Ամերիկացի ու գերմանացի երկրաբանները հաշվարկել են Հիսուս Քրիստոսի մահվան ճիշտ տարեթիվը` հիմք ընդունելով Մեռյալ ծովի շրջանում սեյսմիկ ակտիվության վերլուծությունը:
Supersonic Geophysical կազմակերպության ներկայացուցիչ Ջեֆերսոն Ուիլիամսը Գերմանիայի երկրաբանական հետազոտությունների կենտրոնի իր գործընկերներ Մարկուս Շվաբի եւ Աքիմ Բրաուերի հետ հաշվարկել են, որ Քրիստոսի խաչելությունն ու մահը տեղի են ունեցել մեր թվարկության 33 թվականի ապրիլի 3-ին ուրբաթ օրը, հայտնում է ՌԻԱ Նովոստին` հղում անելով KAI-ին:Գիտնականները համադրել են սեյսմիկ տվյալները Նոր Կտակարանի տեքստի եւ աստղադիտական դիտարկումների հետ:
Մեռյալ ծովի շրջանում երկրաշարժների ժամանակագրությունը ցույց է տվել, որ Երուսաղեմից 20 կմ հեռավորության վրա գտնվող շրջանը սեյսմիկ ակտիվ գոտի էր մ. թ. ա. 31 թվականին, ինչպես նաեւ մեր թվարկության 26 եւ 36 թվականների միջակայքում: Երկրորդ երկրաշարժը տեղի է ունեցել այն օրերին, երբ Պոնտացի Պիղատոսն էր Հրեաստանի կուսակալը: Հիսուսի մահն այդ ժամանակահատվածում հաստատում են չորս Կտակարաններ, եւ հռոմեացի պատմիչ Տացինոսի տեքստերը:
Լուրեր Հայաստանից - NEWS.am
Մեջբերել
Էջանիշներ