Ուսանողական այգին ավերու՜մ են. ստորագրահավաք

**Freddie** · 09.07.2010, 13:08

StrangeLittleGirl-ի խոսքերից

Էկել եմ ասեմ, որ ամսի 8-ին՝ ժամը 8-ին, Անգլիական այգում էլի հանդիպում ունենք: Էս անգամ առողջությունից ենք խոսելու:

Ոչ մի դեպքում։

Միմիայն ամսի 9-ին, ժամը 20.00-ին, կհանդիպենք

**Freddie** · 31.07.2010, 17:12

Վաղը
օգոստոսի 1-ին
Անգլիական այգում
ժամը 20.00-ին

Այս անգամ խոսելու ենք ԶԼՄ-ների դերի մասին բնապահպանության գործում։ Հանդիպումը կսկսվի "Մեկ օր կյանքից" կարճամետրաժ վավերագրական ֆիլմով։ Մեր հյուրերն են լինելու լրագրողներ Արման Սուլեյմանյանը, Անի Հովհաննիսյանը, Արման Ղարիբյանը և Անի Սեինյանը։

Կհանդիպենք

**Freddie** · 01.09.2010, 06:48

Դատական հայցը արդեն պատրաստ է։

Հինգշաբթի օրը, սեպտեմբերի 2-ին ժամը 18:00-ին, Թամանյանի թանգարանում կարող եք ձեր հարցերը տալ փաստաբանին, ծանոթանալ և միանալ հայցին: Կառավարության 3-րդ շենք, աջ անկյունում:

Կպահանջվեն ձեր անձնագրային տվյալները և ձեր ներկայությունը։

**Ֆոտոն** · 01.09.2010, 10:38

Բավական երկար ստացվեց դատական հայցի պատրաստումը: Անլրջություն կա՞, թե՞ հարգելի պատճառներ: Միտք ունեի միանալու, բայց հիմա վստահությունս սասանվել է:

**Freddie** · 02.09.2010, 16:43

Ոչ մի անլրջություն

Պարզապես մարդկային ռեսուրսների պակասը շատ անգամ հանգեցնում է որոշ բաների ուշացման և շատերը նախընտրում են կողքից մեկնաբանել, սակայն օգնելու համար ոչ մի բան չեն նախաձեռնում:

**SSS** · 29.10.2010, 11:26

Պարզվել է, թե ով է «Ուսանողական» այգում կառուցվող շինության սեփականատերը

Հոկտեմբեր 29, 2010 | 11:54

«Մե՜նք ենք այս քաղաքի տերը» քաղաքացիական նախաձեռնությունը, վերջապես, պարզել է, թե ում է պատկանում «Ուսանողական» այգում գտնվող կառուցվող շինարարական օբյեկտը:

Նախաձեռնությունը այս կապակցությամբ հայտարարություն է տարածել, րում ասվում է. «Կից Ձեր ուշադրությանն ենք ներկայացնում իրավաբանական անձանց պետական ռեգիստրի կողմից տրված մի տեղեկանք, որտեղ նշվում է, որ «Ուսանողական» այգում գտնվող նախկին « Елки-палки» սրճարանի փոխարեն կառուցվող շինարարական օբյեկտը պատկանում է «Արմեն» ՍՊԸ-ին, որի հիմնադիրը 2009թ.-ի սեպտեմբեր ամսից ի վեր փոխվել է եւ հանդիսանում է ոմն Ռուզաննա Բեգլարյանը:

Առայժմ ձեռնպահ մնալով հետեւություններ անելուց, խնդրում ենք «Ուսանողական այգու» ճակատագրով մտահոգ բոլոր անձանց օգնել մեզ պարզելու, թե ո՞վ է Ռուզաննա Բեգլարյանը եւ ովքե՞ր են կանգնած նրա ետեւում»

http://news.am/arm/news/36301.html