Չեբուրաշկայի ամպերը

[Katka]

Չեբուրաշկան հավաքեց իրերը եւ անտառի մի հատվածից տեղափոխվեց մեկ այլ հատված...
...Չեբուռ
Հը՞:
... Ու՞ր ես գնում:
Չգիտեմ, ձկնիկ, այնտեղ ժողով էր նորերի ու հների մասին: Սպասիր, ձկնիկ: Օյ, սպասիր: Ու՞ր:
... Գնում եմ Չեբուռաշկա, դեռ ճանապարհս երկար է, գետը սպասել չի կարող, վայրկյան ու ...
Ձկնիկ, միշտ անցիր էստեղով...Հըմ, միթե թերի բաներից չես հոգնել, այ դու Չեբու՞ռ:
Ամեն ինչում անձնականն է, ընդհանուրը դեղին գույնի է միշտ լինում...

[Katka]

Այստեղից սկսեց Չեբուրաշկայի ճանապարհորդությունը...

[Katka]

... Թեթեւ քամու պես
Մարմնիդ է ամբողջ զգում…
ու ժպիտդ է շոշափում նուրբ մատներով…
հպում, միմիայն հպում…
Երջանկության թեթեւ հետքերով քայլել …
անսահման որոնումներ,
իսկ երջանկությունը միմիայն հետքեր է թողնում ու երբեք հասցե…
Հետքերով՝ լուռ ու խոնարհ...

[Katka]

Ըհը, մտածում ես, հանգիստ ապրի, ինչի՞ ես խորանում, ուշադրություն դարձնում, առանց էդ էլ գլխից վերեւ ցեխի մեջ ես թռել… Քո պրոբլեմն ա, որ Օպերայի շենքի մոտ խաղահրապարակ են սարքել… Չինական ուռոդ խաղասրահներ են բերել, սաղ սիրուն շենքի ֆոնը բարբադ արել, քո պրոբլեմն ա, որ մշակույթի կարեւոր տան մոտով քայլում ես, մեկ էլ մեկը վրովդ հեծանիվով կարող ա անցնի, վիդիտե լի ռելքաքս ա անում… ու վաբշե քո պրոբլեմն էլ չի, որ նստած սեմշկա են չռթում ու թափում … Դա սաղ քո պրոբլեմը չի… Ջունգլիներում պետք է մտածել փրկվելու եւ ոչ թե փրկելու մասին…
Մշակույթի նախարարուհի դժան, բյուջեի ծախսերը կրճատելու համար խորհուրդ կտայի ողջ նախարարության շենքի փոխարեն Սատանայի կամուրջ դնեիր ու սաղ նախարարության աշխատակիցներին դրա վրա նստեցնեիր:
Յախք… Ուր խցկես գլուխդ, որ հանգիստ լինի:

[Katka]

Ամեն ինչ կյանքում շատ ավելի պրիմիտիվ է, քան թվում է: Ուղղակի ոչինչ չանելով ու մարդկանց նայելով էլ հասկանում ես՝ ինչքան են ամեն ինչ խճճում: Չեմ հասկանում շուրջս իրարանցումի ու պայքարի իմաստը...Չեմ հասկանում ինչու են խաբում, չեմ հասկանում ինչու են չարախոսում, չեմ հասկանում ինչու են վախենում լավին ասել, որ լավն է: Իմաստը չեմ հասկանում:
...Ամեն ինչ շատ ավելի պարզ է ու գեղեցիկ: Երեւի անտարբերությունս շրջապատողներիս նկատմամբ պայմանավորված է մեծ դատարկությամբ, որը լցվում է միայն կորուստներով ու երեւի պետք է համարել, որ տարիքային խնդիր է, տենց հեշտ կլինի վաղը...
Օրեր են, կանցնեն, կգնան: Վաղը քո նման մեկը քեզ կշարունակի ու նույն երգը կհնչի...

[Katka]

Դեկադա՞: ... Տենց շխկ ու ... տենց բաներ: Ըհը՛, պահ էր էլի, հիշի հա...Տեսնես, տեսնես մեր արտերում, մեր բոստանում վիշնյան աճել է... Վաաբշե ճիշտը գիտես որն ա. պահ պիտի կարողանաս կանգնեցնել ու հետո շարունակել...Թե չէ սենց... Տենց բաներ...Գնա է
...Մեր բոստանում մոլախոտեր են աճում, այ տենց ա, երբ պահը չի շարունակվում...