Լուռ մոտեցա պատուհանին.
Դրսում օրը լաց էր լինում.
Ինձ ձգում էր թաց ապակին,
Որ խզբզեմ ինչ-որ մի տառ,
Մի գումարում նրա կողքին,
Էլի մի տառ, հավասարում,
Երեք տառից կազմված մի բառ
Ու տառերը լաց են լինում...
Արցունքները` սիրո հետքեր,
Դարձան ուղի ու արահետ,
Իմ մտքերին էլի վերքեր,
Էլի մի վիշտ իմ սրտի հետ.
Ես ուզում եմ մի վերջակետ,
Ոչ թե սիրո մի կարկատան,
Տառի կողքին մի բազմակետ
Ու հառաչանք մի որբատան:
Ես հեռացա պատուհանից
Ու տառերը ինձ են նայում,
Մի հարցական ծնվեց նորից.
Ինչ-որ մեկը լաց է լինում...
Ու շոյում է իմ շուրթերին
Հրաժեշտի երաժշտություն,
Սոսկ երեք տառ մնաց թերի...
Անհավասար հավասարում...
Էջանիշներ