Ղրղըզստանի նախագահ Կուրմանբեկ Բակիևը հրաժարական է տվել։ Երեկ ռազմական ինքնաթիռով Բակիևը մեկնել է Ղազախստան։ Նրա տեղափոխումը կազմակերպվել է Ռուսաստանի, Ղազախստանի և Միացյալ Նահանգների նախագահների աջակցությամբ։ Հեռանալու մասին հայտարարությունը նոր իշխանությունները ստացել են ֆաքսով։ Այս մասին հաղորդում է BBC-ն։
Ինչպես նշել է Ղրղըզստանի ժամանակավոր կառավարության ներկայացուցիչ Տոպչուբեկ Տուրգունալիևը, Բակիևի հետ միասին Ղրղըզստանից հեռացել են նրա կինն ու երկու երեխաները։ Մյուս հարազատները մնացել են Ղրղըզստանում։ Նրանցից մեկին՝ Բակիևի եղբայր Ժանիկբեկին, ժամանակավոր կառավարությունը խոստացել է ձերբակալել 24 ժամվա ընթացքում։ Տորգունալիևը նաև հավելել է, որ փախուստի ժամանակ ձերբակալվել է Ղրղըզստանի պաշտպանության նախկին նախարար Բակիտբեկ Կալիևը։
Բակիևի հրաժարականը հույս է արթնացրել, որ հնարավոր կլինի խուսափել բռնությունների նոր ալիքից։
Մեկնաբանելով ապրիլյան դեպքերը՝ Օտուբաևան ընդգծել է, որ Ղրղըզստանին հաջողվել է խուսափել շրջանների միջև հակամարտությունից, որը վերջին տարիներին հրահրում էր Բակիևի ռեժիմը։ Ըստ Ղրղըզստանի ժամանակավոր կառավարության ղեկավարի՝ նոր իշխանությանը հաջողվել է «պահպանել և վերահսկել իրավիճակը», և այժմ «Բակիևշչինան անցած փուլ է»։
Մեջբերել
Էջանիշներ