Դատական...

[My World My Space]

Վաղը գնում եմ դատարան, Վիվասելի դեմ....
Ուզում եմ հասկանամ, թե Վիվասելի Ռալֆոն իմ քո, ու մյուսների հաշիվներին ավել փողեր ա գրում, ինչի՞ ա իրա անունով բարեգործություն անում:
Նենց խայտառակ բաներ եմ պարզել, էլ ասելու չի.....
Գիտե՞ք ինչն ա սարսաափելին, որ բոլորը սիրում են Վիվասելն ու իրան, որ արդեն Նազենի Հովհաննիսյանից ավելի շատ ա եթերում հայտնվում:
Իսկ ինքը խարդախությունով ա զբաղված: Հարսի ......ով փեսուն լավություն անելն ա, մեզնից վերցրածը մեզ տալով անուն վաստակելը.....

Քանի դեռ բարերարները շատ են, նշանակում է աշխարհը դեռ չի ուղղվել.....

Ես չեմ ուզում բարերար լինեմ......

Նախագահողը նիստը հետաձգեց մինչև ս/թ հունիսի 7-ը...... "Ղ-Տելեկոմ" ՓԲԸ ներկայացուցչի դատական նիստին չներկայանալու պատճառով:

[My World My Space]

Ես Արամն եմ, քաջ Արամ,
ինձ տանում են դատարան......


Գնում եմ , ինձ հաջողություն մաղթեք.....

[My World My Space]

աաաաաաա էլ չեմ դիմանում..........

Ղ-Տելեկոմի ներկայացուցիչը միջնորդություն ներկայացրեց դատական նիստը 10 օրով հետաձգելու մասին` ԻՐԵՆՑ ԻՍԿ ԿՈՂՄԻՑ ՏՐԱՄԱԴՐՎԱԾ նյութերին ծանոթանալու համար ...... մասնավորապես այն փաստին, որ ըստ իրենց տրամադրած երեք հաշվետվությունների` մատուցված ծառայությունների քանակը (զանգեր+ SMS) տատանվում է 1427-ից 2687 միավորի շրջանակներում..........տեսնում եք ի՞նչ կարգին հաշվել գիտեն մարդիկ...
դե դիմացեք...... դատավորն էլ ոչ ավել ոչ պակաս 15 օր տվեց......
տերդ մեռնի անգրագետ արդարադատություն.....

[My World My Space]

Կներեք, բայց միջանկյալ մի դատական նիստի մասին մոռացել էի ստեղ գրառում անեի, ու առանձնապես բան էլ չէր եղել: Իմ միջնորդությամբ դատական նիստը հետաձգվել էր մինչև այսօր ժամը 15:00-ն:

Այսօր 14:15-ին գնացի դատարան: 14:45-ի կողմերը ներկայացավ Վիվայի ներկայացուցիչը: Սպասեցինք մինչև 15:20, տենց էլ դատավոր չեկավ: Մեկ էլ մի հատ աղջիկ մտավ թե.
- Վա՜յ, էս դուք խի՞ եք եկել: Ձեր դատը էսօր չի: Աչքիս խառնել եք...
Ասում եմ.
-Քույրիկ ջան, ասենք ես խառնեցի, վկաներն ու Վիվա Սելլ-ի ներկայացուցիչն էլ խառնեցի՞ն...
- հա, բայց ստեղ հիմա քրեական գործ ա լսվելու....
Էդ ժամանակ ներս են խուժում զինված ոստիկաններ, որոնք իրենց հետ բերում են ձեռնաշղթաներով մի անձնավորության: Մեզ խնդրում են դուրս գալ: Դուրս ենք գալիւս նիստերի դահլիճից, էդ աղջիկը նորից մոտենում ա, ու.
- Գիտեք ձեր նիստի օրը փոխվել ա, մենք ձեզ լրացուցիչ ծանուցագրեր ենք ուղարկել, երևի հլը չեք ստացել:
Տենց ջղայինացած գալիս եմ տուն, տեսնում եմ, որ պոչտալյոնը ինձանից 15 րոպե շուտ եկել ու բերել ա ծանուցագիրը:

Շատ օպերատիվ են աշխատում ախր, էէէէէ՜...

Մի խոսքով սպասեք նոր զարգացումների.....

[My World My Space]

էսօր ժամը 12:30-ի նիստը կայացավ ժ.13:15-ին, և իմ դիմումին Ղ-Տելեկոմ ՓԲԸ ներկայացուցիչը պատասխանեցց այսպես....

Դիմումս /հատուկ ուշադրություն դարձրեք ընդգծած մասին/



Իրենց պատասխանը....



Մի բոլ խնդացինք ես ու դատվորը, այնուհետև ես միջնորդություն ներկայացրեցի.

Ես - հարգելի դատարան, հայտարարում եմ, որ թեև ես կոնկրետ նշել եմ այն ժամանակահատվածը, որի առընչությամբ փաստաթղթեր եմ պահանջում, սակայն հիմք ընդունելով Ղ-Տելեկոմի կողմից ներկայացրած դիմումի պատասխանը միջնորդում եմ 5 օրով հետաձգել դատական նիստը, կոնկրետ օրերի հետ կապված դիմում նախապատրաստելու համար.....

Դատավոր - Ձեր միջնորդությունը հասկանալի է,- Ղ-տելեկոմի ներկայացուցչին,- Ձեր վերաբերմունքը միջնորդությանը:

Ղ-տելեկոմի ներկայացուցիչ -Հարգելի դատարան, ես առարկում եմ, քանի որ, ըստ էության այդ փաստաթղթերը գոոծին չեն առընչվում, և օգուտ տալ չեն կարող....

դատավոր - Օգուտ տալու հարցը դուք չեք որոշում: Դուք ձեր պատսախանում նշել եք և բանավոր էլ հայտարարեցիք, որ պատրաստ եք տրամադրել տեղեկատվությունը համապատասխան ժամանակաշրջանը նշելու դեպքում....

Ղ-տելեկոմի ներկայացուցիչ - պատրաստ ենք, բայց մեր արխիվում համապատասխան նյութեր չգտանք այդ մասին...

(էստեղ հիշեցնեմ որ համաձայն ՀՀ օրենսդրության կազմակերպությունը պարտավոր է արխիվացնել և պահպանել մինչև 3 տարի հնության բոլոր փաստաթղթերը..... ) բարեբախտաբար ես պահել եմ.....

Դատավոր - միջնորդությունը բավարարված է, հաջորդ նիստը կկայանա ս/թ հուլիսի 14-ին ժ 17:00, դատական նիստը հայտարարում եմ փակված.....


Հ.Գ. Մեռնիմ զքեզ հայրենի բարեգործ կազմակերպություն, և քո իրավաբանին.....

[My World My Space]

Այսօր առավոտյան իմ կողմից ՀՀ դատախազություն հանձնված դիմումով սկսվեց քրեկան դատավարության փուլը ընդդեմ Ղ-Տելեկոմ ՓԲԸ-ի....

[My World My Space]

Դատավոր - միջնորդությունը բավարարված է, հաջորդ նիստը կկայանա ս/թ հուլիսի 14-ին ժ 17:00, դատական նիստը հայտարարում եմ փակված.....

Այսօր ժամը 17:00-ին սկզվեց հերթական նիստը, որի ընթացքում Ղ-Տելեկոմ-ի ներկայացուցիչը կրկին չներկայացրեց արդեն ճշտված ամսաթվերով փաստաթղթերը:

Այդ առիթով ես միջնորդեցի` Փաստաթղթեր տրամադրելուց խուսափելու, դրանով դատավարության կողմերի հավասարությունը ըստ էության խախտելու, դատարանի հանդեպ և մեր հանդեպ անհարգալից վերաբերմունք դրսևորելու համար, ինչպես նաև փաստաթղթեր կեղծելու և խարդախության իմ ներկայացրած փաստերի հիման վրա գործն ուղարկել ՀՀ դատախազություն` Ղ-Տելեկոմ ՓԲԸ դեմ քրեական գործ հարուցելու համար: (իրանք դեռ տեղյակ չեն, որ էդ գործընթացն արդեն ընթացքի մեջ ա.... )

Դատավորը կայացրեց որոշում գործի վարույթը կարճելու և փորձագիտական քննություն նշանակել մասին Ղ-Տելեկոմ -ի վճարահաշվարկային փաստաթղթերի մասով,ըստ որոնց 1 հեռախոսահամարի վրա գոյացած պարտքը տատանվում է 0-ից 358.110 ՀՀ դրամի սահմաններում: Փորձաքննությունն իրականացնելու է "Փորձաքննությունների Ազգային Բյուրո" ՊՈԱԿ-ը:

Մանրամասները` հաջորդիվ.....