջ: Վերջակետ: Իսկ կոնկրետ մեր հասարակությունում ուսումնասիրությունը հստակ ցույց է տալիս, որ մեր մոտ կիրառվում է հենց էդ իմաստով՝ հիմնականում, գերակշիռ ձևով:

Հայկական բառարանները չգիտեմ ինչ սկզբունքով են առաջնորդվում, բայց բառարանագիտության մեջ էդպես է ընդունված

[Chuk]

Հայկական բառարանները չգիտեմ ինչ սկզբունքով են առաջնորդվում, բայց բառարանագիտության մեջ էդպես է ընդունված

Ռուֆ, սպանիք թողիք:
Ուրեմն բառարանների մեծ մասում (հայերեն ու ոչ հայերեն) «Բառարան» բառի որպես առաջին իմաստ գրվում ա, որ դա գիրք ա, որտեղ այբբենական կարգով ներկայացված են բառերն ու դրանց բացատրությունները ապա միայն երկրորդ իմաստով, որ դրանք ՆԱԵՎ գրքեր են, որտեղ գրվում է մի լեզվով բառը, դիմացը դրա՝ այլ լեզվով թարգմանությունը, հետո ուրիշ իմաստներ, իսկ ամենավերջին իմաստ որպես գրվում ա համակարգչային ծրագրայաին բառարանների մասին:

Ուրեմն, Ռուֆ ջան, սրանից հետո իրան կօգտագործես միայն առաջնային իմաստով, լեզվից-լեզու թարգմանող կամ համակարգչային բառարաններին հանկարծ բառարան չասես, դրանք հնացած ու չկիրառվող տարբերակներ են:

[Ֆրեյա]

Անի ջան, ի դեպ շատ մեծ կապ ունի: Բառարաններում առաջինը գրվում է ամենագործածական, ամենատարածված իմաստը, իսկ երկրորդ, երրորդ և մյուս իմաստները արդեն բառի ոչ այնքան տարածված, հնացած, քիչ օգտագործվող իմաստներն են: Այնպես որ ինչքան իմաստը առաջին տեղերում է գտնվում, այդքան տարածված է

Հնացած՞ Քիչ գործածվող՞ :-о Հա՜յկ... Ուզում ես ասել, որ եթե cry բառի առաջին իմաստը գրած է ՛Գոռալ", ուրեմն բառի "Լացել" իմաստը երկրորդական, քիչ գործածվող, հնացած տարբերակն է՞ :-о Որրերորդ իմաստը ուզում ա լինի, բառն անքակտելի ա իր մնյուս իմաստներից... որովհետև կյանքում տարբեր իրավիճակներում տարբեր կոնտեկստում նույն բառը օգտագործվում ա։
Եթե քեզ մեկը ասի implicit նշանակում է ՝ բացարձակ, չես կարող ասել, ոչ նշանակում է՝ թաքնված, ներքին։ Որովհետև անկախ նրանից, թե բառի որերորդ իմաստն է ՝ բացարձակը եւ երբ է կիրառվում, կիրառվում է ու կա

ԻՍԿ, եթե նաև հաշվի առնենք, որ պրոֆեսիոնալը հայերեն բառ չի ու երբևէ չի օգտագործվել իր 1–ին տեղում գրված իմաստով, այդ բառի համար հայերենում կա մասնգաետ բառը,
իսկ պրոֆեսիոնալ հայերենում ասում են բացարձակապես բարձր մասնագիտական հմտությունները շեշտելու համար։ Այսինքն, մենք վերցրել ենք միայն երրորդ իմաստը... մնացածի հետ ինչ գործ ունեք՞

[Rhayader]

Իսկ ես պրոֆեսիոնալ դեմագոգ եմ, Հայկ ջան, չնայած դրանով երբևէ փող չեմ աշխատել:

Էդ «սխալ եք իմացել, հիմա հասկացեքն»-երը թարգեք ու հասկացեք պարզագույն ճշմարտություն: Աշարհում մի օր ստեղծվել է պրոֆեսիոնալ բառը, որը նշանակում է մասնագիտությամբ փող աշխատող մարդը (թեև դրա բացատրությունների մեջ կան նաև բնութագրումներ, որ պրոֆեսիոնալ անվանում են նաև իրենց մասնագիտությանը լավ տիրապետողներին, կամ որոշակի ատեստատավորում անցածներին և այլն): Բայց բառը ստեղծվել է մասնագիտություն ունեցող ու էդ մասնագիտությամբ փող աշխատող իմաստով: Հետո եկել ա մեզ ա հասել, ուրիշներին էլ ա հասել: Հետո աշխարհի տարբեր տեղերում, էդ թվում Հայաստանում էդ բառին տվել են նրբերանգ՝ որակական բնութագիր, ու հիմա ով ուզում ա պնդի բառարանայինը, քանի ֆորումում քննարկում արվի, քանի հարյուր բառարանից մեջբերվի դրա առաջնային իմաստը, էս բառը էս նշանակությամբ արդեն իսկ մտել ա լեզվի մեջ ու ոչ մեկը ի զորու չի հանելու

---------- Ավելացվել է՝ 23:19 ---------- Սկզբնական գրառումը՝ 23:18 ----------

հ.գ. Ասածս էն ա, որ իմ «պրոֆեսիոնալ դեմագոգ» կոչումին վայիս մի եղեք

Չուկ, ախր «պրոֆեսիոնալը» ոնց էլ թարգմանես, չի ստացվի «մասնագիտությամբ փող աշխատող»: Կստացվի՝ «մասնագետ» (որպես գոյական), «մասնագիտական» (որպես ածական): «Պրոֆեսիոնալ վերաբերմունք»: «Լավ/վատ պրոֆեսիոնալ»: Ու երկրորդ կարծիք չի էլ կարող լինել:

---------- Ավելացվել է՝ 12:40 ---------- Սկզբնական գրառումը՝ 12:38 ----------

Եվս մի պարզ օրինակ. պրոֆեսիոնալ (բժիշկ), դիլետանտ (հեքիմ):

[Chuk]

Չուկ, ախր «պրոֆեսիոնալը» ոնց էլ թարգմանես, չի ստացվի «մասնագիտությամբ փող աշխատող»:

Պրոֆեսիոնալ բառի ոչ թե թարգմանությունը, այլ իմաստը (առաջնային) ինչ-որ մասնագիտությամբ «փող աշխատող», կամ այլ կերպ ասած ինչ-որ շահի համար տվյալ պահին այդ մասնագիտությամբ մասնագիտորեն զբաղվող մասնագետն է (կամ ոչ մասնագետը):

[Rhayader]

Պրոֆեսիոնալ բառի ոչ թե թարգմանությունը, այլ իմաստը (առաջնային) ինչ-որ մասնագիտությամբ «փող աշխատող», կամ այլ կերպ ասած ինչ-որ շահի համար տվյալ պահին այդ մասնագիտությամբ մասնագիտորեն զբաղվող մասնագետն է (կամ ոչ մասնագետը):

Չուկ, երբ քո մոտ ասում են «պրոֆեսիոնալ», առաջին հերթին ի՞նչ ես հասկանում: Մասնագե՞տ, թե՞ փող աշխատող: