Նկարների առաջին քառյակի վերաբերյալ:
Շնորհակալություն թեման բացելու և նկարները տեղադրելու համար: Ես մասնագիտությամբ կիլոմետրերով հեռու եմ գեղարվեստից
, դրա համար հազվադեպ եմ մեկնաբանություններ անում, բայց կուզենայի ասել, որ երկրորդ և երրորդ նկարները դուրս եկան: Ճիշտ է, երկրորդում տղամարդու ձեռքն անբնականորեն մեծ է, իսկ երրորդում այնքան էլ պարզ չէ՝ կինը լացում է, թե ծիծաղում, բայց երկուսն էլ շարժուն և խոսուն նկարներ են: Կարծում եմ, որ նպատակ էլ չի դրվել չափերն ու ձևերը ճշտությամբ պատկերել: Երկրորդում նաև նկարի վերին մասի գույները, թերևս, շատ մուգ են, մարդու գլուխը դրանից մի-տեսակ լղոզվում է (նաև՝ կզակի մոտ), երրորդ նկարում, օրինակ, այդպես չէ:
Սա էլ իմ՝ շարքային հանդիսատեսիս տպավորությունը:
Հ.Գ. Ես, հավանաբար, կդադարեմ, կամ շատ ուշ-ուշ կբացեմ թեման, եթե այստեղ ևս, ինչպես «Ֆորումի անդամների լուսանկարներում», սկսեն պատասխան գրառումներում մեջբերել նկարները՝ ստիպելով ընթերցողին անընդհատ էջը թերթել: Պարզապես տեղյակ եմ պահում, որ եթե «կորեմ», զարմանալի չլինի:
Էջանիշներ