ՏՏ նորություններ

[tikopx]

Ձեռնարկությունների ինկուբատոր հիմնադրամի (ՁԻՀ) ջանքերով ԱՄՆ-ի Կալիֆորնիա նահանգում գտնվող Սիլիկոնային հովտում (Silicon Valley) կբացվի հայաստանյան ներկայացուցչությունը: «Սա շատ նշանակալից իրադարձություն է, քանի որ այնտեղ են կենտրոնացած էլեկտրոնային և համակարգչային տեխնիկա արտադրող համաշխարհային մեծության ընկերությունները»,- PCNews.am-ի թղթակցի հետ հարցազրույցում ասաց հիմնադրամի տնօրեն Բագրատ Ենգիբարյանը:

ՁԻՀ-ը Տեղեկատվական Տեխնոլոգիաների ոլորտի զարգացման հիմնական խնդիրներով զբաղվող կազմակերպություն է, որը կատարում է Հայաստանի ՏՏ ոլորտի հետազոտություններ, հաշվետվություններ, վերլուծություններ և աջակցում հայկական ՏՏ ձեռնարկություններին:

Հիմնադրամը հանդիսանում է նաև Digitec Expo-ի համահիմնադիրը և այս տարի ևս կմասնակցի ցուցահանդեսին: Հոկտեմբերի 29-31-ն անցկացվող ցուցահանդեսի շրջանակներում հիմնադրամը կներկայացնի «Համակարգիչ բոլորի համար» ծրագիրը, որի նպատակն է բարձրացնել Հայաստանում համակարգիչների օգտագործման մակարդակը` առաջարկելով ծրագրային փաթեթներով համալրված ժամանակակից համակարգիչներ և դրանք գնելու համար վարկավորման արդի լուծումներ:

Ծրագրի պիլոտային փուլը մեկնարկել է 2009թ. սեպտեմբերի 22-ին, որի շրջանակներում կարելի է համակարգիչներ ձեռք բերել Երևանում, Գյումրիում և Վանաձորում: Ինչպես տեղեկացրեց ՁԻՀ-ի տնօրեն Բագրատ Ենգիբարյանը, ծրագրի հիմնական փուլը կգործարկվի ս.թ. սեպտեմբերին և հասանելի կդառնա հանրապետության ամբողջ տարածքում:

Ամսական 10,000 – 20,000 դրամով կտրամադրվեն ամերիկյան Հյուլեթ Պակարդ (HP), հետագայում նաև այլ ընկերությունների արտարդրության համակարգիչներ: ԱԿԲԱ-Կրեդիտ Ագրիկոլ բանկի կողմից կիրառվում է հատուկ ապառիկի սխեմա՝ առանց կանխավճարի և 24 ամիս տևողությամբ:

Տնօրեն Բագրատ Ենգիբարյանի խոսքով` հիմնադրամը կազմակերպում է կարճաժամկետ ու երկարաժամեկտ դասընթացներ դաշտի մասնագետների և այլ հետաքրքրված անձանց համար: Պարբերաբար անցկացվում է նաև ծրագրերի կառավարման ուսուցում:

ՁԻՀ-ը ստեղծվել է ՀՀ կառավարության կողմից Համաշխարհային բանկի «Ձեռնարկությունների ինկուբատոր» ծրագրի շրջանակում Հայաստանի ՏՏ ոլորտի զարգացմանը աջակցելու նպատակով: ՁԻՀ-ի հիմնական նպատակներն են բարձրացնել Հայաստանի ՏՏ ոլորտի ընկերությունների մրցունակությունը միջազգային շուկաներում, հաստատել գործարար կապեր միջազգային ՏՏ ոլորտի խոշոր կազմակերպությունների հետ, տեղական ՏՏ ընկերություններին ծանոթացնել ՏՏ ոլորտի համաշխարհային փորձին և նորագույն զարգացումներին, ինչպես նաև աջակցել արտասահմանյան և տեղական ներդրումների խթանմանը:


աղբյուր

[AMzone]

Ադրբեջանցի հաքերները կրկին գրոհում են

Ադրբեջանական հաքերների հարձակման զոհն է դարձել ընդամենը 10 օր առաջ գործարկված www.armenianherald.com կայքը...

http://itarmenia.net/%D0%B0%D0%B7%D0...A%D1%83%D1%8E/

[Norton]

3 նոր հեռախոս Նոկիայից

Nokia E7

Չափսերը-123.7 x 62.4 x 13.6 մմ
Քաշը-176գր.
Էկրանը-4 դյույմ(360x640), Amoled
Կամերա-8մպ, ապահովումա 720rp վիդեոտեսագրում:
ՕՀ-Symbian 3
Գինը 495 եվրո կամ մոտ 650 USD, իրականում կլինի ավելի շատ, սա Նոկիայի կողմից հայտարարված ցանկալի գներն են:
Դուրսա գալու 5 գույնով, ունի qwerty ստեղնաշար, կորպուսը ալյումինից: 3G ցանցում ապահովումա մինչև 10.2մբիթ/վ down և 2 մբիթ/վ up: Ունի HDMI ելք:

Nokia C7

Չափսերը-117.3 x 56.8 x 10.5 մմ
Քաշը-130գր.
Էկրանը-3.5 դյույմ(360x640), Amoled
Կամերա-8մպ, ապահովումա 720rp վիդեոտեսագրում:
ՕՀ-Symbian 3
Գինը 335 եվրո կամ մոտ 450USD

Nokia C6-01


Չափսերը-103.8 x 52.5 x 13.9 մմ
Քաշը-131գր.
Էկրանը-3.2 դյույմ(360x640), Amoled
Կամերա-8մպ, ապահովումա 720rp վիդեոտեսագրում:
ՕՀ-Symbian 3
Գինը 260 եվրո կամ մոտ 350 USD

[Life]

մեջներից նորմալը առաջինն ա,ոնց որ

[Հայկօ]

Ըստ իս՝ Nokia-ն իրեն արդեն էս փուլում սպառել ա. մասնավորապես՝ Symbian-ից հարկավոր ա կա՛մ լրիվ հրաժարվել, կա՛մ դա առավելագույնս մոտեցնել Android-ին կամ iOS4-ին: Իմ դիտարկումներուվ էդ ընկերությունում արդեն կամաց-կամաց սկսում ա էն շրջանը, որ, օրինակ, արդեն մի տարիուկես ա՝ Sony-Ericsson-ում ա:

[AMzone]

Motorola DEFY .... և MOTOBLUR.

http://itarmenia.net/motorola-defy-w...of-smartphone/

[Ապե Ջան]

Մեկ տարում համաշխարհային ինտերնետ տրաֆիկն աճել է 62%-ով

Այս տարի համաշխարհային ինտերնետ տրաֆիկն աճել է շուրջ 62%-ով: TeleGeography ընկերության հետազոտության արդյունքների համաձայն` այս տարի նախորդ տարվա համեմատությամբ, երբ գրանցվել էր 74% աճ, ամբողջ աշխարհում գրանցվել է ցանցային հեռահաղորդակցության ոլորտում աճի տեմպերի անկում, սակայն, այնուամենայնիվ, հիմնական միտումները պահպանվել են: Առավել մեծ ակտիվություն գրանցվել է Արևելյան Եվրոպայում, ինչպես նաև հարավարևելյան Ասիայում և Հնդկաստանում: Ինտերնետ տրաֆիկի շուրջ 100%-անոց աճ է գրանցվել Մերձավոր Արևելքում: Ինչ վերաբերում է ինտերնետի առավել հասանելի տարածաշրջաններին, ապա այստեղ պահպանվել է նախորդ տարիների կայուն աճի տեմպերը: Մասնավորապես, Արևմտյան Եվրոպայում և Հյուսիսային Ամերիկայում գրանցվել է ինտերնետ տրաֆիկի աճ` 50%-ի սահմաններում:

TeleGeography ընկերության հրապարակած զեկույցի համաձայն` վերջին տարիներին ինտերնետ պրովայդերներն ամբողջ աշխարհում պարտադրված են ներդնել մեծ քանակի հասնող նոր սարքավորումներ և համակարգեր, որպեսզի կարողանան պայքարել ինտերնետ տրաֆիկի աճի նման տեմպերի հետ: Միևնույն ժամանակ, ըստ զեկույցի հեղինակների, այսօր դեռևս զգալի է ինտերնետ-տեխնոլոգիաների զարգացման տեսանկյունից զարգացող և զարգացած երկրների միջև առկա զգալի տարբերությունը: Որպես օրինակ նշվում է, որ միայն Ավստրիայում, որտեղ երկրի բնակչությունը կազմում է շուրջ 8 մլրդ մարդ, ինտերնետ-օգտագործողների ընդհանուր թվաքանակը գերազանցում է Աֆրիկայի` ինտերնետ մուտք ունեցող բնակիչների թվաքանակը:

Նշենք նաև, որ անգամ համաշխարհային ֆինանսատնտեսական ճգնաժամի պայմաններում ինտերնետ-տրաֆիկի` վերջին տարիներին գրանցած աճի տեմպերը չեն դրսևորել նվազման միտում: Եվ այս պայմաններում, շատ վերլուծաբաններ կանխատեսում են, որ առաջիկա տարիներին տրաֆիկի շարունակական աճի պայմաններում ինտերնետի այժմյան ենթակառուցվածքային հնարավորությունները կսպառվեն, և կպահաջվի նոր մոտեցում:

http://www.armtech.am/%D5%B4%D5%A5%D...-%D5%BF%D6%80/

[CactuSoul]

2011թ. Ստեփանակերտում կբացվի Instigate ուսումնական կենտրոնը

PanARMENIAN.Net - Արցախում 2011 թվականին կբացվի Instigate ուսումնական կենտրոնը: Այդ մասին PanARMENIAN.Net ի թղթակցի հետ զրույցում հայտնել է Instigate Design ընկերության տնօրեն Արման Պողոսյանը: Ըստ նրա, ընկերությունը Ստեփանակերտում կենտրոն բացելու հայտով դիմել է Արցախի տնտեսական զարգացման նախարարություն և պատասխանի է սպասում:

«Շուտով մենք կսկսենք հարցազրույցները դասընթացների ապագա մասնակիցների հետ, որոշելու համար բարդության մակարդակն ու դասընթացի տևողությունը»,-ասել է Արման Պողոսյանը: Ընկերությունը մտադիր է ուսումնական կենտրոն բացել նաև Վանաձորում: Պարապմունքները հիմնականում օն-լայն են անցկացվելու:

Instigate Design-ը 2005թ. ի վեր կրթական ծրագրեր է կազմակերպում տեխնիկական բուհերի ուսանողների համար: Այդ ընթացքում Instigate-ը շուրջ 200 շրջանավարտ է տվել, որոնց 70 տոկոսը աշխատում է տարբեր ընկերություններում:

Աղբյուր

Instigate-ը ուսումնական կենտրոն կբացի Արցախում

Ինստիգեյթ ուսումնական կենտրոնը, որը Ինստիգեյթ ընկերությանը պատկանող ՀԿ է, որոշել է թրեյնինգ կենտրոն բացել Ստեփանակերտում: Նպատակը անհրաժեշտ մակարդակի մասնագետներ պատրաստելն է, որը թույլ կտա հետագայում Ինստիգեյթ ընկերությանը մասնաճյուղ բացել Արցախում: Ուսումնական կենտրոնի ուսանողներն ընտրվելու են ինտերվյուների միջոցով: Այս մասին ArtsakhNews-ին տեղեկացրեց Ինստիգեյթ ՓԲԸ տնօրեն Արման Պողոսյանը:

Ինստիգեյթը միկրոէլեկտրոնային համակարգերի նախագծման ավտոմատացմամբ զբաղվող ընկերություն է, որի գործունեության հիմնական ոլորտներն են` էլեկտրոնիկայի բնագավառում ավտոմատացված նախագծման համակարգերի, կառավարչական համակարգերի, տվյալների շտեմարանների կառավարման համակարգերի, Unix-նման օպերացիոն համակարգերի, ազդանշանային պրոցեսորների դյուրակիր սարքերի,մ իկրոէլեկտրոնիկայի սարքվածքների նախագծման օպտիմալացման, տեսապատկերների մուտքի/ելքի համար ծրագրային ապահովման մշակումը:

Ընկերությունը, որ հիմնադրվել է 2005թ. մասնաճյուղ ունի Գյումրիում և վերջերս ուսումնական կենտրոնի մասնաճյուղ է բացել Վանաձորում:

Աղբյուր


Ինչ վերաբերում է Վանաձորի մասնաճյուղի մասին հակասական տեղեկություններին, իմ իմացած տվյալներով այն դեռ չի բացվել:

[Ապե Ջան]

Ինչպես միաժամանակ չատ անել Facebook-ում, Skype-ում և GTalk-ում

Պատկերացնո՞ւմ եք, մի օր տեխնոլոգիաներն այնքան զարգանան, որ հնարավոր լինի բազմաթիվ սոցիալական ցանցերի չաթերի (օրինակի facebook-ի կամ MySpace-ի չաթերը) և մեսինջերների (օրինակ ICQ կամ Skype) փոխարեն օգտագործել մեկ գործիք, այն էլ հենց ձեր բրոուզերի մեջ։ Ընդ որում՝ ցանկացած բրոուզերի։ Եթե դուք արդեն մտածել էիք այդ մասին, կամ սկսեցիք մտածել այս տողերը կարդալու ընթացքում, ապա ճիշտ ժամանակն է նման ծառայություններ ստեղծելու համար։ Ինչպե՞ս։ Պարզապես շատ հավատացեք, որ դրանք արդեն կան։ Հավատացի՞ք։ Շնորհավորում ենք՝ ձեր հավատի շնորհիվ դուք հենց նոր ստեղծեցիք ոչ թե մեկ, այլ 3 ծառայություն, որոնք հնարավորություն կտան ցանկացած բրոուզերի պատուհանում չաթ անել Skype-ի, ICQ-ի, GTalk-ի, facebook-ի և բազմաթիվ այլ չաթ-կլիենտների միջոցով։

1.IM+

IM+ ծառայությունն հնարավորություն է տալիս զրուցել ձեր ընկերների հետ AOL, Windows Live, facebook, Gtalk, Yahoo!, MySpace, ICQ և Skype կայքերի ու չաթ կլիենտների միջոցով։ Կայք մուտք գործելու համար կարող եք ինչպես գրանցել IM+ հաշիվ, այնպես էլ մուտք գործել վերը նշված կայքերի ձեր ծածկանուններով։ Այնուհետև, էկրանի վերևում գտնվող կոճակի միջոցով ավելացնել մյուս կայքերը և միաժամանակ չատ անել բոլոր ծառայությունների միջոցով։ Ընդ որում հնարավոր է ավելացնել յուրաքանչյուր ծառայության մի քանի հաշիվ (օրինակ մի քանի Skype անուն) և օգտագործել դրանք միաժամանակ։ Իսկ որևէ հաշիվ ժամանակավորապես անջատելու համար բավական է բացել հաշիվների ցուցակը և հանել անջատվող հաշիվի անվան դիմացի ծիտիկը։ IM+-ը նաև հնարավորություն է տալիս ընդհանուր կարգավիճակ դնել բոլոր մեսինջերների համար (Տեղում եմ/Տեղում չեմ, կամ այլ)։

2. IMO IM

IMO-ն իր ֆունկցիոնալով գրեթե չի տարբերվում IM+-ից, այն նույնպես հնարավորություն է տալիս միաժամանակ չատ անել վերը նշված ծառայություններում՝ մուտք գործելով կայք այդ ծառայություններից որևէ մեկի ծածկանունով և գաղտնաբառով, սակայն այն ունի 2 առավելություն։ IMO-ն աշխատում է նաև iPhone-ում։ Այն ունի իր սերվերի վրա նկարներ բեռնելու և նկարի հղումը չատով արագ ուղարկելու հնարավորություն (նկարներ պահպանելն այնտեղ իմաստ չունի՝ հարմար է միայն ուղարկելու համար, թեև պահպանելու հնարավորություն կա)։ IMO-ի առավելություններից մեկն էլ նրա փոփոխվող ինտերֆեյսն է, այն հնարավոր է դարձնել ձեր նախընտրելի գույն։

3.Meebo

Իսկ նմանօրինակ ծառայություններից լավագույնը, միանշանակ, Meebo-ն է, սակայն այստեղ մենք ունենք մեկ վատ և բազմաթիվ լավ նորություններ: Նախ վատը` այն չունի Skype-ը միացնելու հնարավորություն: Փոխարենը միանում է մի քանի տասնյակ անիմաստ կայքերի, այդ թվում նաև վերը նշված բոլոր կայքերն ու մեսինջերները: Ինչպես և նախորդ ծառայությունները, Meebo-ն նույնպես հնարավորություն է տալիս միանգամից չատ անել բոլոր ծրագրերով, թարմացնել այդ ծրագրերի կարգավիճակները, փոխել ինտերֆեյսը, գտնել նոր կոնտակտներ և այլն: Սակայն այն ավելին է, քան պարզապես չատը:

http://e-colors.info/2010/08/26/chat...ype-gtalk-icq/

[Shah]

Fedora 14 - արդեն հասանելի ա ուռա տավարիշչի, ուռա

քաշեք`
http://www.cyberciti.biz/tips/fedora...d-dvd-iso.html

[Արամ]

Քանի խոսքը լինուքսից գնաց ասեմ ` Ubuntu 10.10

[Shah]

Մոտ 2 տարուց...

[VisTolog]

Հայտնի են դարձել iPad 2-ի մանրամասները

Ցանցում հայտնվել են Apple-ի iPad պլանշետային համակարգչի երկրորդ սերնդի մանրամասները:
CNet-ի փոխանցմամբ` նոր iPad-ը համալրված կլինի երկմիջուկային պրոցեսորով, որպեսզի կարողա մրցել շուտով շուկա դուրս եկող MotoPad-ի և PlayBook-ի հետ: Սակայն դեռևս պարզ չէ` արդյոք պլանշետը կունենա Nvidia
Tegra 2 չիպ, թե ոչ: «Apple-ը պատրաստվում է թողարկել երկրորդ սերնդի iPad-ը եկող տարվա մարտին, իսկ 5-րդ iPhone-ը` ամառվա վերջին: iPad-ի գլխավոր նորամուծությունը կլինի 1 ԳՀց հաճախականությամբ ARM Cortex 19 երկմիջուկային պրոցեսորը»,-հայտնել է Roman & Renshaw-ի վերլուծաբան Աշոկ Կումարը: Փորձագետի կարծիքով` Apple-ն ամբողջովին պատրաստ է մեկ եռամսյակի ընթացքում թողարկել 6 մլն պլանշետ: «Այդպիսի տեմպերով Սթիվ Ջոբսի ընկերությունը 2011թ. կգրավի պլանշետային շուկան»,- նշել է Կումարը:

Իր հերթին ճապոնական MacOtakara տեխնոբլոգը գրում է, որ iPad 2-ի չափսերը կփոքրանան. երկարությունն ու լայնությունը կպակասեն 3մմ-ով, սակայն էկրանի անկյունագիծը կմնա նույնը` 9.7 դյույմ: Ավելին` երկրորդ «խնձորային» պլանշետը կդառնա ավելի բարակ` ետևի մասը կլինի գրեթե այնպիսին, ինչպիսին iPod touch-ինը:

Ուրիշ կերպ ասած` սև շրջանակով էկրանը կդառնա փոքր, իսկ ահա սարքը չի «ճոճվի», երբ այն դրվի հարթ մակերեսի վրա: MacOtakara-ի փոխանցմամբ` iPad 2-ը համալրվել է նոր բարձրախոսով, որը հավանաբար կավելացվի պլանշետի ետնային կողմի ներքևի հատվածում: Այն պատված կլինի երկաթյա ցանցով և կապահովի ձայնի ավելի մաքուր որակ:

pcnews.am


ՀԳ Ոնց որ սերիալ լինի: Չես ուզում առնես/նայես, որովհետև գիտես դեռ շարունակությունա ունենալու:

[AMzone]

iPhone-ը չի դիմանում ցրտին

Նորվեգիայի մի բնակչուհու Apple-ի սպասարկման կենտրոնում մերժել են iPhone 4 հեռախոսի անվճար վերանորոգում իրականացնել: Հեռախոսը պայթել էր նրա ավտոմեքենայում ցրտից:

Պայթյունը տեղի է ունեցել, երբ հեռախոսը միացված է եղել մեքենայի ստերեոհամակարգին: Կնոջ խոսքով, սրահում ջերմաստիճանը եղել է +20 աստիճան:

Այդուհանդերձ, սպասարկման կենտրոնի աշխատակիցները չեն ընդունել սարքը: Նրանք համարել են, որ նորվեգուհին iPhone-ը միացրել է համակարգին, երբ սրահում եղել է -12 աստիճան:

Հեռախոսի ուղեցույցում ասվում է, որ սմարթֆոնը չի կարելի օգտագործել 0-ից ցածր եւ +35-ից բարձր ջերմաստիճանում, իսկ պահել կարելի է -20-ից +45 աստիճանում:

Apple-ի պայթյունի դեպք էլի էր գրանցվել, բայց այդ ժամանակ պատճառը եղել է ոչ թե ցուրտը, այլ մարդկոցը, մարդկոցի հետևւանքով պայթյունի ևս մեկ դեպք էր գրանցվել 2009թ. երբ պայթյունի հետևւանքով տուժել էր Ֆրանսիացի մի պատանի, եվս մեկ դեպ գրանցվել էր 26 տարեկան սուպերմարկետի անվտանգության աշխատակցի հետ:

http://itarmenia.net/apple-refuses-f...epair/?lang=am

[Ձայնալար]

Հայերեն spell-chek FireFox-ի համար

https://addons.mozilla.org/en-US/fir...ecker-diction/