Իթթիհադ / FC al-Ittihad (Jeddah)

**Աբելյան** · 29.01.2007, 14:43

1928 թվականին Ջիդդայում մի խումբ մարդիկ հիմնադրեցին “միություն” (ալ-Իթթիհադ) ֆուտբոլային ակումբը: Մինչ այսօր Ալ-Իթթիհադը 22 անգամ հաղթել է ազգային տարբեր մրցաշարերում (այդ թվում` 6 անգամ նվաճել է Սաուդյան Արաբիայի չեմպիոնի կոչումը (ազգային առաջնությունը մեկնարկեց միայն 1975-ին)), 2 անգամ անընդմեջ հաղթել է ասիական չեմպիոնների լիգայում (որը ռեկորդ է), մեկ անգամ` ասիական գավաթակիրների գավաթի խաղարկությունում, մեկ անգամ` արաբական չեմպիոնների լիգայում (մի 3-4 հատ էլ մանր մունր մրցաշարերում ա հաղթել):
==="ալ-Իթթիհադը" առաջին պրոֆեսսիոնալ ակումբն էր Սաուդյան Արաբիայում:
===Սաուդյան Արաբիայում թիմը առաջինն էր, որ սկսեց հրավիրել օտարերկրացի ֆուտբոլիստների և մարզիչների:
=== Ալ-Իթթիհադը իր հանդիպումները անցկացնում է Ջիդդայի մարզադաշտում (27.000):
=== Խաղում է շերտավոր` սև և դեղին մարզաշապիկներով (դրա համար էլ իրանց ասում են "վագրեր"):

Թիմի կազմը

2006-2007 մրցաշրջանի սկզբում թիմում խաղում էին 3 լեգեոներներ. Մուհամեդ Կալլոն, Միլենկո Աչիմովիչ, Խարեդ Բորխետտի: Սակայն Կալլոնը միանգամից հեռացավ, իսկ Աչիմովիչը և Բորխետտին հեռացան ձմռանը: Ձմեռային տրանսֆերային պատուհանի ժամանակ թիմ եկավ “Կրուզեյրոյի” առաջատար կիսապաշտպաններից մեկը` Վագները:

Վագներ Ֆերեյրա Դոս Սանտոս. ծնվել է 1985 թվականի հունվարի 29-ին: 2002-2004 թթ. Խաղացել է “Ամերիկա Մինեյրոյում”, 2004-2006 թթ.` “Կրուզեյրոյում”: Բրազիլիայի 2006 թ. առաջնությունում խփել է 10 գոլ:

Հուլիսի մեկից թիմը համալրելու է Լուիշ Ֆիգուն: Ալ-Իթթիհադը նաև փորձում էր ձեռք բերել Ալի Քարիմիին և Ռոնալդոյին, սակայն Քարիմին մնաց Բավարիայում, իսկ Ռոնալդոն տեղափոխվեց Միլան:

**Amaru** · 29.01.2007, 16:04

Ապրես Նիգգա

Իսկ օֆֆիցալ սայթում անգլերեն կա՞:

**Աբելյան** · 30.01.2007, 13:45

Իրանց օֆիցալ սայտը (եթե դրան կարելի ա սայտ ասել) անգլերենով ա, բայց մեջը համարյա բան չկա: Ավելի լավ սայտեր կան, բայց անգլերենով չեն:

**Աբելյան** · 30.01.2007, 13:50

Համադ ալ-Մոնթաշարի
Թիմի 2-րդ ավագը: Ծնվել է 1982 թվականի հունիսի 22-ին: Հիանալի պաշտպան է, 2005 թվականին, ընդամենը 23 տարեկան հասակում, ճանաչվել է Ասիայի տարվա խաղացող: Ազգային հավաքականում անցկացրել է 35 խաղ, խփել 6 գոլ, ինչը պաշտպանի համար բարձր ցուցանիշ է: Մասնակցել է “մունդիալ 2006”-ին:

**Աբելյան** · 30.01.2007, 14:15

Մուհամմեդ Նուր

Թիմի ավագը և նրա ամենաօգտակար ֆուտբոլիստներից մեկը: Ծնվել է 1978 թվականին, 1998 թվականից խաղում է թիմում: Կիսապաշտպան է, բայց հիանալի է խաղում նաև պաշտպանությունում և հարձակման գծում: Ֆիզիկապես հզոր ֆուտբոլիստ է, իսկ նրա փոխանցումները գրեթե միշտ դիպուկ են: Աչքի է ընկնում նաև արդյունավետ խաղով (ազգային հավաքականում անցկացրել է 66 խաղ, խփել 22 գոլ): Մասնակցել է 2002 և 2006 թվականների աշխարհի առաջնություններին, 2006 թվականի աշխարհի առաջնությունում դարձել է գոլային փոխանցման հեղինակ:

**Աբելյան** · 30.01.2007, 14:25

Տիջանի Բաբանգիդա
Նիգերիայի հավաքականի ֆուտբոլիստ: Նիգերիայի հավաքականի կազմում մասնակցել է 1998 թվականի աշխարհի առաջնությանը և դարձել է առաջնության ամենագեղեցիկ գոլերից մեկի հեղինակը

Ժոզեֆ Դեզիրե-Ջոբ
Կամերունի հավաքականի կազմում մասնակցել է 1998 և 2002 թվականների աշխարհի առաջնություններին: Ֆուտբոլային կարիերան անցկացրել է "Լիոնում", "Լանսում", "Միդլսբրոյում", որտեղից էլ վարձավճարով տրվել է նախ "Մեցին", այնուհետև` "ալ-Իթթիհադին": 2006 թվականից խաղում է "Սեդանում":

Մուհամեդ Կալլոն
Սիեռա Լեոնեյի հավաքականի առաջատարը. 7 մրցաշրջան է անցկացրել Իտալական "Ա Սերիայում", 2002-2003 մրցաշրջանում խաղացել է Ինտերում, այնուհետև տեղափոխվել է "Մոնակո", 2005 թվականին վարձավճարով տրվել է Ալ-Իթթիհադին, իսկ մյուս տարի վերադարձել է "Մոնակո"

Պատրիկ Մբոմա
Կամերունի հավաքականի բոլոր ժամանակներ լավագույն ֆուտբոլիստներից մեկը: Կամերունի հավաքականի կազմում մասնակցել է 1998 և 2002 թվականների աշխարհի առաջնություններին:

Ռոբերտո Դոնադոնի
Իտալիայի հավաքականի գլխավոր մարզիչը

Բեբետո
աշխարհի 1994 թ. չեմպիոն, 1998 թ. փոխչեմպիոն

Միլենկո Աչիմովիչ
Սլովենիայի հավաքականի առաջատարներից: Ազգային հավաքականում խփել է 17 գոլ: Մասնակցել է “Եվրո 2000”-ին և “Մունդիալ 2002”-ին, որտեղ գրավել է Պարագվայցիների դարպասը: Իր ելույթներով հայտնի է եղել “Ցրվենա Զվեզդայում”, “Թոթենհեմում”, “Լիլում”: “Իթթիհադում” հանդես է եկել 2006-2007 մրցաշրջանի առաջին կեսում