Կարմիր քսակի առեղծվածը
«Ճախրկանք» ՍՊԸ-ի տնօրեն Հակոբ Գալեյանն իր այս նամակում «բացահայտում» է, որ բնակարաններից մեկը, որոնք ՎիվաՍել-ՄՏՍ ընկերությունը նվիրում է աղետի գոտու բնակիչներին, գնվել է իր իսկ գումարներով:
«...Մինչեւ վերջերս մտածում էի, որ գովազդում ոչ մի վատ բան չկա, մանավանդ, որ այդ գովազդի ընթացքում, օրինակ, աղետի գոտու անօթեւան ընտանիքները ստանում են բնակարան: Մի կողմ թողնենք, որ իսկական բարերարը կխուսափեր էկրանին երեւալ, առավել եւս երբ հիվանդ, ծեր ու անօգնական մարդիկ ծնկի են գալիս իր առջեւ ու իր ձեռքն են համբուրում: Խնդիրն այստեղ գովազդն է, թանկարժեք, բայց արդյունավետ գովազդը: Ցավոք, մեր հանրությունը այդ ակցիան ընդունեց ավելի շատ որպես բարեգործություն եւ միաժամանակ ենթարկվեց այնպիսի հիպնոսի, որ ակնկալում էին գովազդի մասնագետները: Խնդիրը այստեղ գումարներն են, եւ որքան շատ գումար ես ծախսում, այնքան հաջողված գովազդ ես ստանում: Իսկ գովազդի համար ծախսված գումարները սովորաբար հատուցվում են: Ընթերցողը հավանաբար գլխի ընկավ, որ խոսքը վերաբերում է ՎիվաՍել-ՄՏՍ ընկերությանը, որի հետ պատիվ ունենք գտնվել դատական վիճաբանության գործընթացում: Ամեն ակնթարթ ու ամեն քայլափոխի հանդիպող կարմիր գովազդը ակամայից շատերի մոտ հարց է առաջացնում. եթե գովազդի վրա ծախսվում են այնպիսի ահռելի գումարներ (իսկ գովազդի ծախսերը կատարվում են շահույթից), ապա որքան է այդ ընկերության շահույթը կամ ավելի ճիշտ` գերշահույթը: Ընթերցողին նախօրոք ասեմ, որ ես չեմ սիրում ուրիշի փողերը հաշվել, ես միայն իմ փաթեթից կամ ձեռնարկությունից գողացված փողերը կհաշվեմ:
2007 թ. մայիսին «Ճախրկանք» ՍՊԸ-ի լիազորված անձը Վիվասել-ՄՏՍ-ում կնքել է պայմանագիր` բջջային կապի հեռախոսային փաթեթ ձեւավորելու մասին` 46 հեռախոսահամարով: Նույն թվականի հուլիս-օգոստոս ամիսներին իմ լիազորված անձը, ավելորդ վստահություն ցուցաբերելով Վիվասել-ՄՏՍ-ի ու նրա աշխատակիցների նկատմամբ, մեծացրել է համարների թիվը` հասցնելով 1016-ի: Մի կողմ թողնենք այն հանգամանքը, որ համարների թիվն իրականում 1080 է, որ բազմաթիվ համարներ Վիվասել-ՄՏՍ-ի մի շարք աշխատակիցներ իրենք են վերցրել ու բաժանել իրենց մտերիմներին կամ վաճառել: Անդրադառնանք հարցի զուտ իրավական կողմին: Այն հանգամանքը, որ սկսած 47-րդ ՍԻՄ քարտից` դրանց տրամադրումը իմ լիազորված անձին անօրինական է ու նախատեսված չէ պայմանագրով, Վիվասել-ՄՏՍ-ին չի հետաքրքրել, քանզի ինչպես հիմա է պարզվում, նրանց համար կարեւորը ոչ թե օրենքի ու պայմանագրի պահանջն է, այլ հնարավորինս շատ բաժանորդ ունենալը: Փաստորեն նրանք աշխատում են «բաժանիր, որ գանձես» սկզբունքով... Յուրաքանչյուր ՍԻՄ քարտի սպասարկման ամսական վճար պայմանագրով նախատեսված է 800 դրամ: Առանց պայմանագրի եւ անօրինաբար մեր փաթեթ է լցոնված 1034 ՍԻՄ քարտ: Եթե հաշվենք, որ դրանցից մոտ 650-ը մշտապես գործել են մինչեւ 2009-ի հոկտեմբերի 1-ը, ապա դժվար չէ հաշվել այն մոտավոր ամսական գումարը, որ Վիվասել-ՄՏՍ-ը անօրինաբար գանձել կամ ցանկանում է դատական կարգով գանձել «Ճախրկանք» ՍՊԸ-ից: Ամենակոպիտ հաշվարկներով այն կարող է անցնել 10 մլն դրամից: Կամ ենթադրենք դատարանը օրինավոր կհամարի առանց պայմանագրի փոփոխության ՍԻՄ քարտերի տրամադրումը: Այդ դեպքում հազարից ավելի գծեր ունեցող փաթեթի համար պետք է կիրառվեր ուրիշ սակագնային պլան. մինչեւ 200 համար ունեցող փաթեթի սակագնային պլանի միացման վճարը եւ ամսավճարը` 200 դրամով թանկ եւ 1000-ից ավելի համար ունեցող փաթեթի համար 1000 դրամի փոխարեն պետք է գանձվեր 800 դրամ միացման վճար, իսկ 800 դրամ սպասարկման վճարի փոխարեն պետք է գանձվեր 600 դրամ ամսական: Փորձենք հաշվել, որ այս կերպ ավելի գանձված գումարները հասնում են 3 մլն դրամի: Այնպես որ, հարգելի հայրենակիցներ, ձեր աչքի առջեւ չափազանց հուզիչ եւ ոգեւորող տեսարաններով նվիրված բնակարաններից գոնե մեկի իսկական նվիրողը արդեն հայտնի է: ... Ցանկացած զրուցակից նույն կարծիքն է հայտնում, որ իր հեռախոսահամարին վայրկյաններ կամ դրամներ հավելագրվում են, սակայն նա ավելորդ է համարում, մեղմ ասած, օրական 1 դրամի համար ուշադրություն ծախսել: Սակայն դա կազմում է ամսական 30 դրամ, իսկ 1 մլն հաճախորդի դեպքում` 30 մլն դրամ...»:
My World My Space-ի խոսքերից
Վաղը գնում եմ դատարան, Վիվասելի դեմ....
Մեջբերել
)
Էջանիշներ