ՋիԷնՍի-Ալֆա/GNC-Alfa

**Ապե Ջան** · 11.06.2010, 11:17

“ՋիԷնՍի-Ալֆա”-ն ցանցային ծառայությունների լիցենզավորված օպերատոր է Հայաստանում: Մեր ցանցը հիմնված է օպտիկա-մանրաթելքային մալուխի վրա և նախագծված է բավարարելու ֆիքսված և շարժական օպերատորների, Ինտերնետ պրովայդերների և խոշոր ձեռնարկությունների տրանսպորտային կապուղիների և արագագործ Ինտերնետի աճող պահանջարկը:

Մեր ցանցի Հարավային Սեգմենտը, Երևանի և Հայաստան-Իրան սահմանի միջև, շահագործման է հանձնվել 2009թ. սեպտեմբերին: Ցանցը փոխկապակցված է Իրանի օպտիկա-մանրաթելքային մալուխի հետ` ապահովելով ելք դեպի համաշխարհային հեռահաղորդակցության ցանցեր: Ցանցի Հյուսիսային Սեգմենտը, Երևանի և Հայաստան-Վրաստան սահմանի միջև, ներկայումս կառուցվում է: Հյուսիսում մեր ցանցը կփոխկապակցվի Վրաստանի տարածքում գործող առնվազն երկու օպտիկա-մանրաթելքային մալուխների հետ` ապահովելով Հայաստանի տարածքով մեծ ունակությունների տարանցման ծառայությունների մատուցումը: Երկրի ներսում ցանցը կընդլայնվի մինչև Հայաստանի խոշոր քաղաքները:

Մեր ընկերության նպատակն է դառնալ Հայաստանի խոշորագույն մայրուղային հեռահաղորդակցության ցանցերից մեկը: Մեր թիմը կազմված է բարձր որակավորում և օպտիկա-մանրաթելքային ցանցերի կառուցման և ծառայությունների մատուցման բազմամյա փորձ ունեցող բարձրակարգ մասնագետներից:

www.gnc.am

**Ապե Ջան** · 27.06.2010, 13:05

GNS Alfa

**Ապե Ջան** · 11.10.2010, 10:09

GNC Alfa-ն դարձել է «Ռոստելեկոմի» պաշտոնական գործակալը Հայաստանում

Երեւան/Մեդիամաքս/. GNC Alfa հայաստանյան մագիստրալային ինտերնետ-պրովայդերը եւ «Ռոստելեկոմ» ԲԲԸ-ն հոկտեմբերի 7-ին համաձայնագիր են ստորագրել ՀՀ տարածքում «Ռոստելեկոմ» ապրանքանիշի ներքո ծառայությունների մատուցման մեկնարկի մասին:

Ինչպես Մեդիամաքս-ին հայտնել է GNC Alfa-ի գլխավոր տնօրեն Հայկ Ֆարամազյանը, համաձայնագիրը ենթադրում է հայ հաճախորդներին «Ռոստելեկոմի» այնպիսի ծառայությունների մատուցում, ինչպիսիք են IP-տարանցումը, ինտերնետ-կապը կորպորատիվ հաճախորդների համար եւ կապուղիների վարձակալությունը: «Եթե նախկինում, օրինակ, Վրաստանում եւ Ռուսաստանում կապուղիների վարձակալության համար հայաստանյան ընկերությունները ստիպված էին դիմել «Ռոստելեկոմի» կենտրոնական գրասենյակ, ապա այժմ բավական է դիմել մեզ»,- նշել է Հայկ Ֆարամազյանը:

Նրա խոսքերով, հետագայում ենթադրվում է «Ռոստելեկոմի»` Հայաստանում մատուցվող ծառայությունների տեսականու ընդլայնում: Նա նշել է, որ համաձայնագիրը չի նախատեսում «Ռոստելեկոմի» կողմից հայաստանյան ընկերության ակտիվների ձեռք բերում: «Գործարքի արդյունքում մենք դարձել ենք Հայաստանում «Ռոստելեկոմի» պաշտոնական գործակալը»,- ասել է Հայկ Ֆարամազյանը:

«Ռոստելեկոմ» ԲԲԸ-ն Ռուսաստանի ազգային հեռահաղորդակցային ընկերությունն է: Այն հեռահաղորդակցային ծառայություններ է մատուցում կապի սեփական մագիստրալային ցանցի հիման վրա, որը ձգվում է շուրջ 160 հազ. կմ: Ներկայումս ընկերությունը համագործակցում է 400 միջազգային օպերատորների եւ ընկերությունների հետ:

http://itel.am/am-news-2-3434.html

**terev** · 05.11.2010, 13:26

Ովքեր օգտվում են GNC -ի կապից, կխնդրեի փորձել http://infotech.am/ կայքը բացում ա՞:
ADC-ով չի բացում:
Orange-ով և Arminco-ով բացում ա:

**LoK®** · 05.11.2010, 14:09

terev-ի խոսքերից

Ովքեր օգտվում են GNC -ի կապից, կխնդրեի փորձել http://infotech.am/ կայքը բացում ա՞:
ADC-ով չի բացում:
Orange-ով և Arminco-ով բացում ա:

UCom-ով բացում ա: Էս էլ trace-ը

Կոդ:

Tracing route to infotech.am [195.191.154.2]
over a maximum of 30 hops:

  1     *       <1 ms    <1 ms  host-1.234.34.212.ucom.am [212.34.234.1]
  2     1 ms     9 ms    <1 ms  host-141.136.43.92.ucom.am [92.43.136.141]
  3     *        *        2 ms  77.95.186.37
  4     *        1 ms     2 ms  91.103.63.50
  5     1 ms     1 ms     1 ms  ns.infotech.am [195.191.154.2]

Trace complete.

ADC-ով իմ մոտ էլ չի բացում, բայց ADC-ն Fibernet-ից ա օգտվում իմ մոտ:

**Ապե Ջան** · 05.11.2010, 14:10

Ոչ մի խնդիր
Եվ՛ GNS Alfa - ով և՛ Fibernet - ով նորմալ է:

Tracing route to infotech.am [195.191.154.2]
over a maximum of 30 hops:

1 81 ms 49 ms 45 ms 83.139.33.2
2 69 ms 54 ms 55 ms 83.139.33.2
3 65 ms 49 ms 49 ms 83.139.33.1
4 58 ms 54 ms 45 ms 83.139.0.166
5 65 ms 64 ms 54 ms 83.139.32.18
6 63 ms 68 ms 71 ms ns.infotech.am [195.191.154.2]

Trace complete.