Չգրանցված դեպք ոստիկանությունում....
- Հը, էկա՞ր, մերացու,- ներս մտնող կնջը մռայլ նայեց թաղային Սաքոն:
-Հա, տղա ջան, բա կանչել էիր չգայի՞,- ասաց Հրանուշ մայրիկն ու թաղայինի սեղանին դրեց ձեռքի զամբյուղը:
- Ո՞վ ասեց կանչել էի,- քննախույզ զամբյուղին նայեց թաղային Սաքոն:
- Մեր հարևան Վարդուշը:
- Հա...ճիշտ ա,- հաստատեց թաղայինը,- էն, որ զուգարան էր սարքում, չէ՞: սարքե՞ց:
- Հա, բա ո՞նց, բալա ջան, ապրի շնորքդ, խեղճի էրեխեքը բոլ-բոլ դուրս են գալիս.... քեզ օրշնելով....
- Ընչի՞, ես հո բիոմիցին չե՞մ, որ արգելեի....,- ծածաղեց սաքոն,- քո հա՞րցը որն ա....
- Ինչ հարս, բալա ջան, ես հարս չունեմ...
- հարս չէ, մերացու, հարց: Հավանոց էիր չէ՞ ուզում սարքեիր...
- Հա բալա ջան, ճտերս մեղք են, դուրսը չմնան` սատկեն
- Թույտվություն ունե՞ս:
- Սատկելու թույլտվությունը ո՞րնա, մեռնեմ ոտացդ:
- Ձե՞ռ ես առնում, այ կնիկ, ասում եմ թուղթ, թուղթ ունե՞ս....
- Թո՞ւխս, ունեմ, բալա ջան, երկու հատ, էսօր էգուց կվերկենան:
- Այ կնիկ խո՞ւլ ես, ասում եմ թույտվություն ունե՞ս....
- Հա տղա ջան, ոնց չունեմ: Հալիվորիս համոզեցի` թույլ տվեց, էն այգու հետևը....
- Հլը ստե նայի, հալիվորս: Բա մենք, մենք թույլ տվել ե՞նք` պետությունը: Անօրինական շինարարություն ես անում ու` հալիվորս: վարդուշքը քեզ բան չի՞ ասել ...
- Ասել ա:
- Ի՞նչ ա ասել:
-Ասեց շատ-շատ բարևներ կտանես մեր թաղայինին, Էրեխեքս, ասա, բոլ-բոլ....
- Էլ ի՞նչ ասեց:
- Ասեց էն էրկու մեշոկ կոմբիկերը, որ ուղարկել եմ մեր թաղայինին, թող բարով վայելի....
- Էդ բոլորի մո՞տ էր ասում:
- Բոլորն ո՞վ ա բալա ջան:
- Ու՞մ մոտ էր ասում, այ կնիկ....
- Հեչ, ո՞վ կար որ, հասմիկն էր` դեմի մայթի, պոչտալյոն Գասպարն էր, մեկ է՜լ..... հա էն այլկագոյլիկ Մուկուչն էլ վայթե լսեց: վայթե վարդիթերն էլ էր լսում.... շատ վատ բերան ունի....
- լաաաա՜վ, հետո՞: Քեզ ինչի՞ ուղարկեց իմ մոտ:
- Ասեց քեզ բան բերեմ: Ես էլ ասի` այ աղչի, ինձ բան որտեղի՞ց, պառավ, թոշակառու կնիկ եմ....
- Հետո, հետո....
- Ասեց չտանես` չեն թողնի հավանոցդ սարքես:
- Է, համոզե՞ց:
- Չէ հա: Ասեցի թոռանս կասեմ մի նամակ կգրի էն մեր թագավորին:
-Ի ՞նչ թագավոր:
- Է՜ն, որ ամենավերևումն ա նաստում: Անունը ո՞նց էր, բալա ջան.... հա, հասցեն չե՞ս ասի....
- Յա՜, տո սպասի այ կնիկ, էդ քեզ արգելե՞լ են, որ տենց իրար ես անցել,- խառնվեց իրար թաղայինը:
- Է՜, եսի՞մ, բալա ջան, էդ ծամ կտրած Վարդուշն ասում ա` դրանք գազան են, մինչև բերանները մի բան չքցես, չեն հանգստանա:
- իյաաա՜, էդ ո՞վ ա էդ գազանը....
- Եսի՞մ, վայթե ձեր նաչալնիկը, բալա ջան.....
- ուրեմն տենց հա՞,.... հմի էս ի՞նչ ես բերել....
- Հավ ա, բալա ջան....
- հա՞վ....
- Հա, չեփեցի: ասի, որ գազան ա, երևի հում-հում կուտի....
- Ցնդել ե՞ս, այ կնիկ, հմի սա հավ ա՞....
- հա, բալա ջան,- ասաց Հրանուշ մայրիկն ու բացեց զամբյուղի բերանը:
Հավերը կրթկրթալեն, դուրս եկան զամբյուղից, ու կանգնեցին սեղանին:
- Վայ, վայ,- գույնը գցեց թաղայինը,- տըո դու հո խայտառակ չե՞ս, վեր կաց սրանց հավաքի ու շառդ քաշի ստեղից,- ուր ձեռքը կատաղած խփեց սեղանին:
Հավերը սարսափահար դուրս թռան միջանցք:
- Բռնե՜ք դրանց,- կարմրատակած գոռաց թաղայինը ու դուրս թռավ հետևներից:
- Ո՞ւր ա,- իրար անցան ոստիկանները,- ո՞վ ա.....
- դուռը փակեք, շրջապատեք,- դուրս թռան մյուս բաժիններից:
- Զինվա՞ծ են,- գույնը գցած հարցրեց մի սերժանտ ու դուրս քաշեց ատրճանակը:
- էդ ի՞նչ ձեներ ա ըտեղ,- լսվեց սելեկտորից պետի ձայնը, ո՞ւմ եք բռնել....
- Հեչ, պարոն .........յան,- զեկուցեց հերթապահը,- թռչուն ա, չախալ, չալպուտուրիկ....
-Ի՜՞նչ,- դողաց պետի ձայնը,- Չախկալի՞ն, էն որ ռոզիսկի մե՞ջ ա.....: Այ ապրեեե՜ք, թևերը ոլորեք, հեսա իջնում եմ:
- Ոտքերն ենք կապել, չի թռչի:
- Կթռչի, այ տղա, դուք չգիտե՞ք, թե ինչ կազյոլ տիպ ա.....
- Ախր..., անվսատհ ասաց հերթապահը,- հեսա մյուսին էլ բերեցին, էս էլ ա հավ... բերենք Ձեզ մո՞տ:
- Փակեք խցիկում,- կարգադրեց սելեկտորը,- եսա իջնում եմ.....
- բան չեմ հասկանում,- գլուխը քորեց հերթապահը, պետի քեֆը կարո՞ղ ա, լավ ա...... ասում ա, ուզում եմ հետները զրուցեմ.....
- Հմի սրանց փագե՞մ,- հարցրեց սերժանտը:
- Էդ ընչի՞ որ,- հայտնվեց Հրանուշ մայրիկը,- էդ իմ հավերին ընչի՞ եք բանտարկում..... Այլկագոյլի՞կ են, նարկոմա՞յն են..... բալա ջան,- դիմեց թաղայինին,- էս ի՞նչ հաշիվ ա.....
- Հանգստացեք, մայրիկ,- կնոջ թևից քաշեց թաղայինը,- համբերեք, ես հիմա.....
- Չեմ հասկանում..... ուզել եք` բերել եմ.....,- չի հանդարտվում Հրանուշ մայրիկը:
- Փորձաքննության համար,- շուրջը հավաքվածներին սկսեց բացատրել Սաքոն,- կասկածելի հավեր էին երևում, ասի ստուգենք` հիվանդություն չգցեն թաղի մեջ.....
- Իյա՜,- նեղացավ Հրանուշ մայրիկը,- բա էս հավերը հիվանդ ե՞ն, հլա աչքերին նայի.....
- Ըհը՜, - փորձեց ծիծաղել թաղայինը,- տեսնո՞ւմ ես մայրիկին, ուզում ա գլուխն ազատի, առողջ հավերին ա բերել..... էդ հավերը մեզ պետք չեն,- դիմում ա հերթապահին,- տվեք իրան, թող առնի, գնա:
- Բա պետը կարգադրեց մեկուսացնե՞լ.....- զարմացավ սերժանտը:
- Այ տղա, ստեղ հավ մեկուսացնելու տեղ ա՞,- մի քիչ զվարթացավ Սաքոն,- համ էլ իմ թաղի հավերը չե՞ն: բաց թող: ես պետին պատասխան կտամ:
- Տուր, ասաց հերթապահը,- տուր, թող տանի....
-Դե մերիկ ջան,- Հրանուշ մայրիկին դեպի դուռն ուղեկցեց Սաքոն,- մեկ էլ ստեղ չգաս: Ախր ստեղ քխ-քխ, բում-բում, հանցագործերի տեղ ա, ի՞նչ գործ ունես ստեղ...
- Բա հավանոցս,- շվարեց Հրանուշ մայրիկը,- հիմա ո՞նց կլինի, բողոք գրե՞մ.... հասցեն էլ չասիր....
- Տո չէ, ի՞նչ բողոք, այ մերիկ ջան, գնա հանգիստ սարքի, թույլ եմ տալիս....
- Վայ ապրես, բալա ջան,- ուրախացավ Հրանուշ մայրիկը,- հավերիս օրշնությունը վրեդ լինի....
-էս ի՞նչ հաշիվ էր, այ տղա,- վերադարձող թաղայինին հարցրեց հերթապահը:
- է, է, է..... ի՞նչ հաշիվ,.... էս մեկը հաշիվ չէր,- ձեռքը թափ տվեց թաղային Սաքոն, ու դանդաղ բարձրացավ պետի մոտ.....
Էջանիշներ