Աստվածաշունչ. արժանահավատ գիրք

[Հայկօ]

Էէ... այս հոդվածը ի դեպ Եհովայի վկաների բրոշյուրաներից է... (с)1996 Watch tower bible and tract society of Pennsylvania. "Որն է կյանքի իմաստը. Ինչպես կարելի է այն գտնել"
Լավ, ենթադրենք, որ այնքան էլ կարևոր չի...

Իսկ ինձ թվում էր ձվաձև է... Երևի սատանիստ եմ դրանից է
Ժողովուրդ ջան, Սատանիստ լինելով հանդերձ, մեծ հետաքրքրասիրությամբ աստվածաշունչը կարդում եմ, բայց իրականում այնքան խճճվածա որ ով ոնց ուզի կմեկնաբանի... Լուրջ եմ ասում.
Կա այստեղ նենց մարդ որ լսած լինի "БИБЛИЯ САТАНАИЛА"-ի մասին? Դա էլ ձեզ իմ խոսքերի ապացույցը: Ցանկության դեպքում ամեն մի ուղղություն էլ կարող է իր օգտին մեկնաբանել Աստվածաշունչը: Այդ իսկ պատճառով էլ ես չեմ հասկանում ոնց կարան մարդիկ ասել որ Դա աստծո խոսքնա?

Դե իրականում ցանկացած բան կարելի է մեկնաբանել ցանկացած կերպ՝ սկսած երկրորդ դասարանցի Սոնչիկի ծուռտիկ-մուռտիկ շարադրությունից, վերջացրած Աստվածաշնչով: Իրականում դա կարևոր չէ. սևով սպիտակի վրա գծված սիմվոլները էական չեն: Էականը այն է, ինչ ներսում է: Նկատի ունեմ՝ զույգ երկիամներից, պոետի սրտից և գաղտնի ձևավորվող չարորակ ուռուցքից բացի : Ըստ դրա՝ կարելի է ուշադրություն դարձնել, ասենք, այն հատվածներին, որտեղ Աստված Հոբի հավատը փորձելու համար կոտորում է նրա ողջ ընտանիքը, Աբրահամից պահանջում է դանակահարել իր մինուճար որդուն, կամ մահվան է մատնում Եգիպտոսի բոլոր առաջնեկ երեխաներին: Կամ կարելի է ուղղակի հասկանալ, որ այդ ողջ խճճված «Աբրահամ-Իսահակ-Հակոբ» պորգրեսիաների, Քանանու երկրների, երկու հացերի ու երեք ձկների մեջ կարևոր են ընդամենը հետևյալ երկու մտքերը. «Սիրի՛ր մարդկանց» և «Դիմացինիդ հետ վարվիր այնպես, ինչպես կցանկանայիր, որ քեզ հետ վարվեին»: Մնացածը հին կաղապար է՝ հին՝ մի քանի հազար տարիների ընթացքում ապրած ու մեռած մարդկանց համար: Ամեն դեպքում, ինչքան էլ որ այն հին լինի, մարդիկ ու մարդկանց ներսի զույգ երկիամները, պոետի սիրտն ու գաղտնի ձևավորվող չարորակ ուռուցքը միշտ նույնն են, հետևաբար՝ «Սիրեցեք զմիմիյանս»-ն էլ է միշտ ակտուալ: Բնականաբար՝ այս մտքերն էլ կարելի է մեկնաբանել կամայական ձևերով. ինչ-որ մեկի համար «Սիրեցեք իրարը» կարող է նշանակել «Անալ սեքսով զբաղվեք իրար հետ». մեկ ուրիշը, ի պատասխան «Դիմացինիդ հետ վարվիր այնպես, ինչպես կցանկանայիր, որ քեզ հետ վարվեին» մտքին, կարող է ասել, որ ինքը մանկուց երազում է ուրագով կտոր-կտոր անել իր բոլոր դիմացիններին, որպեսզի երկար ու ցուրտ ձմեռներին սոված չմնա, սակայն ինքն անձամբ դեմ է ձմեռվա պաշար դառնալու հեռանկարին, և այլն: Վերաբերմունքի հարց է: Քեզ համար սատանիզմը մի ուղի է, որը տանում է դեպի գիտելիքը, դեպի ազատը, համարձակը, ստեղծագործը, անհատականը, ուժը և ըմբոստությունը. մեկ ուրիշի կարծիքով՝ բոլոր սատանիստները ամիսը մեկ՝ լիալուսնի ժամանակ, հավաքվում են գերեզմանոցներում, պենտագրամ են նկարում ու խմում են նորածին երեխաների արյունը, և նրանց բոլորին հարկավոր է ցցի հանել:

Մի խոսքով, ասածս ինչ էր. միշտ էլ կարելի է ասել, որ Աստվածաշունչը Աստծու խոսքն ա: Միշտ էլ կարելի է վիճարկել այս պնդումը: Բայց իրականում դա թե՛ ոչ մի բան չի փոխի, և թե՛ բնավ կարևոր չէ. այն, ինչն իսկապես կարևոր է, թղթի վրա տպված բառերի հետ կապ չունի: