Շինարար-ի խոսքերից
Մի շաբաթ առաջ Մանչեսթերի համալսարանից նամակ եկավ, թե վիզադ երբ ա լրանում որովհետև մենք վիզա չենք հովանավորում մի կիսամյակի համար: Մի կիսամյակով աշխատանքի էի դիմել` պոստ կոլոնիալ արաբական գրականության դասախոս: Երևի պիտի տխրեի, բայց ուրախացա, որ հետաքրքրված են: Առաջին անգամ ինձ ուզել են ինտերվյուի կանչեն մասնագիտական աշխատանքի համար: Թե չէ էլ ավելորդ ինչ նամակագրություն են վարում, էն ա կմերժեին: Մի քանի օր հետո էլ իմ աշխատած համալսարանից ինտերվյուի հրավեր եկավ: Սա արաբերենի դասախոսի հաստիք ա` առանց գիտական կոմպոնենտի: Հանձնաժողովում ղեկավարներս են, լսարանում ընկերներս ու ուսանողներս, ովքեր պետք ա որ լավ տրամադրված լինեն` ի վերջո արաբերեն քրֆել եմ սովորացնում, հետն էլ ասում ոչ մեկի չասեք: Ճիշտն ասած մի քիչ արխային էի որ մեկ ա մնաց մի ամիս: Թե չէ խուժան բաներ չէի սովորացնի: Ամեն դեպքում շանսերս շատ փոքր են` պիտի օբյեկտիվ լինեմ: Ես ոչ արաբերենի ոչ էլ անգլերենի լեզվակիր չեմ: Ոչ էլ երկար տարիների աշխատանքային փորձառություն ունեմ: Ինչքան ուզում ա ինտերվյուին լավ ինձ դրսևորեմ, մյուսը ավելի լավ կարող ա լինի: Ես տեսել եմ, թե ոնց իրանց ամենամտերիմ ընկերներին հանձնաժողովը մերժում ա, որովհետև ավելի լավ թեկնածուներ կան: Ինչևէ Մանչեսթերի համեմատ որտեղ միայն ցանկացել էին ինտերվյուի կանչել, էս ինտերվյուն առաջընթաց եմ համարում, անկախ արդյունքից: Հաջորդը էլ ավելի լավ արդյունք ա լինելու, եթե սա նույնիսկ մերժվեմ:
Հոդվածս ընդունել են տպագրության, մանր շտկումներ են առաջարկել րիվյուերները, հատկապես մեկի րիվյուն ընդհանրապես չեմ ընդունում, ասենք էնպիսի գիտնականների գործերի առաջարկում հղումներ անել ովքեր ըստ էության կողմ են ու քաջալերում են Արևմուտքի կողմից Մերձավոր Արևելքում կատարվող ագրեսիան: Պիտի ինչ որ մի կերպ գտնեմ, որ գոնե մի ասածի հետ համաձայն լինեմ, նենց չլինի որ րիվյուն ընդհանրապես արհամարհեմ: Որոշեցի որ տենց ա զուտ էդ հատվածներից որոնք պահանջում ա զարգացնել, որքան հնարավոր ա ուղղակի կրճատեմ ընդհակառակը: Հետո մի ուրիշ հոդվածում կանդրադառնամ:
Ժող ջան, իմ մասնագիտությամբ ռեալ էսօր Հայաստանում իմ կարիքը չկա: Այսինքն եթե ես ուզում եմ դասախոսել ու թատրոնով զբաղվել: Տեղս տաքանա գուցե պիեսներ թարգմանեմ հայերեն: Դրա միջոցով հայերենով մասնագիտությունս արդարացնեմ: Բայց ինձ գիտեմ էս սենց ասում եմ ոչ էլ կանեմ:
Ինչևէ ինձ հաջողություն մաղթեք: Դեկտեմբերի տասին կասեմ ինչ եղավ:
Էջանիշներ