Տաբու

[Sagittarius]

Եկեք այստեղ քննարկենք մեր հասարակությունում առկա տաբուները /որոնք բոլորը սուբյեկտիվ են, մեկի համար տաբու ա ինչ որ բավացասական իմաստով, մյուսի համար շատ նորմալ, տրամաբանական արգելք, վարք, երևույթ/, դրանց դրական և բացասական հետևանքները:

Օրինակ՝ «կարմիր խնձոր», կամ շատ ավելի պարզ՝ թևերի տակ թրաշել, թե չէ, կամ համասեռամոլությունը, կանանց ներկայությամբ չհայհոյելը, որոշ մարդկանց ներկայությամբ սեքսի մասին չխոսալը և այլն.

Խնդրում եմ մասնակիցներին լուրջ մոտենալ թեմայում բարձրացվելիք հարցերին և լինել հանդուրժող ուրիշների կարծիքների նկատմամբ.

[einnA]

Զարմացա, որ գրառում չի եղել այս թեմայում
գուցե տաբուների մասին չեն խոսում, էտ էլ ա տաբու ?

Մեր հասարակությունում կարծես համարյա բոլոր "շատ" հետաքրքիր թեմաների մասին լայն քննարկումներ ծավալելն իսկապես տաբու է:Լավ է գոնե էս վերջերս սկսել են բացահայտ որոշ մարդիկ որոշ տեղերում խոսել:

Դպրոցում հիշում եմ մարդու անատոմիայի ուսումնասիրության դասերը վերածվում էին չգիտեմ ինչի, ինչու? - դե որովհետև նման բաներից չեն խոսում, թե ասենք աղջկա անատոմիան ինչով է տարբերվում տղայից կամ ասենք էս անդամը ինչպես է կոչվում - ինչ կարևոր է. ամեն մեկն ինքը անունը դրել էր ու վերջ:

Չեմ կարծում բոլորի տանը խոսվել է ասենք, թե երեխաները որտեղից են "առաջանում":Բարի արագիլն է բերում - մինչև հիմա պատմում են գիտեք

Ես սեքսի մասին (միայն այդ բառն արտասանելիս մեզ թվում էր, թե արդեն անբարոյականության պես մի բան ենք անում, հիմա ա, որ ամեն քայլափոխին լսում ես)իմացել եմ չեմ հիշում երբ, որտեղից... (դեսից դենից ինֆորմացիա էինք հավաքում) բայց հաստատ ոչ տանից, մինչև հիմա մենք այդ մասին չենք խոսում - տաբու է:

Դե կան չէ հատուկ "փակ" թեմաներ, որ պարտադիր աղջիկները պետք է մամայից իմանան, իսկ տղաները պապայից:Հստակ վիճակագրական տվյալներ չեմ իմանում, բայց ճանաչածս մարդկանցից միայն 5% է խոսել այդ մասին իր երեխեքի հետ: - տաբու է:

Էհ էնքան կան, հիշեմ էլի կասեմ...

[Արամ]

Օրինակ որ տղեքը պետք է թևերի տակ թրաշ պահեն, շատ քիչ մարդկանց եմ ճանաչում որ թրաշում են, չեմ հասկանում ինչ վատ բան կա, բայց ինչու ոչ՞ , ինչու ամառները պետք է անպայման քրտնել հա՞ միևջ ոտերը ջուր դառնան, ետի անպայման պայմանա։

Հ․Գ․ հա ես մաքրում եմ

[Գաղթական]

Դե կան չէ հատուկ "փակ" թեմաներ, որ պարտադիր աղջիկները պետք է մամայից իմանան, իսկ տղաները պապայից:Հստակ վիճակագրական տվյալներ չեմ իմանում, բայց ճանաչածս մարդկանցից միայն 5% է խոսել այդ մասին իր երեխեքի հետ: - տաբու է:

ճիշտն ասած՝ ես չէի համաձայնի, թե սա «տաբու» է..
«տաբու» ասելով՝ ես հասկանում եմ. «վայ, բա մարդիկ իմանան/տեսնեն/լսեն՝ ի՞նչ կմտածեն»..
ու հենց էդ անորոշ «մարդկանց կարծիք»-ն է ստիպում շատերին չանել կամ չբարձրաձայնել որոշ ցանկություններ ու մտքեր..

իսկ երեխային սեռական դաստիարակություն չտալը ես ավելի շատ կապում եմ ամոթի կամ, ավելի շուտ, սեփական անտեղյակության հետ..
այո՝ ծնողները լավ են պատկերացնում, թե հատկապես ինչն է նպաստել իրենց մանկիկի աշխարհ գալուն.. բայց այ ինչպես խոսել դրա մասին երեխայի հետ.. ինչ բառեր օգտագործել, որ մեր պատկերացրած բարոյականության կամ ծնող-երեխա սահմանները չխախտենք..

դա առաջին հերթին..

իսկ ամենակարևորը՝ շատերը՝ տեղյակ լինելով կնոջ և տղամարդու արտաքին օրգանների տարբերությունից, մշուշոտ պատկերացում ունեն ներքին օրգաններից.. և, եթե նույնիսկ, ցանկություն էլ ունենան բացատրել՝ չեն կարողանա..


շատ «առաջավոր» երկրներում, օրինակ, այդ հարցը լուծել են դպրոցական ծրագրում սեռական դաստիարակություն ընդգրկելով..
բայց դե դա էլ, եթե ուզում եք ճիշտն իմանալ, սահմաններ պետք է ունենա..
թե չէ՝ 8-9 տարեկան երեխեքին արհեստական անդամներ բաժանել ու սովորեցնել պահպանակ հագցնելու ճիշտ միջոցները՝ որպես ի՞նչ..

[einnA]

ճիշտն ասած՝ ես չէի համաձայնի, թե սա «տաբու» է..
«տաբու» ասելով՝ ես հասկանում եմ. «վայ, բա մարդիկ իմանան/տեսնեն/լսեն՝ ի՞նչ կմտածեն»..
ու հենց էդ անորոշ «մարդկանց կարծիք»-ն է ստիպում շատերին չանել կամ չբարձրաձայնել որոշ ցանկություններ ու մտքեր..

Ձեր ասածի հետ համաձայն եմ, բայց ինձ համար "տաբու" նաև նշանակում է էն ամենը, ինչի մասին չեն խոսում, ինչը մի տեսակ արգելված թեմա է ու որը գալիս է ոչ միայն մարդիկ կտեսնեն,կիմանան, կլսեն, ինչ կասեն հարցադրումից, այլ նաև հա հենց ամոթից ու ինչ-որ նեղ բարոյական պատկերացումներից, որոնցից ելնելով ինչ-ինչ բաների մասին ուղղակի լռում են:
Ես կասեի ձեր տված տաբուի բնութագիրն ավելի շատ մեր` հասարակության կարծիքին շատ հետևելու ու դրանով շարժվելու նկարագիրն էր: Դա էլ ինչ-որ տեղ տաբու-ի նման ունի լիքը չգրված օրենքներ: Ամեն մարդ ինքն իր տաբուներն ունի, տարբեր է...

[Գաղթական]

Ամեն մարդ ինքն իր տաբուներն ունի, տարբեր է...

ես կասեի տաբուն ավելի հասարակական կարծիքին կամ ընդունված ձևերին է վերաբերում..
իսկ անհատականը՝ դա արդեն կոմպլեքսների շարքից է..

[erexa]

Տաբու ա տգիտությունը: Մարդիկ վախենում են տգետի տպավորություն թողնել:

[Հարդ]

Օրինակ՝ «կարմիր խնձոր», կամ շատ ավելի պարզ՝ թևերի տակ թրաշել, թե չէ, կամ համասեռամոլությունը, կանանց ներկայությամբ չհայհոյելը, որոշ մարդկանց ներկայությամբ սեքսի մասին չխոսալը և այլն.

Կարմին ինձ համար տաբու էր առանց քննարկման, իսկ կապույտի հարցադրումը չհասկացա: