Դժգոհի անկյուն

[kyahi]

Գիտե՞ք ինչից եմ դժգոհ, որ էս ահագին ժամանակ EgoBrain-ըւ գրառում ա կատարել Սինոփսիս-Արմենիա բաժնում, որ իմանանք ինչ կարգիա հիմա քննությունները ընթանում, ոչ ոք չի պատասխանում, ախր նենց բաժնում ա " Դեսից-դենից", որ երևի գլխավոր էջում չի երևում մարդ էլ չի մտնում պատասխանեք ուղղակի չգիտենք նույն են թողել թե փոխել են…ուֆ չգիտեմ, մնաց երեք օր ու քննության եմ ահհհհհհհհհհ

[CactuSoul]

Եկել եմ՝ դժգոհեմ: Դե բողոքելու բան չի, որ «Բողոքի գրքում» գրեմ, բայց դե դժգոհում եմ, էլի…
Ախր ես մեղավոր ե՞մ, որ էդ նույն մարդկանց գրառումներն են ինձ դուր գալիս: Նույնիսկ չեմ էլ հիշում՝ ում երբ ու քանի անգամ եմ վարկանիշ տվել, էս մարդուն որ հաստատ չեմ հիշում՝ վերջին անգամ երբ եմ վարկանիշ տվել… Բայց դե մեկ ա. 90% դեպքերում (տպավորությունս է էդպիսին) «պիտի գնահատեմ այլ անդամների…», որ հերթը տվյալ մարդուն հասնի: Հո ցուցակ չե՞մ գրելու, գրառումների հղումները մի տեղ պահեմ, որ հենց հերթը հասնի, մտնեմ էդ հղումով ու վարկանիշ տամ:
Դե լավ, մեծ բան չի… Ում որ պետք լինի, վերաբերմունքս առանց դրա էլ կհասկանա, չէ՞:

[Դեկադա]

Այ մարդ ո՞ւր ա շնորհակալություններս, ի՞նչ եք արել վա՜յ... առավոտը ակումբի կեսը շնորհակալություն էր ասել ու դրանով իմ լավ տրամադրությունը ապահովել. հիմա նայում եմ չկան. իիի՞ի... երկիրը երկիր չի: Ում ձեռին ուժ կա թափով տալիս ա գլխիդ: Ետ բերեք շնորհակալություններս:

Չգիտեմ էլ ճիշտ տեղ գրառում արեցի թե չէ, բայց որ կատաղել եմ դա հաստատ ա:

[Hda]

թե էտ ֆուտբոլները ասա խի էք էտքան ուշ ցույց տալիս...

[KiLa]

Երկիրը երկիր չի, չէ... նույնիսկ նման էլ չի: Երկիրը ջհանդամ, ախար մարդիք էլ ...( լեզուս չի պտտվում ասեմ): Խնդրեմ, նույնիսկ դատարկ շնորհակալությանը փիս են նայում, և հնարավորության դեպքում նույնիսկ դրանից են քեզ զրկում: Բա դա անելու բա՞ն է: Ասես չեն հավատա: Ա՛յ մարդ, համ մեքենա ունենալուն նախանձեք, համ էլ մեքենա ունենալու երազանքին նախանձե՞ք... Նորմա՞լ է դա, ինչպե՞ս եք կարծում... Թյու՜...

[Հայուհի]

Ինձ երևի 2 օրվա լավատեսությունը հերիքա մի քիչ ապրելու համար...
Ինձնից բացի էլ ոչ մեկից չեմ բողոքի...
Ինչի՞ եմ ես էդքան շուտ վստահում մարդկանց, ինչի՞ եք տենց չարաշահում իմ վստահությունը, թե՞ դրանից հաճույք եք ստանում... Իմ համբերության բաժակն էլ լցվեց, գնա՛ գրողի ծոցը, եթե էդքանը չես հասկանում, ուրեմն իսկական երեխա ես, հետո էլ ասումա, թե չի ուզում մեծանա, հենա երեխա ես էլի Գիտեմ, որ էս գրառումն էլ ես կարդալու, բայց որպես կանոն, կանտեսես, ինչպես բոլոր գրառումներս, ինձ համար մեկա, արդեն լրիվ մեկա...
............................................................
............................................................
Մի քանի ժամ առաջ ինքս ինձնից վատ զգացի, էդքան տարի իմ շրջապատում կային մարդիկ, որոնք ինձնից լավը չեն, բայց ես իրանց միշտ վերևից եմ նայել, արհամարհել, իսկ էսօր հասկացա, որ ավելի լավ էր ՝ իրանք ինձ տենց վերաբերվեին իմ ՝ իրանց նկատմամբ էդքան տարվա գոռոզությունից հետո...
...........................................................
...........................................................
Հա, մեկ էլ դժգոհ եմ, որ RedBull-ը միշտ Pittbull եմ կարդում
..........................................................
..........................................................
Դժգոհ եմ, որ էդքանից հետո մեկա քեզ շատ եմ սիրում, առանց քեզ ճանաչելու
.........................................................
.........................................................
Կարող եք գրառումս չկարդալ, որ վերջում չասեք, որ էս նոր ակումբցիները ինչ անհետաքրքիրն են, շատ էլ հետաքրքիրն ենք, ուղղակի մեզ մի տարանջատեք ձեզնից, մենք էլ մեր հետաքրքրություններն ունենք...

[Պոսեյդոն]

Դժգոհում եմ փողոցային զուգարաններից:

[Rammstein]

Դժգոհ եմ հայերի մոտ առկա ազգային անհանդուրժողականությունից, նացիզմից, ռասիզմից:

Երկու օր առաջ ընկերոջս հետ քայլում էինք Սայաթ-Նովայով, մի քանի սեւամորթ էին կանգնած, էս ընկերս էլ, թե «Հլը էս անտեր կապիկներին նայի… մարդ բռնի սրանց գլուխները պոկի…»: Ի՞նչ ասեմ էդ մարդուն, ի՞նչ բացատրեմ, արա դե ի՞նչ անենք սեւամորթ ա, պիտի պախարակե՞լ, շատ է՞լ թե քո լեզուն չի հասկանում… Կարո՛ղ ա` հայի աչքին սիրուն չի սեւամորթը (ինչը լրիվ բնական ա), բայց դա ինչ-որ բան ա՞ նշանակում, ինչ-որ արտոնություն ա՞ տալիս հայերին` սեւամորթների նկատմամբ: Կարող ա` մենք էլ իրանց աչքին ենք կապիկ, լավ կլինի՞, որ իրանք էլ նման ձեւով արտահայտվեն:

Էսօր էլ ֆուտբոլի բաժինն եմ կարդում, ու էլի հին երգը… «էս նացիստ գերմանացիները, էդ ֆաշիստները…» եւ այլն: Շարքային գերմանացու մոտ առկա մարդկային ցանկացած թերություն նացիզմին վերագրելու համար բազմաթիվ հայերի խելքը իրանցը չի: Այ մարդ, ես էլ կարամ տրամադրություն չունենամ, հուսահատվեմ նախորդ խաղում պարտվելուց հետո, կամ 1000 ու մի այլ պատճառով հրաժարվեմ վերջի խաղին խաղալուց, ուրեմն նացիստ ե՞մ, թե՞ ֆաշիստ: Պիտակավորելում ու վիրավորելում մի հատ եք, ժողովուրդ… տգեղ ա, շատ տգեղ ա:

[KiLa]

Կրկին եկա ինձանից բողոքելու... Մի գուցե հարցնես. ,,Ինչու՞" : Բա ինչ անեմ, որ չբողոքեմ: Ախր երբեմն էնքան մեծամիտ եմ, բոլորին առհամարում եմ... Ոչ մեկի հետ չեմ խոսում: Ինձ հայհոյում են, չեմ խոսում, ... Ինձ վիրավորում են՝ չեմ խոսում... Ասածս մտածված ծռում են՝ էլի չեմ խոսում... Ապտակում են, լռում եմ: Մյուս այտիս էլ են ապտակում, ես էլի լռում եմ: Ինձ խայտառակում են, փնովում են, անարդարացիորեն պախարակում են, իսկ ես լռում եմ... Ախար երբեմն շատ լավ ստացվում է, երբեմն էնքան մեծամիտ եմ, առհամարում եմ... Բայց մեկ մեկ էլ չեմ կարողանում: Այ սրա համար եմ եկել բողոքեմ...

[einnA]

Լինում են չէ մարդիկ, որ իսկական գեղցի են ու էտ հեչ կապ չունի իրանք քաղաքում են ծնվել, թե գյուղում, դե լավ հասկացաք կարծում եմ...
Երեկ աշխատանքից տուն եմ գնում, երթուղայինի մեջ լրիվ անջատված վիճակում, շոգից կիսաուշագնաց, հազիվ նստելու տեղ եմ գտել ու անիմաստ պատուհանից նայելով գնում եմ: Խաչմերուկն անցանք ու արդեն մոտենում ենք բժշկականի կանգառին ու մեկ էլ տեսնեմ մի տիպիկ գեղցի զույգ (չեմ առանձնացնում ) կռիվ են անում, ինչ են խոսում դե պարզ չի: Մեկ էլ հետևից ճլպ-ապտակասիլայա-նման մի բան - ես միանգամից արթնացա, սթափվեցի ու նորից . ճլպ-ապտակասիլայա-նման մի բան` այս անգամ արդեն առջևից:
Ինքս էլ չնկատեցի, բայց տեղիցս թռա ու անզորությունից, թե չգիտեմ ինչից ասեցի. <վայ> ու շրջվեցի տեսնեմ բոլորն անջատված նայում են նույն ուղղությամբ, հետո տեսնեմ կանգառում հավաքված մարդիկ,որ երթուղային նստելու համար իրար են բթբթում, ուղղակի անտարբեր, բթացած, ոչինչ չասող հայացքով նայում են զույգին ու ՈՉԻՆՉ, ԶՐՈ ռեակցիա:
Անտարբերությունը սպանում է...

[Արևածագ]

Քանի էս թեմայում եմ՝ գրեմ...
Հենց մի րոպեով նստեցի կոմպի առաջ, որ նայեմ , թե պերֆարատրի ծայրին ինչու յուղի կաթիլներ հայտնվեցին, տղաս ներքնահարկում գործ է անում, ասաց՝ «նայիր, ձեռքերս կեղտոտ են»: Արդեն էդ գործիքի ցավն իմացել եմ, ասել իրեն: Բայց արդեն 21 րոպեն էլ է անցել, որ ակումբում եմ, օրագրերից դեռ սրան եմ հասել, մի երկուսն էլ կան, մի ահագին թեմա էլ մինչև աչքի չանկացնեմ, տեղիցս չեմ կարող վեր կենալ: Կանչեցի, որ աղջիկս գազօջախն անջատի, փողն էլ դրել եմ գրպանս, որ քանի մութը չի ընկել տանեմ, բնակատերերի համայնքապետին ջրի վարձը տամ: Աչքիս՝ էսօր էլ չեմ տալու:
Բա սա ընտանիքատեր կնոջ արարք է.... Լավ է, դեռ էս անտեր կոմպը երրորդ հարկում է, եթե ոնց ուզում էի՝ դնեինք խոհանոցում, խեղճ ընտանիքս խանձահամ ուտելիքից բացի ուրիշ բան չէր տեսնի:

[boooooooom]

Ես դժգոհ եմ "Ռոսսիյա" կինոթատրոնի հարևանությամբ գտնվող "Պիցցա Դի Ռոմա"-ի կողքով անցնող հետյոտնի ճանապարհից. շատ նեղ է

[KiLa]

Դժգոհի անկյունում եմ, բայց ուզում եմ մի թարս բան անել: Ոչ թե դժգոհել, այլ հայտնել գոհությունս:
Նախ ասեմ, որ շատ գոհ եմ այս միտքը հղացողին: Վատ չէ մարդկանց տալ բողոքելու հնարավորություն: Եվ դա անել այնպես, որ վերջինիս չսպառնա բամբասանք դառնալու վտանգը:
Շատ գոհ եմ՝, որ զավակն եմ մի ժողովրդի, որի համար բոլոր աժեքներից վեր է դիմացինի հագ ու կապը, ունեցած ավտոմեքենան և որ ամենակարևորն է՝ դրանց հատուկ պահելաձևն ու վարքը: Իհարկե: Մենք շատ ենք սիրում երբ մարդ գեղեցիկ է հագնվում: Ի՞նչ կարելի է սպասել մի մարդուց, որը ոչ ավտոմեքենա ունի և ոչ էլ մի կարգին հագ ու կապ: Բոմժի մեկն է և վերջ: Ու եթե մեր պետական այրերը նրանց լավ չճանաչելով, կամ ամաչելով եվրոպական երկրներից, նրանց համար էլ են մեզ հավասար օրենքներ գրում, ապա դա դեռ չի նշանակում, թե նրանք կարող են դրանցից օգտվել: Եվ ես գոհ եմ, որ մյուս բոլոր բնագավառներում, մեր մեծ ու փոքր պաշտոնյաներն ու ծառայողները սա հաշվի են առնում: Շա՜աաա՜տ գոհ եմ...

[CactuSoul]

Տո ասա՝ որ հավես չունեք մի բան գրելու, ինչի՞ համար եք գրում, է՞: Հլա ավելին՝ շատ դեպքերում՝ թեմա բացում: Որ պիտի մի-երկու կցկտուր տառ գրեք, մի 5-6 հոգի էլ գա հարցնի «իբր ի՞նչ», նոր բարեհաճեք մի բան բացատրել փորձել, բա (լավ, իմ մասին չեմ խոսում) ձեզ էդ մի բան տալիս ա՞:
Ո՜ւֆ, ջղայնացա:

Ո՜նց չեմ սիրում սեփական անձը չհարգող մարդկանց:



Հ.Գ.
Все таки լավ ա, որ էս թեման կա:

[Ռուֆուս]

Ակումբի Կրոն բաժինը միշտ շրջանցում եմ, բայց մեկ մեկ գայթակղությանը չեմ դիմանում ու բացում կարդում եմ: Մոլեռանդ քրիստոնյաների մի քանի գրառում կարդալուց հետո ներվայնանում եմ ու թեման փակում ու լրջորեն սկսում եմ մտածել սատանիստ դառնալու մասին....