Կատալոնական «Բարսելոնայի» հենակետային կիսապաշտպան Յայա Տուրեի ծառայություններով հետաքրքրված է սըր Ալեքս Ֆերգյուսոնը. մեծ հավանականություն կա, որ կոդ'իվուարցին կարիերան կշարունակի հենց Մառախլապատ Ալբիոնում:
Caught offside-ի հավաստմամբ` Ֆերգյուսոնը պատրաստվում է ուժեղացնել միջին գիծը, և Տուրեն այդ դիրքում իդեալական ֆուտբոլիստ է համարվում:
Անդերսոնի ու Կերիկի առողջական խխնդիներն ու Ֆլետչերի և Սքուլզի միտվածությունը հարձակվողական գործողություններին, էլ ավելի են բարձրացնում Յայաի արժեքը:
Բացի այդ, Տուրեն կարող է գործել նաև պաշտպանության կենտրոնում, ինչը նա ցուցադրեց նախորդ մրցաշրջանում:
Վերջին ժամանակաշրջանում Տուրեին իրենց շարքերում են ցանկություն հայտնել տեսնելու մի շարք անգլիական թիմեր, իսկ Մունդիալից հետո շատ հնարավոր է, որ Կոտ դ'Իվուարի հավաքականի ֆուտբոլիստի գինն էլ ավելի բարձրանա, այնպես որ ցանկացողները պետք է ամեն ինչ անեն մինչև աշխարհի առաջնության մեկնարկը նրան գնելու համար:
Աղբյուրը
Մեջբերել
Էջանիշներ