Ապրիլի 1… կատակի, ծիծաղի կամ խաբելու օր

[yerevanci]

Այսօր աշխարհի գրեթե բոլոր երկրներում տոնելու են ծիծաղի...խաբելու օրը... Այդ օրը բոլորը խաբում են մեկը մյուսին ..ոչ ոք իրավունք չունի նեղանալու... Եկեք խորհուրդներ տվեք.. ինչպե՞ս խաբենք մարդկանց որ հավեսով լինի... քանի՞ մարդու եք խաբել, ինչպե՞ս... Սկսեմ ինձանից...
Ամենահիշարժաններից մեկը. ընկերներիցս մեկը` Արմենը տան վարձի գումարը տալու նպատակով մյուս ընկերոջիցս` Դավիթից կլորիկ գումար էր վերցրել, մինչև որ տանից գումարը տեղ հասներ: Ապրիլի 1-ի առավոտյան զանգահարում եմ Արմենին ու ասում, որ այդ գումարը շտապ պետք է Դավիթին, պարզապես ինքը չի ուզում այդ մասին անձամբ քեզ ասել: Դե արի ու շտապ 35000 դրամ ճարի, հիմա որտեղի՞ց ճարի, որ պարտքը վերադարձնի: Արմենը մի քանի իր ընկերներից քիչ-քիչ գումարներով հավաքում է 30000 դրամ ու արդեն երեկոյան «վախեցած» զանգահարում ինձ: Ու հենց այդտեղ հեռախոսը պատասխանում է Դավիթը ու ասում Շնորհավոր Ապրիլի 1

ՀԳ: Ասեմ որ 20 րդ դարի ամենահայտնի կատակը դա BBC -ի արած հայտարարությունն էր այն մասին, որ Շվեցարիայում շնորհիվ ձմեռային բարենպաստ եղանակի գյուղացիները ստացել են ..Մակարոնի առատ բերք...
Հայտարարությունը շատ բուռն արձագանք է գտնում Անգլիայում...հեռուստատեսության հեռախոսները պայթում են զանգերի տարափից...բոլորը խնդրում են բացատրել, թե ինչպես անել Մակարոն աճեցնելու համար...

Հաճախ ժպտացեք

[Դեկադա]

Լավ օրա: Անկեղծ ասած չեմ խաբել, էտ իմ մոտ էտքան էլ լավ չի ստացվում: Բայց ինձ մի անգամ են լավ խաբել... էնպես էի հավատացել... ու խաբողն էլ քույրս էր: Առավոտ կանուխ զանգեց ու ուրախացած ասեց, որ եղբայրս տոմսերը վերցրել է գալիս է: Ուրախությանս չափ ու սահման չկար: Ամբողջ օրը հրճվելով ման եկա... որ երեկոյան չասեցին ապրիլի 1-ն ա, ոնց որ սառը ջուրը լցնեն գլխիս: Քիչ էր մնում սպանեի քրոջս...

Իսկ ծանոթներիս հետ կատարված ամենահիշարժան ապրիլմեկյան դեպքը կապված է հարեւանուհուս հետ: Փողոցով անցնելու էտ խեղճը 5000 դրամանոց է տեսնում: Կռանում ա որ վերցնի տեսնում ա փոխը գնաց: Մտածում ա՝ քամի է, նորից ա ձեռքը մեկնում վերցնելու տեսնում ա էս փոխը գնում ա: Մեկ էլ կողքի ծիծաղների վրա գլուխը բարձրացնում ա ու ի՞նչ տեսնի... երեխեքը էտ 5000-ից թել են կապել ու քաշ են տալիս...

Ժպտացեք, ժպիտը գեղեցկացնում է ձեզ...

[Ռուֆուս]

Իսկ ես էսօր գործընկերոջս կոմպի էկրանը 180 աստիճանով շուռ եմ տվել Հլը թող գործի գա, տեսնենք ինչ ռեակցիա կտա

[Elmo]

ես էլ մեր հիմնարկի ժողովրդին արդեն հավատացրել եմ, որ երեկ հայտարարել են, որ Մերգելյան ինստիտուտում միջուկային զենք են ստեղծել ու հայաստանը արդեն միջուկային դերժավա ա դառել: Արդեն քննարկում են, թե ումից ինչ ենք պահանջելու միջուկային զենքի սպառնալիքի տակ: Հետ տվեք մեր հողերը

[Արևածագ]

Երկու տարի առաջ խելքիս փչեց վարորդական իրավունքի տոմս հանել: Ծանոթներիս տեղեկացրել էի այդ մասին, դասընթացների համար պահանջվող գումարն էլ ձեռքիս, հայտարարություններն էի թերթում, փնտրում էի, թե ո՞ր ավտոդպրոցում համեմատաբար էժան գնով սույն գործը գլուխ կբերեմ:
Նախորդ տարվա ապրիլի մեկն էր: Ծանոթներիցս մեկը՝ կոչենք Կարեն, զանգեց, թե .«Շուտ արա, բա դու չգիտե՞ս, որ ԴՕՕՍԱՖ- ի ավտոդպրոցում մարտի 21ից մինչև ապրիլի 1ը դիմողների համար 30 % ի զեղչ կա...»: Երեկոյան ժամը չորսն է, հիմնարկներն էլ մինչև հինգն են աշխատում: Խառնվեցի իրար, չգիտեմ՝ զանգեմ- տաքսի կանչե՞մ, շորերս հագնե՞մ, հարկավոր թղթերի կոպիաները հանեմ, մի խոսքով՝ ինձ կորցրել եմ. Զեղչը, որ մոտ 4000 ռուբլի է կազմում, զեռքիցս թռնում է...Վերջը, մի կերպ հավաքվեցի, չորս անց քսան տաքսին եկավ, նստեցի տաքսին ու...ուղեղս պայծառացավ:Տաքսին շարժվեց, որոշեցի զանգել Կարենին: Սա հեռախոսը վերցրեց ու սկսեց հռհռալ...
Այս դեպքը չէի մոռացել: Վարորդականի դասերին մի երկու անգամ գնացի, Կարենի միջնորդությամբ տոմսը հանեցի, բայց դե կարգին քշել չէի կարողանում, ամուսինս նստում էր կողքիս, մեր թաղում խեղճի ներվերի հաշվին մի երկու շրջան գծում էի: Ամուսինս շա՜տ «շնորհակալ» էր Կարենից: Մի երկու անգամ ասաց. «Տոմսը տվել ես, արի , հետը նստի, քշել սովորեցրու»: Նա էլ թե՝« Շառներդ քաշեք, ինֆարկտ տարած մարդ եմ, թողեք մի երկու տարի էլ ապրեմ»:
Նոր ավտո էինք առել: Բնական է, որ ինձ էդ ավտոյին մոտ գնալ չէր կարելի: Ես «07» ը կարող էի «ջարդել», էն էլ չէի քշում: Անցյալ տարվա ապրիլի մեկն էր.Բարեբախտաբար, ամուսինս գործուղման մեջ էր: Տնից զանգեցի Կարենին ու լացակումած ձայնով ասում եմ.
-Կարեն ջան, շուտ արի –հասի, Թելմանի փողոցի վրա ավտոն խփել եմ...
Կարենի ծնկները թուլանում են.
-Որ՞ն ես խփե...
-Թազա՜ն ,-կլկլացնում եմ ես:
-Լավ, հեսա գալիս եմ, մի լաց...
Տաս րոպե անց զանգում է.
-Փողոցի ո՞ ր մասում ես, հասնում եմ ծերին...
-Հենց հասնես վերջը, աջ պավառոտի վրա մի մեծ ռեկլամի շիտ կա..
-Հա,հետո՞...
-Վրան գրած ա՝ ապրիլի մեկդ շնորհավոր, դրա տակն եմ...
Այս առավոտի հաշվով՝ դեռ ոչ- ոքի ենք...

[SSS]

Հենց նոր գոծընկերոջս հետ զանգեցինք տնօրենիս ու ասացինք,որ Իտալիայից նամակ է եկել ժամը 17:00 ին հյուրեր ունենք:Պետք է շտապ մի բան անել..Տնօրենս էլ ,թե.
_Վայ,կոստ չունեմ,գնամ առնեմ...
Երևի սա իմ վերջին աշխատանքային օրն է

[ministr]

Google-ն էլ ա ղժժացել

http://www.google.com/tisp/install.html

Ինտերնետ կանալիզացիայից Մեր FastClick-ի ուժեղ ձևնա

[Dayana]

Google-ն էլ ա ղժժացել

http://www.google.com/tisp/install.html

Ինտերնետ կանալիզացիայից Մեր FastClick-ի ուժեղ ձևնա

Դու մի խոսա հա՞ ինձ մի տոննա սուտ փչեցիր

[Մանուլ]

Բայց ինձ մի անգամ են լավ խաբել... էնպես էի հավատացել... ու խաբողն էլ քույրս էր: Առավոտ կանուխ զանգեց ու ուրախացած ասեց, որ եղբայրս տոմսերը վերցրել է գալիս է: Ուրախությանս չափ ու սահման չկար: Ամբողջ օրը հրճվելով ման եկա... որ երեկոյան չասեցին ապրիլի 1-ն ա, ոնց որ սառը ջուրը լցնեն գլխիս: Քիչ էր մնում սպանեի քրոջս...

Բայց նմանատիպ կատակներն իսկապես դաժան են: Կարծում եմ, որ ավելի լավ ա մարդուն ինչ-որ վատ լուրով խաբել: Երբ պարզվի, որ սուտ էր, միայն կուրախանա : Իսկ եթե նախօրոք ուրախանում ես, հետո հասկանում ես, որ իզուր էր էդ ուրախությունդ, շատ վատ ես զգում...

[unknown]

Այսօր ախպերս մի լավ կատակ արեցԴասի էի մեկել հորեխբորս փոքր տղեն զանգեց թե.
- Ան դասի ես չէ
- Հա ի՞նչա եղել
- Ձեր ինստիտուտի դեմն եմ,դուրս արի ուզում եմ քեզ տենամ
Եսել թափով դասախոսից հարցնում եմ ու 4 հարկից իջնում եմ ինստիտուտի հայաթ,կողերս նայում եմ մարդիկ գնում գալիս են,զանգում եմ ախպորս
-Ուր ես քեզ չեմ տենում
-ոնց չես տենում քեզ ձեռով եմ անում
Էլի կոքերս եմ նայում,ու մեկել տենամ ախպորս կողքից հորքուրիս տղեն ասումա.
-Անուշ եսօր ապրիլի մեկնա
Ետ րոպեին որ կողքս լինեին 2-ին կսպանեիԲայց եսօր ամբողջ օրը պատմում ծիծաղում էինք

[Chuk]

Առաջիկայում մոդերատորների նոր նշանակումներ էլ են լինելու, մասնավորապես այն բաժիններում, որոնք մոդերատոր չունեն, հետևաբար եթե նոր թեկնածություններ ունեք, խնդրում եմ ինձ տեղեկացրեք այդ թեկնածությունների մասին անհատական նամակով: Իսկ մինչ այդ ուրախ եմ տեղեկացնել ևս մեկ նոր մոդերատորի մասին: Հաշվի առնելով, որ Վարպետը ակումբ պրակտիկորեն չի մտնում, Կրոն բաժնում մնացել է միայն մեկ մոդերատոր՝ Monk-ը ու կար երկրորդ մոդերատոր նշանակելու անհրաժեշտություն: Կար խնդիր, որ մոդերատորը լինի այլ կրոնական հայացքների կրող, քան է Monk-ը: Ղեկավար կազմում քննարկումների արդյունքում, ի դեպ քննարկումները բավական բուռն էին ու դժվար, կատարեցինք ոչ հեշտ որոշում, այս բաժնի մոդերատոր ընտրությունը կատարելով փոքր-ինչ պրովոկացիոն, լրիվ հակառակ կրոնական հայացքներ ունեցող մարդու: Ուրախությամբ տեղեկացնում եմ, որ Rhayader-ը այսուհետ կրոն բաժնի համամոդերատոր է

Rhayader-ին մաղթում եմ համբերություն, տոկուն նյարդեր, անաչառություն: Հուսով եմ, որ մոդերավորելիս էմոցիոնալ ամեն ինչը մի կողմ կդնի:

[Ֆրեյա]

Առաջիկայում մոդերատորների նոր նշանակումներ էլ են լինելու, մասնավորապես այն բաժիններում, որոնք մոդերատոր չունեն, հետևաբար եթե նոր թեկնածություններ ունեք, խնդրում եմ ինձ տեղեկացրեք այդ թեկնածությունների մասին անհատական նամակով: Իսկ մինչ այդ ուրախ եմ տեղեկացնել ևս մեկ նոր մոդերատորի մասին: Հաշվի առնելով, որ Վարպետը ակումբ պրակտիկորեն չի մտնում, Կրոն բաժնում մնացել է միայն մեկ մոդերատոր՝ Monk-ը ու կար երկրորդ մոդերատոր նշանակելու անհրաժեշտություն: Կար խնդիր, որ մոդերատորը լինի այլ կրոնական հայացքների կրող, քան է Monk-ը: Ղեկավար կազմում քննարկումների արդյունքում, ի դեպ քննարկումները բավական բուռն էին ու դժվար, կատարեցինք ոչ հեշտ որոշում, այս բաժնի մոդերատոր ընտրությունը կատարելով փոքր-ինչ պրովոկացիոն, լրիվ հակառակ կրոնական հայացքներ ունեցող մարդու: Ուրախությամբ տեղեկացնում եմ, որ Rhayader-ը այսուհետ կրոն բաժնի համամոդերատոր է

Rhayader-ին մաղթում եմ համբերություն, տոկուն նյարդեր, անաչառություն: Հուսով եմ, որ մոդերավորելիս էմոցիոնալ ամեն ինչը մի կողմ կդնի:

Չուկի ապրիլմեկյան կատակն էր, շնորհավոր !

[Ռուֆուս]

Չուկի ապրիլմեկյան կատակն էր, շնորհավոր !

Էէէ, Ան, կատակն ինչի՞ սենց շուտ փչացրիր Թողնեիր մարդիկ մի հատ լավ շոկի մեջ ընկնեին նոր կասեինք

[Rhayader]

Ինչ լավ ա, որ ես սկեպտիցիզմի ապրիլմեկյան պաշարով զինված մտա էս թեման

[Chuk]

Չուկի ապրիլմեկյան կատակն էր, շնորհավոր !

Կատակի բան չկար Անի ջան, բայց մեղքն իմն ա, պիտի համբերեի, վաղը դնեի հայտարարությունը. գրառումիցդ հետո հասկացա, որ մարդիկ կատակ են հասկանալու, բայց լրիվ լուրջ ա: Ընդհանրապես էքսցենտրիկ որոշումներ կատարելուց ես լավ եմ ու պիտի որ իմանայիր դա
Վստահ եմ, որ էս նշանակումը բալանս կբերի «Կրոն» բաժնում: