Բավականին հետաքրքիր է քաղաքական իրավիճակը Թայլանդում:
Շատերդ հավանաբար լուրերով լսել եք, որ այնտեղ ներկայումս հակակառավարական խոշոր բողոքի ակցիաներ են, բայց որպեսզի հասկանանք թե ովքեր են բողոքում այսօր և ովքեր էին բողոքում երկու տարի առաջ պետք է իմանանք Թայլանդում այսպես կոչված Կարմիրների (red-shirts) և Դեղիների (yellow-shirts) առկայության մասին.
Կարմիրներ (red-shirts)
Ֆորմալ անունն է՝ Միացյալ Ճակատ Հանուն Դեմոկրատիայի՝ Ընդդեմ Դիկտատուրայի the United Front for Democracy Against Dictatorship (UDD)
վերջիներս հիմնականում բաղկացած են գյուղական և աղքատ բնակչությունից, և նաև քաղաքային ուսանողության որոշ հատվածից, որոնք տեսնում են հարուստների և արքայական ընտանիքի ձեռը չափից դուրս իշխանություն անցնելու վտանգ.
Դեղիներ (yellow-shirts)
Ֆորմալ անունն է՝ Ժողովրդական Դաշինք Հանուն Դեմոկրատիայի. the Peoples' Alliance for Democracy (PAD),
Դեղիները բաղկացած են հիմնականում քաղաքային միջին դասից, գործարարներից և ռոյալիստներից: Նրանք պայքարում են մոնարխիայի պահպանման համար, և ի պատիվ արքայի կրում են դեղին գույնը:
Խրոնոլոգիա
2006 թվական Դեղիների կողմից սկսվեցին փողոցային բողոքի ակցիաներ ընդդեմ գործող վարչապետի՝ Թակշին Շինավատրայի, որը աչքի էր ընկնում աղքատների օգտին իրականացվող բարեփոխումներով՝ կրթական, առողջապահական, սակայն Դեղիների կողմից մեղադրվում էր կոռուպցյիայի և արքային անհավատարիմ լինելու մեջ
2006 սեպտերմբեր Ակցիաների արդյունքում Թայլանդում տեղի է ունենում ռազմական հեղաշջում
2007 դեկտեմբեր Ընտրությունների արդյունքով իշխանության են գալիս Շինավատրայի կողմնակիցները
2008 Մայիս Դեղիները վերսկսում են ակցիաները, դատարանի վճիռով իշխող կուսակցությունը վայր է դնում իշանությունը
2009 Կարմիրները, դժգոհ դատարանի վճռից, սկսում են բողոքի ակցիաները
2009 Ապրիլ Կարմիրները խափանում են Բանգկոկում անցկացվող ASEANի համաժողովը, փողոցային բախումների հետևանքով զոհվում է երկու մարդ. Կարմիրները դադարեցնում են ակցիաները
2010 Մարտ Կարմիրները վերսկսում են բողոքի ակցիաները՝ ամրացնելով երկու ճամբար՝ Կառավարության շենքի մոտ, և քաղաքի գործարար մասում՝ ստիպելով շատ ընկերությունների դադարեցնել աշխատանքը
Քաղական զարգացումները Թայլանդում բավականին ուշագրավ են հատկապես տնտեսագետների համար, քանզի Թայլանդը հանդիսանում է Հարավարևելյան Ասիայի մեծությամբ երկրորդ տնտեսությունը և հանդիսանում է կարևոր տնտեսական գործընկեր գրեթե բոլոր զարգացած երկրների համար:
Մեջբերել
Էջանիշներ